Génesis 19:9 - DIOSPA QHELQACHISQ

⁹ Sodoma llajtayojkunarí Lotta kuticherqanku: Jatariy chaymanta. Karu llajtayoj kashaspachu noqaykuta kamachiwasqayku? Kunanqa astawan millaytaraj qanta ruwasqayku paykunamanta nisqaqa, nispa. Paykunataj Lotta maqaj phinkiykuspa, punkuta loqhej qayllaykorqanku.

Qheshwa Biblia DC

⁹ Paykunataj kuticherqanku: Jatariy chaymanta! Qan jina karu llajtayoj runachu noqaykuta kamachiwasqayku? Kunanqa astawan mana allinta qanta ruwasqayku paykunamanta nisqaqa. Paykunataj Lotman maqaj phinkiykorqanku, jinaspataj punkuta khakoj qayllaykorqanku.

DIOSPA QHELQACHISQAN DEUTEROCANONICAL

⁹ Sodoma llajtayojkunarí Lotta kuticherqanku: Jatariy chaymanta. Karu llajtayoj kashaspachu noqaykuta kamachiwasqayku? Kunanqa astawan millaytaraj qanta ruwasqayku paykunamanta nisqaqa, nispa. Paykunataj Lotta maqaj phinkiykuspa, punkuta loqhej qayllaykorqanku.

Génesis 19:9 Referans Kwoze

Éxodo 2:14

Chay runarí Moisesta kuticherqa: Pitaj churasunki noqaykuta kamachinawaykupaj, juezniykutaj kanaykipajri? Imaynatachus Egipto llajtayojta wañucherqanki, jinatachu noqatapis wañuchiyta munashawanki? nispa. Moisés chayta uyarispa, mancharikorqa, nerqataj: Egipto llajtayojta wañurparichisqayqa yachakunña, nispa.

Génesis 13:12

Ajinaqa Abram Canaán cheqanejpi tiyakoj qhepakorqa. Lottaj vallepi kaj llajtakunaman tiyakoj riporqa, Sodoma llajta qayllapitaj toldonta sayacherqa.

San Mateo 7:6

Diospaj t'aqasqa kajtaqa ama alqokunaman qaraykuychejchu. Pajtataj kutirimuspa qhanisunkichejman. Nillataj khuchikunamanpis perla walqaykichejkunata wijch'uychejchu, imaraykuchus khuchikunaqa walqakunata sarurallankuman.

Jeremías 8:12

Paykunaqa millachikunapaj jina ruwasqankumanta p'enqakorqankuchu? Mana, manapuni p'enqakorqankuchu, nitaj p'enqakuy imachus kasqanta yachankuchu. Chayrayku maypachachus noqa paykunata jasut'isaj, chaypacharajmá misk'anqanku, chay ujkuna jinataj urmachisqa kanqanku. Ajinata noqa Tata Dios nini.

Jeremías 6:15

Chay millay imakunata ruwasqankumanta p'enqakorqankuchu? Mana, manapuni p'enqakorqankuchu, nitaj imachus p'enqakuy kasqanta yachankuchu. Chayrayku jasut'inay p'unchaypi ujkuna jina jayt'akuspa urmanqanku. Noqa Tata Diosmin chayta nini.

Jeremías 3:3

Chayraykumin paraqa mana kanchu, qhepa kaj para, jinataj q'omer tiempo parapis. Qanqa mana p'enqarikunkichu, chayrayku phisu warmimantapis aswan millayraj kanki.

Isaías 65:5

Paykunapura ninakunku: Maypichus kanaykipi kakullay, amataj qayllamuwaychu, imaraykuchus noqa qanmanta aswan llimphu kani, nispa. Chaykunaqa q'oshñi jina senqayta k'arachiwanku, tukuy p'unchaynintin nina lawray jina kanku.

Eclesiastés 10:13

Chayrayku wampu runaqa qhasi manakaj imakunata thawtiyta qallarin, tukuntaj manakaj ni imapaj allin kajta parlaspa.

Eclesiastés 9:3

Kay pachapi tukuy ima kasqanmanta kaymin mana allinchu: Tukuypaj tukukunankoqa uj rejllapuni. Ajina kashajtinpis, runa kawsanankama sonqonqa millay kawsaywan junt'a, wampu kaytaj umanpi junt'a kashan. Chaymantataj wañupojtin, payta aya p'ampanapi p'ampanqanku.

Proverbios 27:3

Rumiwan, t'iyuwanqa llasa kanku. Wampu runaj phiñakuyninrí astawan llasaraj.

Proverbios 17:12

Astawan allinraj uñankunata qhechuchikoj china jukumariwan tinkunaqa, mana uyarikoj wampu runawan tinkunamantaqa.

Proverbios 14:16

Yachayniyojqa manchachikuspa, mana allinta ruwanamanta t'aqakun. Wampurí payllapi atinikuspa, mana allinta qhawarikuspa imatapis ruwarparillan.

1 Samuel 25:17

Qosaykirí ancha millay runa, mana ima nirina. Chayta qan umacharikuy, qhawaytaj imatachus ruwanaykita, manachayqa cheqamanta mana allin kaj payta, jinataj aylluntapis qhatirenqa, nispa.

1 Samuel 17:44

Filisteoqa nillarqataj: Jamuy kayman. Noqaqa aychaykita suwintukunaman, jinataj aychata mikhoj animalkunaman qaraykusaj, nispa.

Génesis 11:6

Chantá pay nerqa: Runakunaqa uj parlayniyojlla kaspa, kunan sumaj ujchasqa kashanku. Ruwayta qallarinkuña, chayraykutaj ruwayta yuyasqankuta mana pipis sayachiyta atenqachu.

1 Samuel 2:16

Sichus uywa ñak'asqata jaywaj runa nej: Mana, wirantaraj q'olachisaj, chantá munasqaykita apallanki, nispa chayqa, sacerdotej kamachin kutichej: Mana, kunanpachapuni qonawayki tiyan. Manachus qowanki chayqa, munaypis, amapis qhechusqayki, nispa.

Ezequiel 16:49

Sodoma ñañaykej juchanqa kay jina karqa: Pay, jinataj ususinkunapis jatunchakorqanku. Ashkha mikhunayoj chantá tukuy imayoj kaspa, wapuykacharqanku, manataj wajchakunamanta, ni pisichikojkunamantapis khuyarikorqankuchu.