Génesis 24:14 - DIOSPA QHELQACHISQ

¹⁴ Chantá paykunamanta ujninta nisaj: Ama jina kaspa, p'uñuykita urayk'uchikuy, yakuta ujyanaypaj, nispa. Sichus pay p'uñunta urayk'uchikuspa, niwanqa: Kayqa, ujyarikuy, camelloykikunamanpis ujyarichipusqayki, nispa chayqa, chay kachun kamachiyki Isaacpaj ajllasqayki warmi. Ajinapi yachasaj qan patronniyta khuyakusqaykita, nispa.

Qheshwa Biblia DC

¹⁴ Qan niy ari mayqenchus kananta, noqa pi sipastachus nisaj: P'uyñuykita uraychuchikuspa yakuta qoriway ujyanaypaj. Paytaj uraykuchikuytawan niwanqa: Kayqa ujyarikuy, camellosniykimampis ujyarichipusqayki, niwanqa, chay kachun ajllasqayki kamachiyki Isaacpaj. Ajinapi yachasaj qan patronniyta khuyakusqaykita.

DIOSPA QHELQACHISQAN DEUTEROCANONICAL

¹⁴ Chantá paykunamanta ujninta nisaj: Ama jina kaspa, p'uñuykita urayk'uchikuy, yakuta ujyanaypaj, nispa. Sichus pay p'uñunta urayk'uchikuspa, niwanqa: Kayqa, ujyarikuy, camelloykikunamanpis ujyarichipusqayki, nispa chayqa, chay kachun kamachiyki Isaacpaj ajllasqayki warmi. Ajinapi yachasaj qan patronniyta khuyakusqaykita, nispa.

Génesis 24:14 Referans Kwoze

Jueces 6:37

kay jina señalta rikuchiway: Noqaqa era pampaman churasaj oveja millmata. Sichus tutamanta millma chhullawan joq'ochasqa kanman, tukuy pampataj ch'aki kanman chayqa, yachasaj cheqamanta qan ajllawasqaykita, niwasqaykiman jina israelitakunata kacharichinaypaj, nispa.

Jueces 6:17

Gedeontaj kuticherqa: Sichus allinpaj qhawawanki chayqa, uj señalta rikuchiway, yachanaypaj qan pichus noqawan parlajqa Tata Diospuni kasqaykita.

Génesis 15:8

Chantá Abram nerqa: Tukuyta Kamachej Tata Diosníy, imaynapitaj sut'ita yachasaj kay jallp'ata chayaqeypaj jap'inaytari? nispa.

Isaías 7:11

Diosniyki Tata Diosmanta uj señalta mañakuy, ukhu pachamanta chayrí janaj pachamantapis kachun, nispa.

Proverbios 19:14

Tatakuna mamakuna wasitawan, qolqetawan chayaqeta jina wawankunaman qonku. Allin yuyayniyoj warmitarí Tata Dioslla qhariman qon.

2 Samuel 5:24

Maypachachus uyarinki sach'akuna patapi runapis purishanman jina, chaypacha maqanakoj yaykunki, imaraykuchus chay niyta munan noqa Tata Dios ñawpaqeykita rishasqayta filisteokunaj soldadonkunata wañurachispa, nispa.

Jueces 18:5

Chayta uyarispa, Danmanta jamojkuna nerqanku: Diosta tapuripuwayku kay puriyniykupi allinchus riwasqayku manachus, chayta, nispa.

Romanos 1:10

Jinallataj Dioswan parlarikuspa, mañarikuni, Dios munajtin, qankunata watukoj rinaypaj.

2 Samuel 20:9

Chaypachataj Joabqa espadanta oqhariytawan, chimpaykorqa Amasaman, sunkhanta paña makinwan jap'ispa much'aykoj jina, taporqa: Walejchu risunki, wawqéy? nispa.

1 Samuel 20:7

Sichus walej, nisonqa chayqa, niyta munan walejlla kanayta. Phiñarikonqa chayrí, qan yachanki wañuchiwaytapuni munashasqanta.

Génesis 24:44

Nejtiytaj, sichus chay sipaku niwanman: Kayqa, ujyarikuy, noqataj camelloykikuna ujyanankupajpis yakuta orqhopusqayki, nispa chayqa, chay kachun ari patronniypa churinpaj ajllapusqayki warmi, nispa.

Génesis 24:13

Noqa kay pujyu kantupi suyasaj, kay llajtayoj sipaskuna yakuman jamunankuta.

Génesis 24:15

Kamachi manaraj Diosmanta mañakuyta tukushajtin, uj sipas p'uñu lijrarisqa yakuman jamorqa. Payqa Rebeca karqa, Betuelpa ususin. Betuelqa Milcajta, Najorpatawan churin karqa. Najortajrí Abrahampata wawqen karqa.

Génesis 24:18

Rebecataj kuticherqa: Imarayku mana. Ujyarikuy, wiraqochi, nispa. Chantá usqhayta p'uñunta urayk'uchispa, ujyacherqa.

Génesis 24:19

Kamachi ujyayta tukojtintaj, sipas nerqa: Camelloykikunapajpis yakuta orqhopusqayki sajsakunankukama ujyanankupaj, nispa.

Génesis 24:43

Kunan pujyu qayllapi kashani. Kay jina kachun: Noqa yakuman jamoj sipasta nisaj: Ama jinachu kay, p'uñuykimanta yakuta ujyanaypaj qoriway, nispa.