Génesis 19:3 - DIOSPA QHELQACHISQ

³ Chaywanpis Lot wasinman pusayta munajtinpuni, paykuna rerqanku. Wasinman chayajtinkutaj, Lotqa sumaj mikhunata wayk'uchiporqa, jinallataj mana levadurayoj t'antata ruwaporqa, paykunataj mikhorqanku.

Qheshwa Biblia DC

³ Chaywampis Lotqa nillarqapuni qhepakunankuta. Paykunataj yasta nispa paywan wasinman rerqanku. Wasinman chayaspataj Lotqa sumaj mikhunata wayk'uporqa, jinallataj ruwaporqa mana levadurayoj t'antata, paykunataj mikhorqanku.

DIOSPA QHELQACHISQAN DEUTEROCANONICAL

³ Chaywanpis Lot wasinman pusayta munajtinpuni, paykuna rerqanku. Wasinman chayajtinkutaj, Lotqa sumaj mikhunata wayk'uchiporqa, jinallataj mana levadurayoj t'antata ruwaporqa, paykunataj mikhorqanku.

Génesis 19:3 Referans Kwoze

1 Samuel 28:24

Chaykamataj warmeqa paypata kaj wira torillonta ñak'acherqa, chantá jak'uta puñaspa, mana levadurayoj t'antata ruwarqa.

Jueces 6:19

Chantá Gedeonqa usqhay usqhayta wasinman kutirispa, uj chivota ñak'arqa, chaymantataj mikhuyta wayk'orqa. Iskay chunka libra jak'umanta mana levadurayoj t'antatapis ruwallarqataj. Jinaspataj, aychata uj canastaman churaykorqa, caldontataj uj mankaman. Chaytataj Tata Diospa angelninman aparqa, chay encina sach'a uraman.

Hebreos 13:2

Waj llajtayojkunata wasiykichejman wajyarikuyta ama qonqaychejchu, imaraykuchus chayta ruwaspa, wakinkunaqa mana yachaspalla angelkunata wajyarikorqanku.

1 Corintios 5:8

Chayrayku, kunanqa Pascua raymita ruwanachej, ch'uwa sonqowan, llimphu kawsaywan ima. Chayqa mana levadurayoj t'antawan ninakun. Amallataj sajra runa kanachu, nitaj pitapis mana allinta ruwanachu, imaraykuchus jina kanaqa ñawpa levadurayoj ruwasqa t'antawan ninakun.

Éxodo 12:39

Israelitakuna Egiptomanta usqhay usqhayta puririsqankurayku, ñanpi mikhunankupaj qoqawita mana wayk'ukuyta atisqankuchu. Chayrayku Egiptomanta mana levadurayoj masata apakamusqankumanta t'antata ruwakorqanku.

2 Corintios 5:14

Cristoj munakuynin ajinata ruwanaykupaj sinch'ita kallpachawayku, imaraykuchus allinta yachayku Cristo tukuy noqanchejrayku wañusqanta, chayraykutaj noqanchejpis ñawpa kawsayninchejpaj wañusqanchejta.

San Juan 12:2

Chantá Lázaroj wasinpi jatun mikhuyta Jesuspaj wayk'orqanku. Martaqa mikhunata jaywarasharqa, Lazarotaj jamojkunawan khuska Jesuswan mikhusharqa.

San Lucas 14:23

Chaymantataj patronqa kamachita nisqa: Jina kajtenqa, tukuy chaki ñankunaman riy, jatun ñankunaman ima, jinataj wajkunata usqhay usqhayta pusaramuy, wasiy junt'a kananpaj, nispa.

San Lucas 11:8

Kayta niykichej: Mana kawsaqeyki kasqanraykuchu t'antata jaywasunanpaj jatarimonqa. Manachayqa qan mana sayk'uspa mañakusqaykirayku, pay jatarimuspa, imatachus mañakusqaykita jaywasonqa.

San Lucas 5:29

Chantá Leví wasinpi jatun mikhuyta Jesuspaj wakicherqa, chaypitaj impuestota ashkha cobrajkunawan, wajkunawan ima paywan khuska mikhoj tiyaykorqanku.

2 Reyes 4:8

Uj kuti Eliseo Sunén llajtanejta pasashajtin, uj qhapaj warmi Eliseota may jinata nerqa wasinman mikhoj rinanta. Eliseotaj sapa kuti Sunén llajtanejta pasaspa, chay warmej wasinman mikhoj riyta yachaj.

Éxodo 12:15

Qanchis p'unchayta mana levadurayoj t'antata mikhunkichej. Ajinaqa, raymi qallariymantapacha wasiykichejpi manapuni levadura kananchu tiyan. Pillapis chay qanchis p'unchaypi levadurayoj t'antata mikhojqa israelitakuna ukhumanta wijch'usqa kanqa.

Génesis 21:8

Isaac wiñarqa, januk'asqa kanan p'unchaytataj Abrahamqa jatun mikhuyta wayk'ucherqa.

Génesis 19:2

Wiraqochikuna, wasiypi kunan ch'isi qheparikuwajchej ari. Chaypi chakiykichejta mayllakuyta atinkichej, chantá q'aya tutamanta ripullankichej, nispa. Paykunatajrí nerqanku: Mana, kay plazallapi puñukusqayku, nispa.

Génesis 24:31

Nerqataj: Jamuy ari, Tata Diospa saminchasqan, ama kayllapi kakuychu. Wasitapis k'uchunchaykuña. Camelloykikuna puñunankupajpis tiyanña, nispa.

Génesis 26:30

Chantá Isaacqa jatun mikhunata wayk'ucherqa, tukuyninkutaj mikhorqanku, ujyarqankutaj.