Génesis 10:5 - DIOSPA QHELQACHISQ

⁵ Paykuna mama qocha kantupi sapa uj ayllunkuwan, parlayninkuwan ima jap'iyninkupi tiyakorqanku.

Qheshwa Biblia DC

⁵ Kaykuna karqanku Jafetpa mirayninmanta kajkuna. Sapa nación, sapa familia kikin jallp'ankupikama, kikin parlayninkuwantaj. Paykuna junt'aykorqanku mar qochaj cantosninman.

DIOSPA QHELQACHISQAN DEUTEROCANONICAL

⁵ Paykuna mama qocha kantupi sapa uj ayllunkuwan, parlayninkuwan ima jap'iyninkupi tiyakorqanku.

Génesis 10:5 Referans Kwoze

Sofonías 2:11

Kay pachapi tukuynin lantikunata chinkachispa, Tata Dios chay runakunata manchayta mancharichenqa. Chaymantataj tukuynejpi paylla yupaychasqa kanqa. Mama qocha churukunapi tiyakojkunapis payta yupaychanqanku.

Jeremías 2:10

Inti yaykuynej Quitín churukunaman rispa, qhawaychej. Pillatapis Cedarman allinta qhawamunanpaj kachaychej. Ichá tarimunman qankunaj ruwasqaykichejta jina ruwasqankuta.

Jeremías 25:22

Chantá Tiromanta, Sidonmantapis tukuy kuraj kamachejkunaman, Jatun Mama Qochaj chimpanpi kaj tukuy kuraj kamachejkunaman ima ujyachillarqanitaj.

Isaías 42:4

Payqa mana sayk'onqachu, nitaj iskayrayanqachu, tukuy kay pachapi justiciata sayachinankama. Mama qocha patapi suyukunapis imatachus yachachisqanta suyallanqankutaj.

Génesis 10:20

Chaykuna Campa miraynin karqanku, sapa ayllu kikin jallp'ankuwan, kikin parlayninkuwan ima.

Isaías 60:9

Chaykuna karumanta jamoj barcokuna kanku, Tarsismanta jatuchaj barcokunataj ñawpajta jamushanku. Chay barcokuna churiykikunata qolqenkutawan, qorinkutawan khuska apamushanku. Ajinamanta Tata Diosniyki, Israelpa May Llimphu Kaj Diosnin jatunchasqa kanqa, imaraykuchus payqa jatun kayninpa lliphipiyninwan junt'aykuchisunki.

Isaías 59:18

Ajinata wakichikorqa awqankunaman ruwasqankuman jina qopunanpaj. Mayta phiñakuspa tukuy awqankunata, mama qocha kantupi tiyakojkunatawan jasut'enqa.

Isaías 51:5

Justicia ruwanay p'unchay qayllapiña. Kacharichinay p'unchay ñanpiña kashan, atiyniywantaj tukuy suyuta kamachisaj. Mama qocha kantupi tiyakojkunaqa jatun atiyniywan paykunata yanapanayta suyanqanku.

Isaías 49:1

Mama qocha kantupi kaj llajtakuna, karupi kaj jatun suyukuna ima, uyariwaychej: Manaraj paqarishajtiy, Tata Dios wajyawarqa. Mamaypa wijsanpi kashajtillayraj, pay ajllakuwarqa.

Isaías 42:10

Tata Diosman mosoj takiyta takiychej. Kay pachaj aswan karu k'uchunmantapacha payta yupaychaychej. Mama qochapi barcota purichejkuna, chay qochapi kawsajkuna ima payta yupaychaychej. Jinallataj mama qocha chawpipi kaj churukunapis, chaypi tiyakojkuna ima yupaychallaychejtaj.

Isaías 41:5

Mama qochaj kantunpi kaj suyukuna chayta rikuspa, manchachikunku. Kay pachataj, ujnin k'uchumanta ujnin k'uchukama kharkatitin. Chantá ujllaman tantaykukunku maqanakoj jamunankupaj.

Isaías 40:15

Tata Diospajqa tukuy suyu uj sut'oj yaku jinalla kanku, chayrí balanzapi ñut'u jallp'a jinalla. Mama qochapi churukunatapis ñut'u jallp'ata jinalla chinkarpachin.

Isaías 24:15

Inti llojsimuynejpi jallp'akunapipis Tata Diosta jatunchaychej ari. Israelpa Tata Diosninpa sutinta mama qochaj tukuy kantunpipis pataman oqhariychej.

Salmos 72:10

Tarsismanta kuraj kamachejkuna, mama qocha kantupi kuraj kamachejkuna ima impuestota pagachunku. Sabamanta, Sebamanta kuraj kamachejkunapis sumaj imakunata apamuspa, kuraj kamachejman waqerichunku.

Génesis 10:25

Eberpatapis iskay churinkuna kallarqataj. Ujninpata sutin Peleg karqa, imaraykuchus chaypacha runakuna t'aqanakorqanku. Pelegpa sullk'antaj Joctán karqa.

Génesis 10:4

Javanpa churinkuna karqanku Elisa, Tarsis, Quitín, Rodanín ima.

Génesis 10:6

Campa churinkuna karqanku Cus, Misrayin, Fut, Canaán ima.

Ezequiel 26:15

Tukuyta Kamachej Tata Diosqa Tiro llajtata nillantaj: Qan thuñisqa rikhurinki, runaykikunataj k'irisqa kasqankumanta nanaywan qhaparispa, wañonqanku. Chantá pikunachus mama qochaj muyuynin suyukunapi tiyakojkuna manchachikuspa, kharkatitenqanku.

Ezequiel 26:18

Kunantajrí urmasqayki p'unchaypi mama qocha kantupi tiyakojkuna manchachikuywan kharkatitinku, chinkachisqa kasqaykimantataj qocha chawpipi churukuna manchayta t'ukunku, nispa.

Daniel (hebreo) 11:18

Chaymantataj wichaynejmanta kaj kuraj kamachejqa Jatun qochaj kantunpi llajtakunaj contrankupiñataj maqanakonqa, chay llajtakunamantataj ashkhata atiyninpi jap'enqa. Chaywanpis waj atiyniyoj kamachej runaqa chay machu machu kayninta chinkachenqa, wichaynejmanta kaj kuraj kamachejtataj p'enqaypi rikhurichenqa.

Génesis 9:19

Noéj churinkuna kay kinsa karqanku, paykunaj mirayninkutaj kay pachaman junt'arqanku.

Génesis 10:32

Paykunaqa sapa mirayninkuman jina chantá jap'iyninkuman jina Noéj churinkunamanta mirajkuna karqanku. Paykunataj jatun musphay para qhepaman tukuynejman ch'eqeraspa, suyukunata jataricherqanku.

Deuteronomio 32:8

Janaj pachapi kaj Diosqa suyukunaman chayaqenkuta qorqa, tukuy runatataj rak'irarqa. Suyukunamantaj mojonninkuta churarqa, Israelpa churinkuna mashkhachus kasqankuman jina.

Ester (hebreo) 10:1

Kuraj kamachej Asueroqa kamachiyninpi tukuy llajtapi tiyakoj runakunata impuestota paganankuta kamacherqa.

Isaías 11:11

Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.