Génesis 13:9 - DIOSPA QHELQACHISQ

⁹ Qhaway, jallp'aqa ajllakunaykipaj jina may chhikan kashan. Ama jina kaspa, noqamanta karunchakuy. Sichus qan lloq'eman rinki chayqa, noqa pañanejman ripusaj. Qantajchus pañanejman rinki chayqa, noqa lloq'enejman ripusaj, nispa.

Qheshwa Biblia DC

⁹ Qhawariy, jallp'aqa tiyallan, ajllakuy, noqamanta t'aqakuy. Sichus qan lloq'eman rinki chayqa, noqa ripusaj pañanejman. Qantajchus pañanejman rinki chayqa, noqaqa ripusaj lloq'enejman.

DIOSPA QHELQACHISQAN DEUTEROCANONICAL

⁹ Qhaway, jallp'aqa ajllakunaykipaj jina may chhikan kashan. Ama jina kaspa, noqamanta karunchakuy. Sichus qan lloq'eman rinki chayqa, noqa pañanejman ripusaj. Qantajchus pañanejman rinki chayqa, noqa lloq'enejman ripusaj, nispa.

Génesis 13:9 Referans Kwoze

Hebreos 12:14

Qankuna atisqaykichejta ruwaychej tukuywan allinta kawsakunaykichejpaj, jinallataj Diospaj t'aqasqa jina llimphu kawsayniyoj kanaykichejpaj. Pichus mana llimphu kawsayniyoj kajqa Tukuyta Kamachej Diospa uyanta mana rikonqachu.

Génesis 34:10

Noqaykuwan tiyakuychej, imajtinchus llajtaykupi jallp'aqa ashkha tiyan. Chayrayku maypichá munasqaykichejpi wasichakuychej. Qhatuychej, jallp'atapis rantikuychej, nispa.

Génesis 20:15

Paytaj Abrahamta nerqa: Qhaway, suyoyqa ñawpaqeykipi kashan. Tiyakunaykipaj maynejtachá munasqaykita ajllakuy, nispa.

1 Corintios 6:7

Ajinaqa, qankunapura quejanakuspa, millayta pantaykunkichejña. Imaraykutaj mana ch'inllamanta pacienciakunkichejchu, pipis mana allin kajta ruwasojtiykichejri? Aswan allin kanman imaykichejtapis qhechuspa apakapojta saqenallaykichej.

Romanos 12:18

Chantá atisqaykichejta ruwaychej tukuywan allinpi kawsakunaykichejpaj.

Salmos 120:7

Noqa sonqo tiyaykusqa kawsayta munaj runa kani. Sonqo tiyaykusqa kawsanamanta parlajtiyrí, paykuna maqanakuyllamanta parlawanku.

Génesis 13:8

Jina kajtenqa, Abram Lotta nerqa: Qanwan noqawanqa ayllu masintin kanchej. Chayrayku noqanchejpura mana phiñanakuyta atisunmanchu, nitaj michejninchejkunapis phiñanakuyta atillankutajchu.

Génesis 13:10

Chantá Lotqa tukuynejta qhawarqa, astawanqa Jordán mayu valleta Soar juch'uy llajtakama. Chay jallp'aqa yakuyoj karqa, Tata Diospa huertan jina sumaj, Egiptopi jallp'aman rijch'akojtaj. Chay karqa, manaraj Tata Dios Sodoma llajtata, Gomorra llajtatawan chinkachishajtin.

Jeremías 40:4

Chaywanpis kunanpacha watasqa kashanki, chay cadenata phaskarasqayki. Chantá sichus noqawan Babiloniaman riyta munanki chayqa, jaku rina. Noqataj qanta yanapasqayki. Mana riyta munanki chayrí, qhepakullay. Maypichá munanki tiyakuyta, chayman rillay.