Génesis 22:4 - DIOSPA QHELQACHISQ

⁴ Kinsa p'unchayninman jinataj, Abraham maymanchus risharqa, chay cheqata karumanta rikorqa.

Qheshwa Biblia DC

⁴ Kinsa p'unchayta rispa, Abrahamqa karumanta rikorqa, maymanchus risharqa chay cheqata.

DIOSPA QHELQACHISQAN DEUTEROCANONICAL

⁴ Kinsa p'unchayninman jinataj, Abraham maymanchus risharqa, chay cheqata karumanta rikorqa.

Génesis 22:4 Referans Kwoze

1 Corintios 15:4

Jinallataj pay p'ampasqa karqa, kawsarimporqataj kinsa p'unchayninman, Diospa Qhelqachisqanpi nisqanman jina.

San Lucas 13:32

Jesustajrí kuticherqa: Rispa, jaqay atoj jina runaman kayta willamuychej: Jesús nisunki: Noqaqa kunan, q'ayapis supaykunata runamanta qharqosaj, onqosqakunatataj qhaliyachisaj ima. Minchhatajrí ruwanayta tukusaj.

San Mateo 17:23

Chaywanpis kinsa p'unchaymanta kawsarimponqa, nispa. Yachachisqankunarí Jesús wañunanmanta uyarispa, mayta llakikorqanku.

Oseas 6:2

Iskay p'unchaymantawan kawsarichiwasunchej, kinsa p'unchayninmantaj sayarichiwasunchej paypa ñawpaqenpi kawsananchejpaj.

Ester (hebreo) 5:1

Kinsa p'unchaymantawan Esterqa qoya p'achata churaykukuspa, kamachina wasiman yaykorqa, maypichus kuraj kamachejqa kamachinan tiyanapi tiyasqa kasharqa, chaypa ñawpaqenman. Chay tiyananqa yaykuna punku qhawarisqa karqa.

2 Reyes 20:5

Kutispa, aylluypa kurajnin Ezequiasta nimuy: Ñawpa tatayki Davidpa Tata Diosnin ajinata nisunki: Mañakuwasqaykita uyarini, imaynatachus waqasqaykitapis rikullanitaj. Onqoyniykimanta thañichisqayki, kaymanta kinsa p'unchaymantaj Tata Diospa Templonman rinki.

1 Samuel 26:13

Chaymanta Davidqa chimpaman rispa, uj orqoman wicharerqa. Saúl kasharqa chaymanta, David kasharqa chaykama karuña karqa.

Josué 1:11

Tukuynin jaraman rispa, runata kamachiychej qoqawita wakichikunankuta, imaraykuchus kaymanta kinsa p'unchayman Jordán mayuta chimpasunchej, Tata Diosninchej qowasunchej, chay jallp'ata jap'ikapunanchejpaj, nispa.

Números 31:19

Pikunachus qankunamanta runata wañucherqankichej, chayrí wañusqata llankharqankichej, chaykunaqa jaramanta jawapi qanchis p'unchayta qhepakunkichej. Kinsa kaj p'unchaypi, qanchis kaj p'unchaypiwan qankuna, chantá jap'ispa apamusqaykichej runakuna ima llimphuchakunaykichej tiyan Diospa ñawpaqenpi llimphu kanaykichejpaj.

Números 19:19

Pichus llimphu kaj runaqa kinsa kaj p'unchaypi, chantá qanchis kaj p'unchaypi, mana llimphupaj qhawasqa runata ch'ajchonqa. Qanchis kaj p'unchaypi mana llimphupaj qhawasqa runata llimphuchanqa. Chantá mana llimphupaj qhawasqa runa p'achanta t'ajsanqa, jinallataj ukhuntapis pay kikin mayllakonqa. Jinapis ch'isiyaykuykamaraj mana llimphupaj qhawasqa kanqa.

Números 19:12

Kinsa kaj p'unchaypi, qanchis kaj p'unchaypiwan, llimphuchakunapaj yakuwan mayllakonqa, chantá llimphupaj qhawasqa kanqa. Sichus mana kinsa kaj p'unchaypi, nitaj qanchis kaj p'unchaypipis llimphuchakonqachu chayqa, mana llimphupaj qhawasqa kanqa.

Números 10:33

Ajinata israelitakunaqa Tata Diospa orqonmanta purirerqanku, rerqankutaj kinsa p'unchay puriyta. Tata Diospa trato ruwasqan arcaqa ñawpaqenkuta risharqa, maynejpichus jarakunankuta mask'aspa.

Levítico 7:17

Sichus kinsa p'unchayninman Diosman jaywasqa uywaj aychan kanmanraj chayqa, tukuynin ruphachisqa kanan tiyan.

Éxodo 19:15

Chantá nillarqataj: Minchhapaj sumaj wakichisqa kanaykichej tiyan. Chayrayku ama warmiykichejwanpis puñunkichejchu, nispa.

Éxodo 19:11

Minchhapaj wakichisqa kachunku, imaraykuchus minchhata noqaqa tukuy israelitakunaj rikunankuta Sinaí orqoman urayk'amusaj.

Éxodo 15:22

Chantá Moisés israelitakunata nerqa Puka Mama Qocha kantumanta puririnankuta. Chaymanta paykunaqa Shur nisqa ch'innejman rispa, kinsa p'unchayta purerqanku, manataj ujyanankupaj yakuta tarerqankuchu.

Éxodo 5:3

Chantá Moisés, Aaronwan ima nerqanku: Diosniykoqa noqayku hebreokunaman rikhuriwarqayku. Chayrayku ch'innejman kinsa p'unchay puriyta rinayku tiyan, chaypitaj uywa ñak'asqata q'olachispa, Tata Diosman jaywamusqayku. Manachus Tata Diosman jaywaykuman chayqa, ichapis pay onqoywan, chayrí espadawan wañuchiwaykuman, nispa.

Génesis 22:3

Jinapi Abraham q'ayantin tutamanta jatarispa, q'olachinapaj llant'ata burronman chajnaykorqa. Chantá iskay kamachinkunawan, churin Isaacwan ima rerqanku, maymanchus Dios rinankuta nerqa, chayman.

Génesis 22:5

Chantá Abraham kamachinkunata nerqa: Qankunaqa kayllapi burrowan qhepakuychej. Noqataj churiywan jaqayman rispa, Diosta yupaychasqayku. Chaymantataj kutimpusqayku, nispa.