Génesis 22:1 - DIOSPA QHELQACHISQ

¹ Chaymanta qhepanejman Diosqa, Abraham kasukonqachus manachus chayta yachariyta munaspa, payta wajyarqa: Abraham, nispa. Paytaj kuticherqa: Kaypi kashani, nispa.

Qheshwa Biblia DC

¹ Unayninmantaj Dios Abrahampa feninta yachayta munarqa. Sutinmanta wajyarqa Abraham, nispa. Paytaj kuticherqa, kaypi kashani, nispa.

DIOSPA QHELQACHISQAN DEUTEROCANONICAL

¹ Chaymanta qhepanejman Diosqa, Abraham kasukonqachus manachus chayta yachariyta munaspa, payta wajyarqa: Abraham, nispa. Paytaj kuticherqa: Kaypi kashani, nispa.

Génesis 22:1 Referans Kwoze

Hebreos 11:17

Jinallataj Diospi atinikusqanrayku Abrahamqa k'ata churin Isaacta uywa ñak'asqata jina Diosman jaywarqa. Ajinata Abraham ruwarqa, Diospa kamachisqanta kasukoj kasqanta rejsichinanpaj, imajtinchus Dios Abrahamta nisqa:

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

1 Pedro 1:7

Chay ñak'ariykunaqa Diospi atinikusqaykichej cheqachus manachus kasqanta sut'inchanqa. Chaypacha Diospi atinikusqaykichej cheqapuni kajtin, qankuna Jesucristoj kutimunan p'unchayta jatunchasqa, chantá allinpaj qhawasqa kankichej. Diospi atinikusqaykichejqa qorimanta nisqaqa aswan valorniyoj, imaraykuchus qoreqa ninawan ch'uwachasqa kaspapis, tukukuyniyoj. Diospi atinikusqaykichejrí mana.

Santiago 2:21

Manachu ñawpa tatanchej Abraham kasuspa ruwasqanrayku cheqan runapaj qhawasqa karqa, maypachachus churin Isaacta altar patapi jaywarqa chaypacha?

1 Corintios 10:13

Qankuna juchallinaman tanqasqa kaspaqa, yachaychej wajkunapis qankuna jinallataj juchallinaman tanqasqa kasqankuta. Diostajrí nisqanta junt'aj kasqanrayku mana saqesonqachejchu mana awantay atinata juchallinaman tanqasqa kanaykichejta. Aswanpis juchallinapaj tanqasqa kashajtiykichej, Diosllataj chaymanta maynintachus llusp'inaykichejta rikuchisonqachej, ajinamanta sinch'ita sayaykuyta atinaykichejpaj.

Proverbios 17:3

Qoritawan, qolqe metaltawan ninapi unuyachispa ch'uwanchanchej. Runaj sonqon imaynachus kasqantarí Tata Dioslla yachan.

Deuteronomio 8:16

Ch'innejpi maná nisqata mikhuchisorqachej, ñawpa tataykichejkunaj mana rejsisqanku mikhunata. Chaykunata payqa, qankunata k'umuykuchinanpaj, chantá sonqoykichejta yachananpaj ruwarqa, qankunaj allinniykichejpaj.

Éxodo 3:4

Chantá Tata Diosqa Moisés t'ankarman qayllashasqanta rikuspa, payta wajyarqa nina lawray ukhumanta: Moisés, Moisés, nispa. Paytaj kuticherqa: Imata ninki, tatáy? nispa.

Génesis 22:11

Tata Diospa angelnin janaj pachamanta nimorqa: Abraham, Abraham, nispa. Paytaj kuticherqa: Kaypi kashani, imata ninki? nispa.

Génesis 22:7

Rishajtinkutaj, Isaac tatan Abrahamta nerqa: Tatáy, nispa. Paytaj nerqa: Imatá ninki, wawáy? nispa. Isaactaj nerqa: Llant'awan, ninawan tiyapuwanchej. Diosman q'olachinapaj cordero maytajri? nispa.

Isaías 6:8

Chaymantataj Tukuyta Kamachej Diosta tapojta uyarerqani: Noqamanta sut'inchananpaj pitataj kachasajri? Pitaj nisqanchejmanta willaj rinmanri? nispa. Chantá noqa nerqani: Noqa kaypi kashani, noqata kachaway ari, nispa.

2 Crónicas 32:31

Babiloniamanta kamachejkunaqa runakunata kachamorqanku, Judá suyupi Diosqa t'ukuna imakunata ruwasqanmanta yachanankupaj. Diosrí Ezequiasta saqerparerqa sonqonpi imachus kashasqanta yachananpaj.

Éxodo 16:4

Chantá Tata Dios Moisesta nerqa: Noqa janajmanta mikhunata parachimusaj. Sapa p'unchay israelitakuna toldonkumanta llojsispa, uj p'unchay mikhunankupaj jinalla pallakonqanku. Ajinamanta yachasaj kamachisqayta kasonqankuchus, manachus, chayta.

Deuteronomio 13:3

3 (4) amapuni payta uyarinkichejchu. Chaynejta Tata Diosniykichej yachariyta munan cheqatapunichus tukuy sonqoykichejwan, tukuy almaykichejwan ima payta munakusqaykichejta.

Jueces 2:22

Ajinamanta Tata Diosqa yachayta munasharqa israelitakunaqa Tata Diosta kasukuspa purinkumanchus manachus, chayta, imaynatachus ñawpa tatankuna purisqanku, ajinata.

2 Samuel 24:1

Tata Diosqa israelitakunapaj watejmanta sinch'ita phiñakuspa, paykunaj contrankupi Davidta yuyaycharqa, Israel aylluta, Judá ayllutawan yupachinanta.

Salmos 11:5

Tata Diosqa cheqanta ruwajkunata, millayta ruwajkunatapis qhawan. Kallpankuman atinikuspa imatapis ruwayta munakojkunatarí, tukuy sonqonwan chejnikun.

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Génesis 21:11

Abraham chayta uyarispa, mayta llakikorqa, imaraykuchus Ismaelpis wawallantaj karqa.

Génesis 37:13

Chantá Israelqa Joseta nerqa: Wawqeykikuna Sichempi ovejata michishanku, noqataj munani paykunata waturikoj rinaykita, nispa. Josetaj nerqa: Ya risaj, nispa.

Génesis 46:2

Chantá chay ch'isi Dios mosqoypi jina sutinmanta wajyaspa, Israelwan parlarqa: Jacob, Jacob, nispa. Paytaj kuticherqa: Kaypi kashani, nispa.

1 Samuel 3:4

Chantá Tata Diosqa payta wajyarqa: Samuel, nispa. Samueltaj kuticherqa: Kaypi kashani, nispa.