Génesis 17:14 - DIOSPA QHELQACHISQ

¹⁴ Pichus mana circuncidasqa kajrí, qankuna ukhumanta wijch'usqa kanqa, trato ruwasqayta mana kasusqanrayku, nispa.

Qheshwa Biblia DC

¹⁴ Pichus qankuna ukhupi mana jina señalasqa kajri, mana qankuna ukhupi kanqañachu, tratoyta mana kasusqanrayku.

DIOSPA QHELQACHISQAN DEUTEROCANONICAL

¹⁴ Pichus mana circuncidasqa kajrí, qankuna ukhumanta wijch'usqa kanqa, trato ruwasqayta mana kasusqanrayku, nispa.

Génesis 17:14 Referans Kwoze

Éxodo 12:19

Qanchis p'unchayta wasiykichejpi mana levadura kananchu tiyan. Sichus pipis levadurayojta imatapis mikhunman chayqa, pay israelitakuna ukhumanta wijch'usqa kanqa, Israel llajtayoj kachun, chayrí waj llajtayojpis.

1 Corintios 11:29

Sichus pipis mikhun, ujyantaj Tukuyta Kamachej Jesuspa ukhunta mana maypaj qhawaspa, mayqenchus iglesian kashan, chayta, ajinata ruwasqanmanta Tata Dios payta juchachanqa.

1 Corintios 11:27

Ajinallatataj sichus pipis kay t'antata mikhunman, kay copamantapis ujyanman mana chaypaj jina kashaspa chayqa, Tukuyta Kamachej Jesuspa ukhunpa, chantá wañuspa yawar jich'asqanpa contranpi juchallin.

Jeremías 31:32

Chay mosoj tratoqa mana ñawpa tatankuwan ruwarqani jinachu kanqa. Chay tratota paykunawan ruwarqani, maypachachus Egiptomanta paykunata orqhomorqani makinkumanta jap'ispa, chaypacha. Chaywanpis noqa qosanku jina kashajtiypis, paykunaqa trato ruwasqayta mana junt'arqankuchu. Noqa Tata Diosmin chayta nini.

Jeremías 11:10

Ñawpa tatankukunaj juchallisqankuman kutiykapunku, pikunachus mana kasuwayta munarqankuchu, chaykunaj ruwasqankuman. Ajinamanta waj dioskunata yupaychaj churakorqanku. Ajinata ruwaspa, Israel suyu, jinataj Judá suyupis ñawpa tatankukunawan trato ruwasqayta p'akerqanku.

Isaías 33:8

Ñankunapis ch'inman tukupun, manaña pipis chayninta purej kanchu. Asiriokunaqa trato ruwasqankutapis p'akinku, testigokunaj ñawpaqenpi imatachus nisqankutapis qhesachanku, manataj pi runatapis jatunpaj qhawankuchu.

Isaías 24:5

Kay pachaqa chaypi tiyakojkunanejta ch'ichichasqa, imaraykuchus yachachisqanta mana junt'ankuchu, nitaj Tata Diospa kamachisqankunata kasunkuchu, wiñaypaj ruwasqa tratotapis p'akillankutaj.

Salmos 55:20

20 (21) Kawsaqenkoj contranta makinkuta oqharinku. Allillanta kawsakusun, nispa nisqankuta mana junt'ankuchu.

Levítico 19:8

Pichus mikhojqa juchachasqa kanqa. Chayrayku llajtanmanta chinkachisqa kanqa, Tata Diosman jaywasqata manakajpaj qhawasqanrayku.

Levítico 18:29

Pillapis chay jina millayta ruwajqa llajtanmanta chinkachisqa kanqa.

Levítico 7:27

Pichus ima animalpallatapis yawarninta mikhojqa llajtamanta wijch'usqa kanqa, nispa.

Levítico 7:25

Sichus pipis Tata Diosman q'olachispa jaywana uywaj wiranta mikhonqa chayqa, chinkachisqa kanqa.

Éxodo 30:38

Sichus mayqellanpis kay inciensota jina q'aparichikunanpaj ruwanqa chayqa, israelitakuna ukhumanta wijch'usqa kanqa, nispa.

Éxodo 30:33

Pillapis kay aceiteman rijch'akojta ruwajqa, chayrí kay aceitewan pitapis jawejqa israelitakuna ukhumanta wijch'usqa kanqa, nispa.

Éxodo 12:15

Qanchis p'unchayta mana levadurayoj t'antata mikhunkichej. Ajinaqa, raymi qallariymantapacha wasiykichejpi manapuni levadura kananchu tiyan. Pillapis chay qanchis p'unchaypi levadurayoj t'antata mikhojqa israelitakuna ukhumanta wijch'usqa kanqa.

Génesis 17:15

Chantá Diosqa Abrahamta nillarqataj: Saraí warmiykipis manallataj ajina sutiyojchu kanqa. Manachayqa kunanmantapacha “Sara” sutin kanqa.

Génesis 34:14

Paykuna nerqanku: Noqaykoqa panaykuta mana circuncidasqa runawan mana casarachiykumanchu. Chayqa noqaykupaj ancha p'enqay kanman.

Levítico 23:29

Pichus chay p'unchaypi mana ayunajqa, pipis kachun, llajtanmanta chinkachisqa kanqa.

Números 9:13

Chaywanpis sitajchus pipis llimphupaj qhawasqa kashaspa, nitaj ñan puriypipis kashaspa, Pascuata mana ruwanmanchu chayqa, Israel ayllu ukhumanta chinkachisqa kachun. Chay kikin p'unchaypi Tata Diosman jaywanata mana jaywasqanrayku, chay runa juchachasqa kanqa.

Ezequiel 44:7

Qankuna Temployta ch'ichichankichej, sonqonkupi, aychankupipis mana circuncidasqa waj llajtayoj runakunata wasiyman pusaykuspa. Paykunata saqenkichej mikhunayta jina, wirata yawartawan jaywanawankuta. Tukuy chay millayta ruwaspa, tratoyta p'akinkichej.