Génesis 24:7 - DIOSPA QHELQACHISQ

⁷ Janaj pachapi kaj Tata Dios llajtaymanta, tataypa wasinmanta ima orqhomuwaspa, tiluwarqa: Kay jallp'ata mirayniykiman qosaj, nispa. Chayrayku paymin angelninta ñawpaqeykita kachanqa, churiypaj warmita pusamuyta yanapasunanpaj.

Qheshwa Biblia DC

⁷ Señor janaj pachapi kaj Dios orqhomuwarqa, tataypa wasinmanta, ayllusniypa jallp'anmanta; niwarqataj kay jallp'ata mirayniymanwan qonawanta. Chay Dios kachamusonqa uj angelninta qampa ñaupaqeykita rinampaj, yanapasunampajtaj wawaypaj warmita pusamuyta.

DIOSPA QHELQACHISQAN DEUTEROCANONICAL

⁷ Janaj pachapi kaj Tata Dios llajtaymanta, tataypa wasinmanta ima orqhomuwaspa, tiluwarqa: Kay jallp'ata mirayniykiman qosaj, nispa. Chayrayku paymin angelninta ñawpaqeykita kachanqa, churiypaj warmita pusamuyta yanapasunanpaj.

Génesis 24:7 Referans Kwoze

Hebreos 1:14

Aswanpis angelkunaqa Diospa munasqanta ruwanankupaj kashanku. Diostaj paykunata kachamun, pikunachus qhespichisqa kanata chayaqeta jina jap'enqanku, chaykunata yanapanankupaj.

Salmos 34:7

7 (8) Tata Diospa angelnenqa Diosta jatun respetowan qhawajkunaj muyuyninkupi jaraykukuspa, jark'an.

Éxodo 33:2

Noqataj angelniyta kachamusaj qanta pusasunanpaj. Chantá cananeokunata, amorreokunata, jititakunata, ferezeokunata, heveokunata, jebuseokunata ima kay jallp'amanta qharqosaj.

Génesis 13:15

Noqaqa tukuy rikusqayki jallp'ata qosqayki. Chay jallp'ataj qanpaj, jinataj mirayniykipajpis wiñaypaj kanqa.

Salmos 73:24

Qanqa yuyaychawasqaykiwan cheqan ñanta pusawarqanki, chaymantataj mayta jatunchaspa jap'ikapuwanki.

Salmos 32:8

Tata Dios nin: Ñaweyqa qan qhawarisqalla kashan. Yuyaychasqayki, yachachisqaykitaj imaynatachus purinaykita.

Éxodo 32:13

Kamachiyki Abrahamman, Isaacman, Israelman ima sutiykirayku tiluspa, nisqaykimanta yuyarikuy. Qan paykunata nerqanki: Noqa janajpi ch'askakunata jinapuni mirachisqaykichej, nisqayman jinataj wiñaypaj qankunaman kay jallp'ata qosqaykichej, nispa.

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Apocalipsis 11:13

Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.

Hebreos 11:9

Chaymanta Abrahamqa Diospi atinikusqanrayku, Dios qosqayki nisqan jallp'api tiyakorqa, runaj llajtanpi waj llajtayoj runa jina. Pay toldollapi tiyakorqa. Isaacpis, Jacobpis toldollapitaj tiyakorqanku, pikunachus Diospa nisqanta jap'inallankutaj karqa, chaykuna.

Hechos 7:5

Diosqa kay cheqapi mana Abrahamman chayaqeta jina qorqachu ni chaki sarunan chhikallantapis. Chaywanpis Diosqa kay cheqata Abrahammanpuni qonanta nerqa paypata kananpaj, wañupojtinpis mirayninpaj qhepakunanpaj. Chayta Dios nishajtintaj, manaraj Abrahampata ni uj wawanpis karqachu.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Salmos 103:20

Angelkuna, Tata Diosta yupaychaychej, pikunachus atiyniyojkuna, kamachisqanta junt'ajkuna, chantá nisqanta usqhayllata kasojkuna ima kankichej.

Josué 1:6

Chayrayku kallpachakuy, waputaj kay. Qanmin chay jallp'ata israelitakunaman chayaqenkupaj rak'iranki, ñawpa tataykichejkunaman qonayta nerqani, chayta.

Deuteronomio 34:4

Chantá Tata Diosqa Moisesta nerqa: Abrahamman, Isaacman, Jacobman, chantá mirayninman ima tiluspa qonayta nerqani, chay suyoqa kaymin. Noqa chay jallp'ata qan kikin ñawiykiwan rikunaykita munarqani. Chaywanpis mana chaymanqa yaykunkichu, nispa.

Deuteronomio 1:8

Noqa chay suyukunata qankunaman qoykichej. Chayrayku chayman rispa, chay jallp'ata jap'ej yaykuychej. Chay jallp'ata noqa Tata Dios ñawpa tataykichej Abrahamman, Isaacman, Jacobman, jinallataj mirayninkuman ima tiluspa qonayta nerqani, nispa.

Números 32:11

Egiptomanta llojsimojkunamanta, iskay chunka watayojmanta pataman chay jallp'ata mana rikonqankuchu, imajtinchus mana tukuy sonqochu qhatiwarqanku. Chay jallp'ata Abrahamman, Isaacman, Jacobman ima tiluspa qonayta nerqani, chayman mana yaykonqankuchu.

Números 14:30

Qankunamanta mana pipis, tiluspa qonayta nerqani, chay jallp'aman yaykunkichejchu. Chaymanqa Yefunej churin Caleblla, chantá Nunpata churin Josuellawan yaykonqanku.

Números 14:16

Tata Dios qonanta nisqan jallp'aman israelitakunata mana pusayta atispa, ch'innejpi paykunata wañuchin, nispa.

Éxodo 13:5

Kay kikin killallataj yuyarikuna raymita Diospaj sapa wata ruwankichej, maypachachus Tata Dios lechewan, abeja misk'iwan purishaj jallp'aman chayachisonqachej, chaypacha. Chay jallp'api kunan tiyakushanku cananeokuna, jeteokuna, amorreokuna, heveokuna, jebuseokuna ima. Jinapis Tata Dios chay jallp'ata ñawpa tataykichejkunaman tiluspa qonanta nerqa.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 17:8

Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

Jonás 1:9

Jonastaj kuticherqa: Hebreo kani, noqataj Tata Diosta yupaychani, janaj pachapi kaj Diosta. Paymin mama qochata, kay pachatapis ruwarqa, nispa.

Isaías 63:9

Israelitakuna llakisqa kashajtinku, Tata Diospis llakisqallataj karqa. Mana pi angeltapis kachamorqachu paykunata kacharichinanpaj. Manachayqa paymin munakuyninwan, khuyakuyninwantaj pagota pagaspa, paykunata kacharicherqa. Paykunata marq'arikuspa, apaykacharqa, imaynatachus unaymantapacha ruwarqa, ajinata.

Esdras 1:2

Persiamanta kuraj kamachej Ciroqa kay jinata nin: Janaj pachapi kaj Tata Diosqa tukuy kay pachapi suyukunata makiyman churan, kamachiwantaj Judapi kaj Jerusalén llajtapi paypaj uj Templota ruwapunayta.

Jueces 2:1

Uj kuti Tata Diospa angelnenqa Gilgalmanta Boquín nisqa cheqaman rispa, israelitakunata nerqa: Noqaqa Egipto suyumanta orqhomorqaykichej, jinaspataj pusamorqaykichej, ñawpa tataykichejkunaman qonayta nerqani, chay jallp'akama. Chaypacha paykunata nisqani: Mana jayk'ajpis qankunawan tratoyta p'akisajchu.

Génesis 16:7

Chantá Tata Diospa angelnin Agarta tariparqa Shur nisqa ch'innejpi, Egiptoman rina ñan patapi kaj yaku pujyu qayllapi.

Génesis 21:17

Diosrí wawaj waqasqanta uyarerqa. Chayrayku janaj pachamanta uj ángel Agarta wajyaspa, nerqa: Imataj tiyan, Agar? Ama phutikuychu. Diosqa wawaj waqasqanta uyarin.

Génesis 22:11

Tata Diospa angelnin janaj pachamanta nimorqa: Abraham, Abraham, nispa. Paytaj kuticherqa: Kaypi kashani, imata ninki? nispa.

Génesis 24:3

Jinaspataj, janaj pachapi, kay pachapipis Tata Diosrayku tiluy ari, noqa maypichus tiyakushani kay Canaanpi kaj warmikunawan amapuni churiyta casarachinaykita.

Génesis 24:40

Paytaj niwarqa: Noqaqa Tata Diosta kasuspa purini. Chayrayku paymin angelninta qanta yanapasunanpaj kachamonqa, kay risqaykipi allin risunanpaj. Qanqa aylluy ukhumanta churiypaj uj warmita pusamunki.

Números 11:12

Mana noqaqa kay runakunaj tatankuchu, nitaj mamankuchu kani. Imaraykutaj ñuñoj wawakunata jina ichuspa, ñawpa tatankuman qonaykita nerqanki, chay jallp'aman pusanayta niwankiri?

Josué 24:3

Noqarí ñawpa tataykichej Abrahamta chay mayu kantumanta pusamuspa, tukuynin Canaán jap'iynejta puricherqani. Chantá payta miracherqani. Ñawpajta Isaac churinta qorqani,

Salmos 136:26

Janaj pachapi kaj Diosman pachis niychej, imaraykuchus munakuynenqa wiñay wiñaypajmin.