Gálatas 6:1 - DIOSPA QHELQACHISQ

¹ Wawqe panakuna, sichus pitapis juchallisqanta reparankichej chayqa, qankuna Santo Espirituta kasuspa purejkuna llamp'u sonqowan payta yanapaychej cheqan ñanman kutirinanpaj. Chaywanpis allinta qhawarikuychej, ama pay jinallataj juchallishanaykichejpaj.

Qheshwa Biblia DC

¹ Hermanos, sichus qankunamanta pipis juchaman urman chayqa, qankuna Espirituman jina purejkunaqa khuyakuywan yanapaychej, ujtawan sayarinampaj. Sapa uj qhawakuchun, ama juchaman urmanampaj.

DIOSPA QHELQACHISQAN DEUTEROCANONICAL

¹ Wawqe panakuna, sichus pitapis juchallisqanta reparankichej chayqa, qankuna Santo Espirituta kasuspa purejkuna llamp'u sonqowan payta yanapaychej cheqan ñanman kutirinanpaj. Chaywanpis allinta qhawarikuychej, ama pay jinallataj juchallishanaykichejpaj.

Quechua South Bolivia: Dios Parlapawanchej

¹ Hermanosníy, Cristopi uj hermano mana yuyayllamanta juchallicunman chayka, Santo Espíritoj munayninmanjina causacojcuna yanapaspa payta cheka cajman cutichiychej. Chaytarí ruwanayquichej qhuyacoj, llamp'u sonkowan. Kan quiquiyquitataj khawacuy pajtataj kanpis juchallicushallawajtaj.

Gálatas 6:1 Referans Kwoze

Romanos 15:1

Jesuspi atinikunapi manaraj sinch'i sayajkunaqa, imatachus ruwanamanta, chayrí mana ruwanamanta iskayrayashankuraj. Pikunachus sinch'ita sayajkunarí paykunata pacienciawan awantananchej, manataj allinnillanchejta mask'anapichu yuyananchej.

2 Tesalonicenses 3:15

Chaywanpis, ama awqaykichejta jinachu qhawaychej, aswanpis Diosta qhatej masiykichejta jina k'amiychej.

2 Timoteo 2:25

Payqa mana uyarikuyta munajkunata llamp'u sonqowan k'amispa, cheqan ñanman churachun. Ichapis chay jinamanta Dios munanman paykuna payman kutirikunankuta, cheqa kajta rejsinankupaj.

1 Juan 5:16

Sichus pipis wawqe pananta mana wañuyman apaj juchata ruwajta rikunman chayqa, Diosmanta paypaj mañapuchun, Diostaj payman kawsayta qonqa. Chayta nini mana wañuyman apaj juchata ruwajkunamanta, imaraykuchus wañuyman apaj jucha tiyallantaj. Chay juchata ruwajpajrí mana ninichu Diosmanta pipis mañapunanta.

2 Corintios 2:7

Aswanpis qankuna juchanta pampachaychej, paytataj sonqochaychej ama sinch'i llakiywan atipachikunanpaj.

Hebreos 12:13

Chantá cheqanta purispa kawsaychej, ajinamanta pisi kallpayoj wist'u chaki jina ama ñanta pantananpaj, manachayqa kallpachasqa kaspa thuruta sayananpaj.

1 Pedro 3:15

Manachayqa sonqoykichejpi Cristota Tukuyta Kamachejniykichejta jina mayta jatunchaychej. Jinataj wakichisqapuni kaychej, Diospi atinikuspa imatachus suyakushasqaykichejmanta sut'ita kutichinaykichejpaj. Pikunachus yachayta munajkunaman tapusqankuman jina llamp'u sonqowan kutichiychej, paykunata respetowan qhawaspa.

Romanos 14:1

Jesucristopi atinikunapi pikunachus manaraj sinch'i sayajkunata qankuna allinta jap'iychej, nitaj imatachus yuyasqankumanta siminakuspa churanakuychejchu.

Ezequiel 34:16

Chinkasqa ovejakunata noqa mask'amusaj, ch'eqerasqatataj tropaman kutirichimusaj. Chakin p'akisqata tableyaykusaj, mayt'uykusajtaj. Tulluyajkunata makimanta mikhuchisaj, kallpasapa wira ovejakunatataj maychus michinata michisaj, nispa.

1 Corintios 10:12

Ajinaqa, pichus sinch'ita sayashasqanta yuyajqa ama urmananpaj allinta qhawakuchun.

1 Corintios 4:21

Imatataj munankichej? Varawan seq'onaytachu munankichej, chayrí munakuywan, llamp'u sonqowan ima jamunaytachu?

Santiago 3:2

Tukuyninchej ashkha kutita pantanchej. Sichus siminchejta watarikuyta atisunman chayrí, mana pantaj runa jina kasunman, ukhunchejwantaj tukuy imapi kasuchikuyta atisunman.

2 Corintios 10:1

Wakin ninku qankunawan kashaspa noqa mancha manchalla kasqayta, qankunamanta karupi kashaspataj runaraw kasqayta. Chaywanpis Cristo llamp'u sonqo, jinataj k'acha sonqo kasqanrayku noqa ujta mañarikuykichej:

San Mateo 9:13

Qankunarí rispa, yachaqamuychej imatachus Diospa Qhelqachisqanpi pay niyta munasqanta: Noqaqa ujkunata khuyanaykichejta munani, mana uywa wañuchisqa q'olachinatachu, nispa. Noqarí mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

1 Corintios 14:37

Sichus pipis Diosmanta sut'inchaj kasqanta yuyakunman, chayrí Santo Espirituta tukuy imapi kasusqanta yuyanman chayqa, yachachun kay qhelqasqayqa Diospa kamachisqanpuni kasqanta.

1 Corintios 7:5

Chayrayku qhari warmeqa puñuykukunaykichejta ama jark'anakuychejchu. Qhari warmi parlarikuspa, ichapis mana unaypajchu puñuykukuyta saqewajchej, Dioswan parlarikuspa kanaykichejpaj. Chaymanta qhari warmi jina watej puñukapunallaykichejtaj tiyan, ama Kuraj Supay juchallichisunaykichejpaj mana kakuyta atisqaykichejrayku.

1 Corintios 2:15

Chaywanpis pichus Diospa Espiritunpa yanapasqan kajqa, allinchus manachus kasqanta tukuy imata qhawan. Chaywanpis pikunachus mana Diospa Espiritunniyojchu kanku, chaykuna Diospa Espiritunniyoj kajta mana juzgayta atinkuchu.

Romanos 8:6

Ajinaqa, sichus juchallinaman aysasqa sonqoj munasqanwan apachikusunman chayqa, wañuyllata tarisunchej. Santo Espíritoj munasqanta ruwanapi yuyasun chayrí wiñay kawsayniyoj, chantá sonqo tiyaykusqa kasunchej.

San Mateo 11:29

Yugoy churasqayta tukuy sonqo jap'ikuychej, noqamantataj yachaqakuychej. Noqaqa k'acha kani, llamp'u sonqotaj, qankunataj chayta ruwaspa, samariyta tarinkichej,

Santiago 3:13

Sichus qankunamanta mayqellanpis yachayniyoj kanman chayqa, jinataj imatachus Dios munasqanta entiendenman chayqa, yachayniyoj kasqanta allinta purispa rikuchichun. Yachayniyoj kasqanrayku llamp'u sonqowan allin kajtapuni ruwachun.

Hebreos 13:3

Jinallataj carcelpi kajkunamanta yuyarikuychej, paykunawan khuskapis wisq'asqa kashawajchej jina. Ñak'arichisqa kajkunamantapis yuyarikullaychejtaj, imaraykuchus qankunapis ajinallatataj ñak'arichisqa kayta atiwajchej.

Gálatas 5:23

llamp'u sonqo kay, sonqonpa munasqanwan mana atipachikoj kay ima. Ajinata ruwaspa purejkunata mana pipis kamachisqakunata p'akishasqanmanta juchachayta atenqachu.

2 Samuel 11:2

Uj tarde Davidqa puñusqanmanta jatarispa, kamachinan wasi alto patapi puriykachasharqa. Chantá jinallaman uj k'achita warmita mayllakushajta rikuykorqa.

1 Corintios 3:1

Munasqa wawqe panakuna, noqa qankunawan kashaspa, mana Diospa Espiritunpa pusasqan runakunaman jinachu parlarqaykichej, imajtinchus qankuna Diosman manaraj kutirikojkuna jina purinkichej. Chayrayku qankunaman parlarqaykichej, kunallanraj Cristoman kutirikojkunaman jinalla.

San Mateo 26:75

Chantá Pedro yuyarikorqa Jesús kayta nisqanmanta: Manaraj gallo waqayta qallarishajtin, kinsa kutita ninki mana rejsiwasqaykita, nispa. Jawaman llojsispataj, Pedroqa sonqo nanayta waqarikorqa.

San Mateo 26:69

Pedro jawa patiopi tiyasqa kashajtin, uj sipas kamachi qayllaykuspa, nerqa: Qanpis Galilea llajtayoj Jesuswan purej kanki, nispa.

Salmos 141:5

Cheqanta ruwaj runa jasut'iwaspaqa, allinta ruwawan, k'amiwasqantaj noqapaj sumajta q'apaj jawina jina kanqa. Tata Diosníy, mañakuyki, mana allin ruwajkunata jasut'inaykita.

Gálatas 6:18

Wawqe panakuna, Tukuyta Kamachej Jesucristonchejpa qhasilla k'acha yanapaynin qankunawan kachun. Ajina kachun.

1 Tesalonicenses 4:1

Kunanqa wawqe panakuna, Tukuyta Kamachej Jesuspa sutinpi mañarikuyku, Diospa munasqanman jina kawsakunaykichejta. Diosta qhatejkuna jina imaynatachus kawsanata ña yachacherqaykuña, qankunataj ajinata kawsashankichejña. Chaywanpis qankunata mayta niyku ajinallatapuni kawsanaykichejpaj kallpakunaykichejta.

2 Corintios 2:8

Chayrayku mañarikuykichej, watejmanta payta munakapunaykichejta.