Génesis 1:3 - DIOSPA QHELQACHISQ

³ Chantá Dios nerqa: K'anchay kachun, nispa. K'anchaytaj karqa.

Qheshwa Biblia DC

³ Diostaj nerqa: K'anchay kachun, nispa; k'anchaytaj karqa.

DIOSPA QHELQACHISQAN DEUTEROCANONICAL

³ Chantá Dios nerqa: K'anchay kachun, nispa. K'anchaytaj karqa.

Génesis 1:3 Referans Kwoze

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

San Juan 1:5

Chay k'anchaytaj laqhapi lliphipin, laqhataj k'anchayta mana jayk'ajpis wañuchiyta atenqachu.

Isaías 45:7

Noqaqa k'anchayta, laqhayaytapis ruwani. Noqallataj allin kawsayta, llakiy kawsaytapis qoni. Noqa Tata Dioslla chay tukuy imata ruwani.

Isaías 60:19

Chaypacha mana intichu, nitaj killachu k'anchamusonqa, manachayqa noqa Tata Diosmin wiñaypaj k'anchaykamusqayki. Noqa Diosniykirayku jatunchasqapuni kanki.

1 Juan 1:5

Jesucristo kay jinata yachachiwasqaykuta qankunaman willayku: Diosqa k'anchay jinamin, manataj paypeqa ni ima laqhayay kanchu.

Efesios 5:8

Ñawpajta qankuna laqhayaypi karqankichej. Kunantajrí Tukuyta Kamachej Jesusman ujchasqa kaspa, k'anchaypi kashankichej. Chayrayku k'anchaymanta kajkuna jina puriychej.

San Juan 1:9

Cheqa k'anchayrí tukuy runaman k'anchananpaj kay pachaman jamusharqa.

San Juan 3:19

Chantá kayraykumin runakuna juchachasqa kanqanku: Diospa k'anchaynin kay pachaman jamorqa. Runakunatajrí laqhata k'anchaymanta nisqa astawan munakorqanku, imajtinchus paykuna millayta ruwaspa purerqanku.

Salmos 33:6

Tata Diosqa janajkunata simi nisqallanwan ruwarqa, tukuy chaypi kajtapis samaynillanwan ruwarqa.

Salmos 148:5

Tata Diospa sutinta jatunchaychej, imaraykuchus pay kamachejtin, tukuy ima ruwasqa karqa.

Salmos 97:11

K'anchayqa cheqanta ruwajkunata k'anchan, cheqan sonqoyojkunatataj kusichin.

Salmos 33:9

Pay parlarqa, tukuy imataj ruwasqa karqa. Tata Dios kamacherqa, tukuy imataj rikhurerqa.

1 Juan 2:8

Chaywanpis, kay kamachisqaqa mosoj. Jesusqa kay kamachisqata kasuspapuni purerqa, jinallatataj qankunapis purishankichej, imaraykuchus kawsayniykichejpi laqhaqa chinkapushanña, cheqa k'anchaytaj k'anchashanña.

Efesios 5:14

Chayrayku ninku: Puñushasqaykimanta rijch'ariy, wañusqakuna ukhumantataj sayariy, Cristotaj k'anchaykusonqa, nispa.

Salmos 104:2

Qanqa k'anchaywan uj mantawan jina qhataykukunki, janajtataj uj toldota jina mast'arqanki.

Job 38:19

K'anchaypa wasinman chayanata yachankichu? Chayrí maynejpichus laqhayay pakakusqankuta yachallankitajchu?

1 Timoteo 6:16

Pay k'atamin ni jayk'aj wañojqa, payllatajmin mana chimpay atina k'anchaypi tiyakojqa. Payta mana pipis rikorqachu, nitaj pipis rikuyta atinchu. Ajina kasqanrayku pay jatunchasqapuni kachun, may jatun atiynintaj wiñaypa wiñaynintinpaj kachun. Ajina kachun.

Salmos 118:27

Tata Diosqa Diospuni, paymin k'anchawajninchejqa. Raymi ruwayta qallariychej, sach'aj thansanta k'utuspataj, altarpa wajran chayman apaychej.

Job 36:30

Diosqa k'anchayninta mama qochaman lliphipirichin, mama qochaj ukhuntataj pakaykuchin.

San Juan 11:43

Jinata niytawantaj, Jesús sinch'ita qhaparerqa: Lázaro, chaymanta llojsimuy, nispa.

San Mateo 8:3

Jesustaj makinta aysarispa, payta llankhaykorqa, nerqataj: Arí munani, llimphuchasqa kay, nispa. Chayta Jesús nejtinkamataj, chay runaqa llejti onqoymanta qhaliyachisqa karqa.

Génesis 2:4

Ajinata Tata Dios janajta, kay pachatapis ruwarqa. Maypachachus pay janajta, kay pachatawan ruwarqa chaypacha,