Génesis 15:9 - DIOSPA QHELQACHISQ

⁹ Tata Diostaj nerqa: Apamuy uj wakata, uj cabrata, uj carnerota ima, sapa ujtaj kinsa watayojkama kachun. Jinallataj apamuy uj jurk'utata, urpi irpatawan, nispa.

Qheshwa Biblia DC

⁹ Diostaj nerqa: Apamuy kinsa watayoj wakata, cabrata, carnerosta ima, jinallataj juruk'utata, paloma irpatawan.

DIOSPA QHELQACHISQAN DEUTEROCANONICAL

⁹ Tata Diostaj nerqa: Apamuy uj wakata, uj cabrata, uj carnerota ima, sapa ujtaj kinsa watayojkama kachun. Jinallataj apamuy uj jurk'utata, urpi irpatawan, nispa.

Génesis 15:9 Referans Kwoze

San Lucas 2:24

Jinallatataj Diosman uj jaywanata aparqanku, Diospa kamachisqanpi nisqanman jina: Iskay urpita chayrí iskay jurk'utata Diosman jaywankichej, nispa.

Levítico 14:30

Chantá sacerdoteqa llimphuchakoj runa atisqanman jina apamusqanmanta, ujnin jurk'utata, chayrí ujnin urpi irpata Tata Diosman jaywanqa.

Levítico 14:22

Chantá atisqanman jina apamullachuntaj iskay jurk'utata, chayrí iskay urpi irpata. Ujnin kanqa jucha pampachasqa kananpaj Diosman jaywanapaj, ujnintaj q'olachispa Diosman jaywanapaj.

Levítico 9:2

Chantá Moisés Aaronta nerqa: Juchata pampachanapaj uj torillota apamuy. Jinallataj q'olachispa jaywanapaj mana iman imanasqa corderotawan apamullaytaj. Jinaspataj chaykunata Tata Diosman jayway.

Levítico 3:6

Sichus mayqenpis ovejanmanta orqotapis, chinatapis, Tata Diosman k'achata kawsakuy jaywanata jaywananpaj apamunman chayqa, uywaqa mana iman imanasqa kanan tiyan.

Levítico 3:1

Sichus mayqenpis uywanmanta wakata, chayrí torota k'achata kawsakuy jaywanata jaywananpaj Tata Diosman apamunman chayqa, mana iman imanasqa uywata apamunan tiyan.

Levítico 1:14

Sichus pipis Tata Diosman q'olachispa jaywanapaj phawajkunamanta apamunman chayqa, jurk'utata, chayrí urpi irpata apamunan tiyan.

Isaías 15:5

Moab suyurayku mayta llakikuni, runankunaqa Soarkama chantá Eglat Selisiyakama ayqekunku. Luhit wichaynejta waqarikuspa wicharinku, Joronayinman rina ñanpitaj may jina llakiyta qhaparikunku chinkachisqa kasqankumanta.

Salmos 50:5

Dios nin: Noqata kasuwajkunata tantaychej, pikunachus uywa ñak'asqata jaywaspa, noqawan tratota ruwajkunata, nispa.

Levítico 12:8

Sichus onqokoj warmejta corderota apamunanpaj mana tiyapunmanchu chayqa, apamuchun iskay jurk'utata, chayrí iskay urpi irpata. Ujnenqa Tata Diosman q'olachispa jaywanapaj kanqa, ujnintaj jucha pampachasqa kananpaj Diosman jaywanapaj kanqa. Ajinata sacerdoteqa warmej juchan pampachasqa kananpaj jaywanqa, warmitaj llimphupaj qhawasqa kanqa, nispa.

Levítico 9:4

Apamullaychejtaj uj torota, uj corderotawan allinyakuy jaywanata Tata Diosman jaywanapaj. Chantá apamullaychejtaj aceitewan puñasqa ch'aki mikhuy jaywanata, imaraykuchus Tata Diosqa Tukuy Atiyniyoj kasqanta kunan qankunaman rikuchisonqachej, nispa.

Levítico 1:10

Sichus israelitakunamanta pipis q'olachispa jaywananpaj ovejamanta, chayrí cabramanta apamonqa chayqa, orqota mana iman imanasqata apamunan tiyan.

Levítico 1:3

Sichus mayqenpis sonqonmanta munaspa q'olachispa jaywanata wakankunamanta apamuwanqa chayqa, mana iman imanasqa uj torota apamuchun. Jaywasqanta Tata Dios kusisqa jap'ikunanpajqa, Dioswan Tinkukuna Toldoman yaykuna punkupi jaywanqa.

Génesis 22:13

Chantá Abraham qhawarispa, sach'a ukhupi uj carnerota rikorqa wajranmanta ch'ipaykusqata. Chantá pay carnerota aysamuytawan ñak'aspa, churinpa cuentamanta altarpi q'olachispa Diosman jaywarqa.

Génesis 15:8

Chantá Abram nerqa: Tukuyta Kamachej Tata Diosníy, imaynapitaj sut'ita yachasaj kay jallp'ata chayaqeypaj jap'inaytari? nispa.

Génesis 15:10

Jinataj Abram chay uywakunata apamuspa, Diospa ñawpaqenpi ñak'arqa, chantá khuskanmanta khuchuspataj, chimpapurata churarqa. Jurk'utata, urpi irpatawanrí mana khuchorqachu.

Levítico 12:6

Onqokoj warmi llimphuchakunan p'unchay junt'akojtin, qhari wawata, chayrí warmi wawata paqarichikusqanmanta, uj watayoj corderota apamunan tiyan, Dioswan Tinkukuna Toldo punkupi, q'olachispa Tata Diosman jaywananpaj. Apamunallantaj tiyan uj urpi irpata, chayrí uj jurk'utata, jucha pampachasqa kananpaj Diosman jaywananpaj. Chaykunatataj sacerdoteman apamonqa.

TAKIYKUNA 2:12

Campopi t'ikapis t'ikashanña, takirikuna p'unchaypis chayamunña. Llajtanchejpipis urpej waqasqan uyarikunña.