Génesis 26:28 - DIOSPA QHELQACHISQ

²⁸ Paykunatajrí kuticherqanku: Noqayku reparayku qanwan Tata Dios kasqanta. Chayrayku qanwan uj tratota ruwayta munayku. Chay trato kay jina kanqa:

Qheshwa Biblia DC

²⁸ Paykunataj kuticherqanku: Noqayku rikuyku qanwan Señor kasqanta, chayrayku noqayku munayku qanwan uj tratota ruwayta. Chay tratoqa kay jina kanqa:

DIOSPA QHELQACHISQAN DEUTEROCANONICAL

²⁸ Paykunatajrí kuticherqanku: Noqayku reparayku qanwan Tata Dios kasqanta. Chayrayku qanwan uj tratota ruwayta munayku. Chay trato kay jina kanqa:

Génesis 26:28 Referans Kwoze

Isaías 61:9

Israelitakunaj mirayninku tukuy suyu ukhupi uyarisqa kanqanku, llajtakuna chawpipitaj paykunaj mirayninku may uyarisqa kanqanku. Tukuy chayta rikojkunataj nenqanku: Tata Diosmin paykunata saminchan, nispa.

Isaías 45:14

Chantá Tata Dios israelitakunaman nillantaj: Egipto suyumanta campo runakunata, Etiopiamanta ranqherokunata ima kamachinkichej. Jinallataj Sabá cheqamanta jatunkaray runakuna qankunaman k'umuykusonqanku, jinataj wata runaykichej kanqanku. Qhepaykichejta cadenawan watasqa jamonqanku. Ñawpaqeykichejman qonqoriykukuspataj, nisonqachej: Cheqapuni Diosqa qankuna ukhupi kashan, chay Diosmanta jawataj mana waj dios kanchu, nispa.

Josué 3:7

Chantá Tata Dios Josueta nerqa: Kunan p'unchaymantapacha israelitakunajpa ñawpaqenkupi jatun respetowan qhawanaman tukuchisqayki. Ajinapi paykuna yachanqanku noqaqa qanwanpuni kashasqayta, imaynatachus Moiseswan karqani, jinata.

Génesis 39:5

Chaymantapacha Tata Dios Joserayku Potifarta samincharqa. Wasinpi tukuy ima kajpi, jinataj chajranpipis Tata Dios yanaparqa.

Hebreos 13:5

Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.

Hebreos 6:16

Runakunaqa paykunamanta aswan kuraj kajpa sutinrayku tilunku, icharí? Nisqankuta junt'anankupaj tilojtinkutaj, manaña imamantapis parlana kanñachu.

1 Corintios 14:25

Ajinamanta sonqon ukhupi pakasqa kaj sut'inchasqa kanqa, paytaj qonqorikuspa, Diosta yupaychanqa: Cheqapuni Dios qankunawan kashan, nispa.

Isaías 61:6

Qankunataj Tata Diospa sacerdotenkuna nisqa kankichej, Diospa kamachinkuna nisqataj. Qankunaqa waj suyukunaj qhapaj kapuyninkumanta mikhunkichej, qhapaj kayninkuwantaj kusikunkichej.

Isaías 60:14

Chaypachallataj ñak'arichisojkunaj wawankoqa ñawpaqeykipi k'umuykonqanku, pisipaj qhawasojkunapis chakiykiman k'umuykamullanqankutaj. Paykuna sutichasonqanku “Tata Diospa Llajtan”, “Israelpa May Llimphu Kaj Diosninpa Sión Llajtan”, nispa.

2 Crónicas 1:1

Davidpa churin Salomonqa Tata Diospa yanapasqan kuraj kamachej kasqanpi astawan kallpachakorqa, may atiyniyojtaj karqa.

Génesis 24:41

Aylluyman rejtiyki, sichus ususinkuta mana qoyta munankumanchu chayqa, chaypacha tilusqaykita mana junt'asqaykimanta mana juchayojchu kanki, nispa.

Génesis 24:3

Jinaspataj, janaj pachapi, kay pachapipis Tata Diosrayku tiluy ari, noqa maypichus tiyakushani kay Canaanpi kaj warmikunawan amapuni churiyta casarachinaykita.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

Génesis 31:44

Chayrayku qanwan noqawan uj tratota ruwanachej, iskayninchej junt'ananchejpaj, nispa.

Génesis 39:3

Patronnintaj repararqa Tata Diosqa Josewan kashasqanta, chayraykutaj Joseta tukuy ima ruwasqanpi allin rishasqanta.

1 Samuel 11:1

Amón suyoj kuraj kamachejnin Najasqa soldadonkunawan ima Galaadpi Jabés llajtaman rerqa, jap'inanpajtaj chay llajtata muyuykorqa. Jabés llajtayojkunarí nerqanku: Noqaykuwan uj tratota ruwana, noqaykutaj kamachiyniykipi kasqayku, nispa.

1 Samuel 18:28

Saulqa repararqa Davidwan Tata Dios kasqanta, ususin Micaltaj sinch'ita munakusqanta ima.

2 Crónicas 15:9

Chantá Asaqa tukuy Judá jatun ayllumanta, Benjamín jatun ayllumanta kajkunata, jinallataj paykunawan tiyaj Efraín jatun ayllumanta, Manasés jatun ayllumanta, Simeón jatun ayllumanta runakunatapis tantacherqa. Ashkha runakuna Israel suyumanta Judá suyuman jampusqanku, imaraykuchus yacharqanku Tata Diosqa Judamanta kajkunawan kashasqanta.