Génesis 15:5 - DIOSPA QHELQACHISQ

⁵ Chantá Tata Diosqa Abramta jawaman pusaspa, nerqa: Janajta qhawarispa, ch'askakunata yupay. Yupayta atiwajchu? Mirayniykeqa ajina mana yupay atina kanqa, nispa.

Qheshwa Biblia DC

⁵ Chaymanta Señorqa Abramta jawaman pusarqa, chaypitaj nerqa: Qhawariy allinta cielota, ichapis atiwaj yupayta qoyllurkunata. Ajina kanqa qampa mirayniyki, mana yupay atina.

DIOSPA QHELQACHISQAN DEUTEROCANONICAL

⁵ Chantá Tata Diosqa Abramta jawaman pusaspa, nerqa: Janajta qhawarispa, ch'askakunata yupay. Yupayta atiwajchu? Mirayniykeqa ajina mana yupay atina kanqa, nispa.

Génesis 15:5 Referans Kwoze

Hebreos 11:12

Ajinaqa Abraham wañusqa jinaña karqa chaypis, miraynin may chhika mana yupay atina karqa janajpi ch'askakuna jina, mama qocha kantupi t'iyu jinataj.

Romanos 4:18

Manaña ima allin kajtapis suyananpaj jina kashajtin, Abraham Diospa nisqanta jap'ikorqa. Chayraykutaj suyakullarqapuni ashkha runaj tatan kananpaj, Dios payta nisqanman jina: Mirayniykeqa mana yupay atina kanqa, nispa.

Deuteronomio 1:10

Tata Diosniykichejqa kay chhikata mirachisunkichej, chayrayku kunan qankunaqa janajpi ch'aska jina ashkha kankichej.

Éxodo 32:13

Kamachiyki Abrahamman, Isaacman, Israelman ima sutiykirayku tiluspa, nisqaykimanta yuyarikuy. Qan paykunata nerqanki: Noqa janajpi ch'askakunata jinapuni mirachisqaykichej, nisqayman jinataj wiñaypaj qankunaman kay jallp'ata qosqaykichej, nispa.

Génesis 22:17

Noqaqa may jinata saminchasqayki. Mirayniykitaqa janajpi ch'askakunata jina may chhikata mirachisaj. Paykuna mama qocha kantupi t'iyu jina, yupay mana atina kanqanku, jinataj mirayniykeqa tukuy awqankukunata atipanqanku.

Deuteronomio 10:22

Maypachachus ñawpa tataykichejkuna Egiptoman chayarqanku chaypacha, qanchis chunkalla karqanku. Kunanrí qankunata Tata Diosniykichejqa janajpi ch'askakunata jina, ashkhata mirachisunkichej.

Jeremías 33:22

Kamachiy Davidpa mirayninta, Levijpa mirayninmanta sacerdoteykunatapis may chhikaman mirachisaj janajpi ch'askakuna chhikata, chantá mama qochaj t'iyun chhikata, mana yupay atinata, nispa.

Salmos 147:4

Payqa ch'askakunata yupan, sapa ujtataj sutinmanta wajyan.

1 Crónicas 27:23

Davidqa manaraj iskay chunka watayoj kashajkunata mana yupacherqachu, imaraykuchus Tata Dios nisqa janajpi ch'askakuna jinatapuni israelitakunata mirachinanta.

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Génesis 28:14

Mirayniykeqa t'iyu jina mana yupay atina kanqa, paykunataj wichaynejman, uranejman, inti llojsimuynejman, inti yaykuynejman ima junt'aykonqanku. Qannejta, jinallataj mirayniykinejtapis kay pachapi tukuy runakuna saminchasqa kanqanku.

Génesis 26:4

Janajpi ch'askakunata jinapuni aylluykita mirachisaj, jinaspataj, paykunaman kay jallp'ata qosaj. Chantá kay pachapi tukuy suyupi tiyakojkunapis mirayniykinejta saminchasqallataj kanqanku.

Génesis 16:10

Chaymantataj chay angelqa Agarta nillarqataj: Noqa mirayniykita ashkhayachisaj, nitaj pipis yupayta atenqachu.

Génesis 13:16

Mirayniykita t'iyuta jina mirachisaj. T'iyoqa mana yupay atina, ajinallataj mirayniykeqa mana yupay atina kanqa.

Génesis 17:2

Noqa qanwan uj tratota ruwasaj, mirayniykitaj may chhikapuni kanqa, nispa.

Josué 24:3

Noqarí ñawpa tataykichej Abrahamta chay mayu kantumanta pusamuspa, tukuynin Canaán jap'iynejta puricherqani. Chantá payta miracherqani. Ñawpajta Isaac churinta qorqani,

1 Reyes 3:8

Ajllakusqayki aylluykita kamachinay kashan, paykunaqa may chhika mana yupay atina, nitaj mashkhachus kasqankupis yachana jinachu kanku, ashkha kasqankurayku.

Nehemías 9:23

Paykunata mirachillarqankitaj janajpi ch'askakuna chhikatapuni. Ñawpa tatankuman qonaykita nerqanki, chay suyumanpis paykunata pusallarqankitaj.

Job 35:5

Janaj pachata qhawariy. Phuyukunaqa qanmanta astawan patapi kashanku.

Isaías 51:2

Unanchariychej ñawpa tataykichej Abrahammanta, ñawpa mamaykichej Saramantawan, pichus qankunata paqarisorqachej, paymanta. Manaraj wawayoj kashajtinku, paykunata wajyarqani, samincharqani, miracherqanitaj.

Génesis 32:13

13 (14) Chay ch'isi Jacob chaypi puñorqa. Chantá imachá kapusqanmanta wawqen Esauman qonanpaj ajllarqa: