Génesis 2:3 - DIOSPA QHELQACHISQ

³ Chantá Diosqa qanchis kaj p'unchayta saminchaspa, paypata kananpaj t'aqarqa, imaraykuchus pay chay p'unchaypi tukuy ima ruwasqanmanta samarikorqa.

Qheshwa Biblia DC

³ Chaymanta qanchis kaj diata Dios bendicerqa, churanoqarqataj samarikuna diata, imaraykuchus Pay chay p'unchaypi samarikorqa tukuy imata ruwasqanmanta.

DIOSPA QHELQACHISQAN DEUTEROCANONICAL

³ Chantá Diosqa qanchis kaj p'unchayta saminchaspa, paypata kananpaj t'aqarqa, imaraykuchus pay chay p'unchaypi tukuy ima ruwasqanmanta samarikorqa.

Génesis 2:3 Referans Kwoze

Levítico 23:3

Sojta p'unchayta llank'ankichej, qanchis kaj p'unchaytataj ruwanaykichejmanta ama ni imata ruwankichejchu. Chay p'unchayqa qankunapaj jatun p'unchay kanqa, Diospa sutinpi tantakunaykichejpaj. Maypichari tiyakunkichej, chaypipis chay p'unchayqa samarikunaykichejpaj kanqa, Tata Diospaj t'aqasqa p'unchay kasqanrayku.

Marcos 2:27

Jesús nillarqataj: Runaqa mana samarina p'unchayta junt'ananpajchu ruwasqa karqa, manachayqa samarina p'unchay ruwasqa karqa runaj allinninpaj.

Ezequiel 20:12

Chantapis, paykunaman samarina p'unchayniyta qollarqanitaj, paykunawan trato ruwasqaymanta señal kananpaj, noqa Tata Dios chay p'unchayta noqapaj t'aqasqayta yachanankupaj.

San Lucas 23:56

Chantá wasinkuman kutirispa, chay warmikuna sumaj q'apashaj jawinakunata wakicherqanku. Jinaytawantaj, kamachisqaman jina samarikorqanku, samarina p'unchay kasqanrayku.

Éxodo 34:21

Sojta p'unchayta llank'ankichej, qanchis kaj p'unchaypitaj samarinkichej. Tarpuypis kachun, chayrí chajra poqoy oqharinapis kachun, samarinkichejpuni.

Nehemías 9:14

Yachachillarqankitaj samarina p'unchaypi samarinankumanta. Kamachiyki Moisesnejta paykunaman waj kamachisqakunatawan, yachachiykunatawan ima yachacherqanki.

Éxodo 23:12

Sojta p'unchayta llank'anki, qanchis kaj p'unchaypitaj samarinki, wakayki, burroyki samarinankupaj. Ajinata ruwanki wata runayki kallpanman kutirinanpaj, jinallataj waj llajtayoj runapis.

Proverbios 10:22

Tata Diospa saminchaynenqa qhapajyachin. Chay saminchayqa mana llakichinchu.

Génesis 2:2

Jinataj Diosqa qanchis kaj p'unchaypi tukuy ima ruwananta tukuspa, samarikorqa.

Génesis 2:4

Ajinata Tata Dios janajta, kay pachatapis ruwarqa. Maypachachus pay janajta, kay pachatawan ruwarqa chaypacha,

Génesis 1:31

Chantá Diosqa tukuy ima ruwasqan manchay sumajpuni kasqanta qhawarqa. Ajinaqa inti yaykuymanta q'ayantin inti yaykuykama, sojta kaj p'unchay karqa.