Génesis 1:16 - DIOSPA QHELQACHISQ

¹⁶ Diosqa iskay jatuchaj k'anchajkunata ruwarqa, jatun kajta p'unchaypi k'anchananpaj, juch'uy kajtataj tutan k'anchananpaj. Chaymanta ch'askakunatapis ruwallarqataj.

Qheshwa Biblia DC

¹⁶ Dios ruwarqa iskay jatuchaj k'anchaykunata: Sinch'i kajta p'unchaypi k'anchanampaj, pisi kajtataj tutapi k'anchanampaj. Chaymantá ruwallarqataj qoyllurkunata.

DIOSPA QHELQACHISQAN DEUTEROCANONICAL

¹⁶ Diosqa iskay jatuchaj k'anchajkunata ruwarqa, jatun kajta p'unchaypi k'anchananpaj, juch'uy kajtataj tutan k'anchananpaj. Chaymanta ch'askakunatapis ruwallarqataj.

Génesis 1:16 Referans Kwoze

Deuteronomio 4:19

Janajpi kaj intita, killata, ch'askakunata, imachus janajpi tiyan, chay tukuyta rikuspa, pajtataj chaykunaman qonqorikuspa, yupaychawajchej. Tata Diosniykichejqa tukuy chaykunata kay pachapi runakunapaj ruwarqa.

Salmos 8:3

3 (4) Qanpa ruwasqayki janajta, churasqayki killata, chantá ch'askakunata ima rikuspa, noqa nini:

Isaías 40:26

Janajta qhawariychej. Pitaj chay tukuy ch'askakunata ruwarqari? Tata Dios, pichus chaykunata ujmanta uj orqhomuspa yupan, tukuyninkutataj sutinkumanta wajyan, chay. Payqa tukuy atiyniyoj, tukuy kallpayojtaj, chay jinapuni kasqanraykutaj mana ujpis makinmanta chinkanchu.

Salmos 148:5

Tata Diospa sutinta jatunchaychej, imaraykuchus pay kamachejtin, tukuy ima ruwasqa karqa.

Salmos 74:16

Qanpata p'unchaypis, tutapis. Qanmin killata, intitapis churarqanki.

Salmos 148:3

Intipis, killapis, Tata Diosta yupaychaychej, lliphirirej ch'askakunapis payta jatunchallaychejtaj.

Job 38:7

Chaypacha ch'askakuna uj kunkalla takisharqanku, Diospa angelninkunataj janaj pachapi mayta kusikusharqanku. Qanrí mana chaypichu karqanki.

1 Corintios 15:41

Intej k'anchaynenqa uj jina, killaj k'anchayninpis waj jina, ch'askakunajtapis waj jinallataj. Chantá uj ch'aska waj ch'askamanta uj jinataj.

San Mateo 27:45

Chantá chawpi p'unchaymanta kinsa kaj phanikama tukuy chay cheqa laqhayaykorqa.

Habacuc 3:11

Intipis, jinataj killapis pakakunankumanta mana llojsimunkuchu, flechayki, lanzaykiwan lliphipirisqanrayku.

Isaías 45:7

Noqaqa k'anchayta, laqhayaytapis ruwani. Noqallataj allin kawsayta, llakiy kawsaytapis qoni. Noqa Tata Dioslla chay tukuy imata ruwani.

Isaías 13:10

Janajpi kaj ch'askakuna, imachus k'anchajkuna ima manaña k'anchanqankuchu. Inteqa llojsimuspapis laqhayaykaponqa, killapis manaña k'anchanqachu.

Salmos 19:6

6 (7) Inteqa janajpa ujnin kantunmanta llojsimuspa, ujnin kantunman chayanankama muyuykun. Manataj imapis k'ajayninmanta pakakuyta atinchu.

Apocalipsis 21:23

Llajtataqa mana intichu k'anchanan karqa, nitaj killachu, imaraykuchus Diospa jatun kayninpa lliphipiynin k'anchan, chay k'anchajtaj Cordero.

Isaías 24:23

Jerusalenpi, jinataj Sión orqopi Tukuy Atiyniyoj Tata Dios kamachiyta qallarejtin, intiwan, killawan p'enqakuspa laqhayaykonqanku. Chay llajtamanta kurajkunataj Tata Diospa jatun kayninpa lliphipiyninta rikonqanku.

Job 31:26

Noqa intita sumajta k'anchashajta rikorqani, killatapis sumajta k'ancharispa rishajta.

San Mateo 24:29

Jesús yachachillarqataj: Ñak'ariy p'unchaykunaj qhepanta, inti laqhayaykaponqa. Killapis manaña k'anchanqachu, ch'askakunapis urmaranqanku. Jinallataj janaj pacha atiykunapis kharkatitenqanku.

Génesis 1:15

Janajpi k'anchajkuna kachunku kay pachata k'anchamunankupaj, nispa. Ajinataj karqa.

Jeremías 31:35

Pichus intita p'unchay k'anchananpaj churarqa, jinallataj killata, ch'askakunatapis tutapi k'anchanankupaj churarqa, pitajchus mama qochata qaywin qhollchoqeyasqan sinch'ita ch'ajwarinankama, chaykunata ruwajpa sutenqa Tukuy Atiyniyoj Tata Dios. Pay nin: