Génesis 12:7 - DIOSPA QHELQACHISQ

⁷ Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Qheshwa Biblia DC

⁷ Chaypi Señorqa Abramman rikhurerqa, nerqataj: Kay jallp'ata mirayniykiman qosaj. Abramtaj chaypi uj altarta Diospaj ruwaporqa, chaypi Señorqa payman rikhurisqanrayku.

DIOSPA QHELQACHISQAN DEUTEROCANONICAL

⁷ Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Génesis 12:7 Referans Kwoze

Gálatas 3:16

Jinallatataj Diosqa Abrahamman chantá mirayninman ima imatachus qonanta nerqa. Diospa Qhelqachisqanpi Abrahampa mirayninmanta parlaspa, mana ashkhamantachu parlan, manachayqa ujllamanta, chaytaj Cristo.

Génesis 17:8

Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 18:1

Abraham chaypacha Mamrej encina sach'an chaynejpi jarasqa karqa. Chantá chawpi p'unchay chay chayta Abram jaranpa punkunpi tiyarikushajtin, Tata Dios payman rikhurerqa.

Génesis 13:15

Noqaqa tukuy rikusqayki jallp'ata qosqayki. Chay jallp'ataj qanpaj, jinataj mirayniykipajpis wiñaypaj kanqa.

Génesis 13:4

Chay karqa, maypichus pay ñawpajta altarta ruwasqa, chay. Chantá Abrahamqa ujtawan chaypi Tata Diospa sutinta oqharispa yupaycharqa.

Génesis 13:18

Chantá Abramqa toldonta phaskaspa, tiyakoj riporqa, Hebrón llajta qayllapi maypichus Mamré sutiyoj runajta encina sach'an karqa, chaynejman. Chaypipis uj altarta Tata Diospaj ruwallarqataj.

Éxodo 33:1

Tata Dios Moisesta nerqa: Qanwan chantá, Egiptomanta orqhomorqanki, chaykunawan khuska kaymanta puririychej, noqa Abrahamman, Isaacman, Jacobmanwan ima tiluspa nerqani: Mirayniykichejman kay jallp'ata qosaj, nispa, chayman.

Génesis 32:30

30 (31) Chantá Jacob chay cheqata “Peniel”, nispa suticharqa, nerqataj: Diospa uyanta rikuni, chaywanpis kawsashaniraj, nispa.

Génesis 26:25

Chantá Isaac chaypi uj altarta ruwaspa, Tata Diosta yupaycharqa. Chantá chaynejpi toldonta sayacherqa, kamachinkunapis chaynejpi uj pujyutawan allallarqankutaj.

Números 32:11

Egiptomanta llojsimojkunamanta, iskay chunka watayojmanta pataman chay jallp'ata mana rikonqankuchu, imajtinchus mana tukuy sonqochu qhatiwarqanku. Chay jallp'ata Abrahamman, Isaacman, Jacobman ima tiluspa qonayta nerqani, chayman mana yaykonqankuchu.

Génesis 12:8

Chaymanta Betel llajtaj inti llojsimuynejpi kashan, chay orqonejman riporqa, chaypitaj toldonta sayacherqa. Betel llajtaqa jarakusqanmanta inti yaykuynejpi kasharqa, Hai llajtataj inti llojsimuynejpi kasharqa. Chay cheqapipis Abramqa Tata Diospaj uj altartawan ruwallarqataj, chantá Tata Diospa sutinta oqharispa, yupaycharqa.

Hebreos 11:13

Chay runakuna wañuporqanku Dios nisqanta manaraj junt'ashasqanta rikuspa. Manachayqa Diospi atinikusqankurayku Dios nisqanta junt'ananta karullamantapis qhawashankuman jina rikorqanku. Chantá kusikuspa, rimarerqanku kay pachapi waj llajtayoj jinalla kasqankuta.

Romanos 9:8

Chay niyta munan Abrahampa mirayninmanta kajkuna mana tukuypunichu Diospa wawankuna kasqankuta. Manachayqa Abrahampa wawankuna kanku, pikunachus Diospa nisqanman jina paqarejkunalla.

Génesis 22:9

Maymanchus rinankuta Dios nisqa, chayman chayaspa, Abraham uj altarta Diospaj ruwarqa, chay patamantaj llant'ata tawqarqa. Chaymantataj Isaacta wataykuspa, altarpi llant'a pataman winkuykucherqa.

Génesis 17:3

Chantá Abram pampakama k'umuykorqa. Diostaj payta nillarqataj:

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Gálatas 4:28

Ajinaqa wawqe panakuna, qankuna Isaac jina, Diospa nisqanman jina wawakuna kankichej.

Deuteronomio 30:20

Jinallataj Tata Diosniykichejta munakuychej, kasuychej, chantá payta mana wasanchaspa qhatikuychej ima. Ñawpa tataykichej Abrahamman, Isaacman, Jacobman ima Tata Dios tiluspa qonanta nisqan jallp'api unayta kawsanaykichejpajqa, qankunamantamin kashan, nispa.

Deuteronomio 6:10

Tata Diosniykichejqa ñawpa tataykichej Abrahamman, Isaacman, Jacobman ima tiluspa qonanta nerqa, chayman pusasonqachej. Chay jallp'aqa jatuchaj sumaj llajtakunayoj. Chaykunataqa mana qankunachu sayaricherqankichej.

Deuteronomio 1:8

Noqa chay suyukunata qankunaman qoykichej. Chayrayku chayman rispa, chay jallp'ata jap'ej yaykuychej. Chay jallp'ata noqa Tata Dios ñawpa tataykichej Abrahamman, Isaacman, Jacobman, jinallataj mirayninkuman ima tiluspa qonayta nerqani, nispa.

Éxodo 6:3

Noqaqa Tukuy Atiyniyoj Dios sutiywan Abrahamwan, Isaacwan, Jacobwan ima rejsichikorqani. Tata Dios sutiywanrí mana paykunaman rejsichikorqanichu.

Génesis 33:20

Jinataj, uj altartapis chaypi ruwallarqataj, suticharqataj: “Diosqa Israelpa Diosnin”, nispa.

Génesis 28:13

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Génesis 26:3

Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Génesis 8:20

Chantá Noeqa Tata Diosta yupaychananpaj uj altarta ruwarqa. Chaypitaj ñak'aspa, chantá q'olachispa ima Diosman jaywarqa, llimphupaj qhawasqa tukuy animalmanta, tukuy phawajmanta ima.

Hechos 7:5

Diosqa kay cheqapi mana Abrahamman chayaqeta jina qorqachu ni chaki sarunan chhikallantapis. Chaywanpis Diosqa kay cheqata Abrahammanpuni qonanta nerqa paypata kananpaj, wañupojtinpis mirayninpaj qhepakunanpaj. Chayta Dios nishajtintaj, manaraj Abrahampata ni uj wawanpis karqachu.

Hebreos 11:8

Diospi atinikusqanrayku Abrahampis Diospa nisqanta kasorqa. Chayrayku llajtanta saqespa llojserqa, Dios qonanta nerqa, chay jallp'aman rinanpaj, mana yachaspalla maymanchus chayananta.

Génesis 24:7

Janaj pachapi kaj Tata Dios llajtaymanta, tataypa wasinmanta ima orqhomuwaspa, tiluwarqa: Kay jallp'ata mirayniykiman qosaj, nispa. Chayrayku paymin angelninta ñawpaqeykita kachanqa, churiypaj warmita pusamuyta yanapasunanpaj.

Éxodo 6:4

Chantapis, paykunawan uj tratota ruwarqani, Canaán suyuta qonaypaj. Paykunarí chay suyupi waj llajtayoj jina tiyakorqanku.

Éxodo 32:13

Kamachiyki Abrahamman, Isaacman, Israelman ima sutiykirayku tiluspa, nisqaykimanta yuyarikuy. Qan paykunata nerqanki: Noqa janajpi ch'askakunata jinapuni mirachisqaykichej, nisqayman jinataj wiñaypaj qankunaman kay jallp'ata qosqaykichej, nispa.

Deuteronomio 9:5

Mana sumaj runa kasqaykichejraykuchu, nitaj cheqan kajta ruwasqaykichejraykuchu paykunaj jallp'ankuta jap'inkichej. Tata Dios ñawpaqeykichejmanta paykunata qharqonqa millayta ruwaspa kawsasqankurayku. Chantá ñawpa tataykichej Abrahamman, Isaacman, Jacobman ima nisqanta junt'anqa.

Deuteronomio 34:4

Chantá Tata Diosqa Moisesta nerqa: Abrahamman, Isaacman, Jacobman, chantá mirayninman ima tiluspa qonayta nerqani, chay suyoqa kaymin. Noqa chay jallp'ata qan kikin ñawiykiwan rikunaykita munarqani. Chaywanpis mana chaymanqa yaykunkichu, nispa.

1 Crónicas 16:16

Abrahamwan trato ruwasqanta mana qonqanqachu, Isaacman tilusqantapis nillataj qonqaponqachu.

Génesis 13:17

Qan purispa, wichaynejta uranejta kay jallp'ata muyumuy, imaraykuchus noqa kay jallp'ata qanman qosqayki, nispa.

Génesis 28:4

Tata Dios Abrahamta saminchasqanta qanman, chantá mirayniykiman ima qosuchun. Ajinamanta maypichus waj llajtayoj jina tiyakushanchej, kay jallp'amanta dueño kanki, mayqentachus Dios Abrahamman qonanta nerqa, chaymanta nispa.

Génesis 35:7

Chaypitaj Jacob altarta ruwarqa, chantá chay cheqata “El Betel”, nispa suticharqa. Ajinata chay cheqata suticharqa imaraykuchus wawqen Esaumanta ayqekushajtin, chay cheqanejpi Dios payman rikhurisqa.

Génesis 35:12

Noqaqa Abrahamman, Isaacmanwan qosqay jallp'ata qanman qollaykitaj. Jinataj mirayniykimanpis chay jallp'ata qosaj, nispa.

Génesis 50:24

Uj kuti Joseqa wawqenkunata nerqa: Noqaqa wañupusajña. Diostajrí qankunata yanapaspa, kay jallp'amanta orqhosonqachej. Chaymantataj, ima jallp'atachus Abrahamman, Isaacman, Jacobman ima tiluspa, qonanta nerqa, chay jallp'aman pusasonqachej, nispa.

Éxodo 17:15

Chantá Moisés chaypi Tata Diospaj uj altarta ruwarqa, suticharqataj: “Tata Diosmin ñawpajta rej”, nispa.

Éxodo 24:4

Chaymanta Moisesqa Tata Diospa tukuy nisqanta qhelqarqa. Q'ayantintaj tutamanta jatarispa, orqo k'uchupi chunka iskayniyoj rumiwan uj altarta jataricherqa. Jinallataj chunka iskayniyoj rumita sayacherqa, sapa jatun ayllumanta uj rumi karqa.

Números 26:53

Kay ayllukunaman, yupasqapi mashkhachus kasqankuman jina, jallp'ata rak'inki.

Josué 1:6

Chayrayku kallpachakuy, waputaj kay. Qanmin chay jallp'ata israelitakunaman chayaqenkupaj rak'iranki, ñawpa tataykichejkunaman qonayta nerqani, chayta.

Josué 8:30

Chantá Josué Israelpa Diosnin Tata Diospaj Ebal orqopi uj altarta ruwaporqa.

Josué 22:10

Chantá Rubén jatun ayllu, Gad jatun ayllu, chantá Manasespa khuskan jatun ayllu ima Canaán suyupi Jordán mayu kantuman chayaytawan, uj jatun altarta ruwarqanku.

Jueces 6:24

Chaypi Gedeonqa Tata Diospaj uj altarta ruwaporqa, suticharqataj: “Tata Diosmin Sonqo Tiyaykoyqa”, nispa. Chay altarqa Abiezerpa ayllun ukhupi Ofrá llajtapi kunankama kashallanrajpuni.

1 Samuel 7:17

Chaymantataj Ramá llajtaman kutimpoj, chaypi wasin kasqanrayku. Chaymantapachataj israelitakunata juez jina kamacherqa. Chayllapitaj Tata Diospaj uj altarta ruwaporqa.

2 Samuel 24:25

Chaypitaj Davidqa Tata Diospaj uj altarta ruwaporqa, altar patapitaj uywa ñak'asqata q'olachispa jaywarqa, jinataj allinyakuna jaywanatapis. Chantá Tata Dios uyarerqa suyunrayku David mañapusqanta, chay millay onqoytaj Israel suyumanta chinkaporqa.

1 Reyes 18:32

Chay rumikunawantaj uj altarta Tata Diospaj ruwarqa. Chay jawa altarpa muyuyninpi uj larq'ata allallarqataj, iskay chunka litro jina yaku yaykunanpaj.

1 Crónicas 16:18

Chantá nerqa: Canaán jallp'ata qanman qosqayki, chayaqeyki kananpaj, nispa.

2 Crónicas 20:7

Diosniyku, qanqa aylluyki Israelpa ñawpaqenmanta kay suyupi tiyakojkunata wijch'orqanki. Wiñaypajtaj kay suyuta Abraham kawsaqeykej mirayninman qoporqanki.

2 Crónicas 20:11

Qhawariy, kay jinata kutichishawasqaykuta. Qan chayaqepaj qowarqayku, paykuna chay suyumanta wijch'uyta munashawayku.

Esdras 3:2

Chaypacha Josadacpa churin Josué, chantá sacerdote masinkuna, jinallataj Salatielpa churin Zorobabel, chantá ayllu masinkuna ima Israelpa Diosninpa altarninta ruwarqanku. Ajinaqa paykuna chay patapi uywakunata ñak'aspa q'olachiyta munarqanku, Diospa kamachin Moisespa kamachisqanman jina.

Jeremías 3:18

Chay p'unchay chayamojtin, Judá aylloqa Israel aylluwan khuska tantakonqa. Iskayninkutaj wichaynej suyumanta kutimonqanku, ñawpa tataykichejkunaman chayaqepaj qorqani, chay jallp'aman.