Génesis 23:4 - DIOSPA QHELQACHISQ

⁴ Noqaqa qankuna ukhupi karu llajtayoj kani. Ama jina kaspa, warmiypa ayanta p'ampakapunaypaj jallp'ata venderiwaychej ari, nispa.

Qheshwa Biblia DC

⁴ Noqaqa karu llajtayoj qankuna ukhupi tiyakuni, jinapis venderiwaychej ari uj chhikan jallp'ata, chayman warmiyta p'ampakapunaypaj.

DIOSPA QHELQACHISQAN DEUTEROCANONICAL

⁴ Noqaqa qankuna ukhupi karu llajtayoj kani. Ama jina kaspa, warmiypa ayanta p'ampakapunaypaj jallp'ata venderiwaychej ari, nispa.

Génesis 23:4 Referans Kwoze

Hebreos 11:9

Chaymanta Abrahamqa Diospi atinikusqanrayku, Dios qosqayki nisqan jallp'api tiyakorqa, runaj llajtanpi waj llajtayoj runa jina. Pay toldollapi tiyakorqa. Isaacpis, Jacobpis toldollapitaj tiyakorqanku, pikunachus Diospa nisqanta jap'inallankutaj karqa, chaykuna.

1 Crónicas 29:15

Qanpa ñawpaqeykipi noqaykoqa waj llajtayojkuna jina kayku. Jinallataj ñawpa tataykukunapis karqanku. Kay pachapi kawsayniykoqa llanthu jinalla, mana ni imata suyanapaj jina.

Génesis 17:8

Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

Salmos 119:19

Noqa kay pachapi ñan purej jinalla kani, kamachisqaykitaqa ama pakawaychu.

Hechos 7:5

Diosqa kay cheqapi mana Abrahamman chayaqeta jina qorqachu ni chaki sarunan chhikallantapis. Chaywanpis Diosqa kay cheqata Abrahammanpuni qonanta nerqa paypata kananpaj, wañupojtinpis mirayninpaj qhepakunanpaj. Chayta Dios nishajtintaj, manaraj Abrahampata ni uj wawanpis karqachu.

Salmos 39:12

12 (13) Tata Diosníy, mañakusqayta uyariway, waqaspa qhaparikamusqaytapis. Waqasqayta rikuspa, ama ch'inlla kakuychu. Qanpajqa waj llajtayoj jina kani, ñan purej runa jinalla, ñawpa tataykukuna jinataj.

Levítico 25:23

Jallp'aqa mana wiñaypajchu vendesqa kanqa, imaraykuchus jallp'aqa noqajtamin, chayrayku. Qankunaqa waj llajtayojpis kawajchej jina noqaj wajyarikusqaylla kankichej.

Génesis 49:30

Chay chhanka jusk'oqa Canaanpi, Macpela chaypi, Mamré chimpapitaj. Chay jallp'ata jatun tatay Abraham jitita Efronmanta rantikusqa, ayllun p'ampakunankupaj.

1 Pedro 2:11

Munasqa wawqe panaykuna, qankuna kay pachapi waj llajtayojkuna jina kankichej. Chayrayku tukuy sonqo mañakuykichej: Ama juchallinaman aysaj sonqoykichejpa munasqanta kasuychejchu, imaraykuchus chaykuna sonqoykichejpa contranpi sayaykunku.

Eclesiastés 12:7

Chay p'unchay jallp'aqa jallp'allamantaj kutenqa, ñawpajta karqa, chayllamantaj. Qanman kawsay qosqa karqa, chaytaj Diosman kutiponqa.

Eclesiastés 12:5

Diosmanta yuyarikuy wichayman rinapis manaraj mancharikuna kashajtin, ñanta purinapis manaraj manchay manchachikuna kashajtin. Chaypacha chujchayki almendro t'ika jina yurajyanqa. Kallpaykipis pisiyajtin, wañuy patapi kashaj phinki phinki jina ñak'ayllataña purinki. Jinallataj warmi munayniykipis chinkaponqa. Diosmanta yuyarikuy manaraj runaj wiñaypaj tiyananman ripushajtiyki. Chaypacha p'ampakuman rejkuna qanmanta waqanqanku.

Eclesiastés 6:3

Runaqa pachaj wawayojpis kachun, chayrí unaytapis kawsachun. Chaywanpis sichus allin kajta tarisqanwan mana sonqo junt'asqachu karqa, nitaj allin p'ampasqachu karqa chayqa, noqa nini uj sullusqa wawaraj chay runamanta nisqaqa aswan allin kasqanta.

Job 30:23

Noqa yachakuni wañuyman apashawasqaykita, tukuy wañojkuna maymanchus rinanku kashan, chayman.

Génesis 50:13

Chayrayku Jacobpa ayanta Canaanman apaspa, Macpela chhanka jusk'upi p'amparqanku. Chaytaqa Abraham Jetpa churin Efronmanta rantikusqa, chaypi tukuy ayllun p'ampakunankupaj. Chay jallp'a, jinataj chhankapi jusk'oqa Mamremanta inti llojsimuynejpi kashan.

Génesis 47:9

Jacobtaj faraonta nerqa: Kayman jaqayman purispa kasqayqa ña 130 wataña kashan. Pisilla chaypis, kawsayneyqa llakiylla karqa. Chaywanpis ñawpa tataykuna mashkha unaytachus kawsasqankumanqa niraj chayanirajchu, nispa.

Génesis 3:19

Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

Hechos 7:16

Unaymantaj mirayninku paykunaj tullunkukunata aparqanku Sichem nisqa cheqaman. Chaypitaj chay tullunkuta p'amparqanku, mayqen jallp'atachus Abraham rantikusqa Jamorpa churinkunamanta, chaypi.

Génesis 23:5

Jetpa churinkunataj Abrahamta nerqanku:

Éxodo 2:22

Aswan qhepamantaj chay warmi uj wawata paqarichikorqa, Moisestaj wawanta “Gersón”, nispa suticharqa: Runaj llajtanpi kashani, nispa.