Génesis 18:1 - DIOSPA QHELQACHISQ

¹ Abraham chaypacha Mamrej encina sach'an chaynejpi jarasqa karqa. Chantá chawpi p'unchay chay chayta Abram jaranpa punkunpi tiyarikushajtin, Tata Dios payman rikhurerqa.

Qheshwa Biblia DC

¹ Abrahamman Señor rikhurerqa Mamre encinas sach'ararapi, jaran punkupi tiyachushajtin, khuskan p'unchayta jina.

DIOSPA QHELQACHISQAN DEUTEROCANONICAL

¹ Abraham chaypacha Mamrej encina sach'an chaynejpi jarasqa karqa. Chantá chawpi p'unchay chay chayta Abram jaranpa punkunpi tiyarikushajtin, Tata Dios payman rikhurerqa.

Génesis 18:1 Referans Kwoze

Génesis 14:13

Chantá uj runa maqanakumanta ayqemuspa, imachus pasasqanta hebreo nisqa Abramman willarqa. Chaypacha Abramqa Mamrej encina sach'arara qayllanpi tiyakusharqa. Mamreqa amorreo llajtayoj karqa, jinataj Escolpata, Anerpatawan wawqenku, paykunataj Abramman sayasqa karqanku.

Génesis 13:18

Chantá Abramqa toldonta phaskaspa, tiyakoj riporqa, Hebrón llajta qayllapi maypichus Mamré sutiyoj runajta encina sach'an karqa, chaynejman. Chaypipis uj altarta Tata Diospaj ruwallarqataj.

Génesis 48:3

Chantá Jacobqa Joseta nerqa: Tukuy Atiyniyoj Diosqa Canaanpi, Luz llajtapi rikhuriwaspa, saminchawarqa.

Génesis 26:2

Chaypi Tata Dios payman rikhurispa, nerqa: Ama Egiptoman riychu. Tiyakullay, maypichus noqa nisqayki, chaypi.

Hechos 7:2

Estebantaj kuticherqa: Wawqeykuna, tatakuna ima, uyariwaychej: Ñawpa tatanchej Abraham manaraj Jaranman tiyakoj ripushaspa, Mesopotamiapi tiyakusharqa, chaypitaj Jatun Atiyniyoj Dios payta nerqa:

2 Crónicas 1:7

Chay ch'isipacha Diosqa Salomonman rikhurispa, nerqa: Imatachus munasqaykita mañakuway, noqataj qosqayki, nispa.

Génesis 17:22

Chantá Diosqa Abrahamwan parlayta tukuytawan, chaymanta riporqa.

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Génesis 12:7

Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Éxodo 4:1

Chantá Moisés Tata Diosman kuticherqa: Israelitakuna mana nisqayta jap'ikonqankuchu, nitaj kasuwanqankuchu. Aswanpis niwanqanku: Tata Diosqa mana qanman rikhurisunkichu, nispa.

Hebreos 11:9

Chaymanta Abrahamqa Diospi atinikusqanrayku, Dios qosqayki nisqan jallp'api tiyakorqa, runaj llajtanpi waj llajtayoj runa jina. Pay toldollapi tiyakorqa. Isaacpis, Jacobpis toldollapitaj tiyakorqanku, pikunachus Diospa nisqanta jap'inallankutaj karqa, chaykuna.

Hebreos 13:2

Waj llajtayojkunata wasiykichejman wajyarikuyta ama qonqaychejchu, imaraykuchus chayta ruwaspa, wakinkunaqa mana yachaspalla angelkunata wajyarikorqanku.

Génesis 18:22

Chantá Abrahamta watukoj jamojkunamanta iskay Sodomaman rerqanku. Abrahamtaj Tata Diospa qayllanpi kasharqa.

Génesis 20:1

Abraham maypichus kasharqa, chaymanta Néguev chaynejman riporqa. Chantá Gerar llajtapi tiyakorqa. Chay llajtaqa Cadeswan Shurwan chawpinnejpi kashan.

Génesis 35:27

Chantá Jacob tatan Isaacta watukoj Mamreman rerqa. Chay llajtaj ujnin sutenqa Arba, chayrí Hebrón karqa. Chaypi Abrahamwan, churin Isaacwan ima unay tiyakusqanku.

Josué 5:13

Uj kuti, Josueqa Jericó qayllapi kashaspa, ñawpaqenpi uj runata espada jap'irisqata rikorqa. Josuetaj qayllaykuspa, taporqa: Qanqa noqaykojmantachu kanki, chayrí awqaykojmantachu? nispa.