Gálatas 5:10 - DIOSPA QHELQACHISQ

¹⁰ Noqaqa Tukuyta Kamachej Jesuspi atinikuni qankunata waqaychananta mana cheqan yachachiykunata mana jap'ikunaykichejpaj. Pichus umaykichejta muyuchej runatarí Dios ruwasqanman jina juzganqa, pipis kachun.

Qheshwa Biblia DC

¹⁰ Noqa creeni qankuna allinta purinaykichejta, mana waj jinamanta yuyaspa. Pichus pantachisunkichej chayqa, jasut'isqa kanqa, pipis kachun.

DIOSPA QHELQACHISQAN DEUTEROCANONICAL

¹⁰ Noqaqa Tukuyta Kamachej Jesuspi atinikuni qankunata waqaychananta mana cheqan yachachiykunata mana jap'ikunaykichejpaj. Pichus umaykichejta muyuchej runatarí Dios ruwasqanman jina juzganqa, pipis kachun.

Quechua South Bolivia: Dios Parlapawanchej

¹⁰ Cristopi ujchacuyninchejraycu kancunamanta mana iscayrayanichu. Yachani yachachinasniymanta wajtaka mana jap'inayquichejta. Chay pantachej runatarí Dios ñac'arichenka ruwaskanmanjina, may curajpaj khawaska cashajtinpis.

Gálatas 5:10 Referans Kwoze

Gálatas 5:12

Walej kanman, pikunachus circuncidakunaykichej tiyan nispa pantachishasunkichej, chaykuna ujkama khuchuspa orqhokunanku.

Filipenses 3:15

Ajinaqa, tukuy pikunachus Diospi atinikunapi yuyayninpiña kajkuna ajinata yuyana tiyan. Sichus wakinniykichej waj jinata yuyawajchej chayrí, chaytapis Diosllataj entiendechisonqachej.

Gálatas 1:7

Cristomanta jawaqa waj sumaj willay manamin kanchu. Manachayqa wakinkuna qankunaj umaykichejta muyuchiyta munaspa, Cristoj sumaj willayninta q'ewinku.

2 Corintios 2:3

Chayrayku qankunaman chay jinata qhelqamorqaykichej, mayk'ajpis chayamuspa ama llakikunaypaj, qankunawan kusikunay kashajtin. Yachankichej jina noqa kusikuni, maypachachus qankuna kusisqa kankichej, chaypacha.

1 Timoteo 1:20

Chaykunamanta Himeneo, chantá Alejandro ima kanku. Noqatajrí paykunata Supay Satanaspa makinman jaywaykorqani, ama Diospa contranta rimayta yachanankupaj.

Gálatas 6:17

Kunanmanta ñawpajmanqa amaña pipis umayta nanachiwachunchu, imaraykuchus Jesuspata kasqayrayku ñak'arisqaymanta ukhuypi t'iriy tiyan.

Gálatas 4:17

Chay mana cheqanta yachachejkuna sonqoykichejta suwayta mayta munanku, imatachus yuyasqankurí mana allinchu. Aswanpis paykunaqa noqaykumanta qankunata karunchachiyta munasunkichej paykunaman k'askapunaykichejpaj.

Gálatas 3:1

Galaciapi kaj wawqe panakuna, qankuna wampu kankichej. Pitaj layqaykusorqachej cheqa kajta mana kasunaykichejpajri? Noqa Jesucristoj wañusqan ima niytachus munasqanta qankunaman sumajta sut'incharqaykichej, kikin ñawiykichejwanpis Jesucristo cruzpi chakatasqa wañushajta rikushawajchej jina.

Gálatas 2:6

Chantá pikunachus kurajkunapaj qhawasqa kanku, chaykunaqa Jesusmanta sumaj willayta willasqayman mana imatapis yaparqankuchu. Kurajkunachus manachus kanku chayqa, mana riwanchu nitaj jamuwanchu, imaraykuchus Dios mana runaj rijch'aynintachu qhawan.

Gálatas 2:4

Chaywanpis wakinkuna Jesusta qhatejman tukuspa, iglesiaman yaykumorqanku Cristo Jesusnejta kamachisqata junt'anamanta kacharichisqaña kasqaykumanta wateqanawaykupaj. Paykuna watej wata runaman tukuchiyta munawarqayku, Moisespa kamachisqankunata munaspa mana munaspa kasunaykupaj.

2 Corintios 10:6

Chantá qankuna tukuy imapi kasukoj kajtiykichejkama, noqayku pikunachus mana kasukojkunata jasut'isqayku.

1 Corintios 5:5

chay runata iglesiamanta qharqospa, Kuraj Supaypa makinman jaywaykuychej. Ajinamanta Supay ukhunta ñak'arichinman chaypis, alman qhespichisqa kanqa Tukuyta Kamachej Jesús kutimojtin.

Hechos 15:24

Wakin noqayku ukhumanta mana kachasqallayku qankunaman risqanku, jinataj yachachisqankuwan umaykichejta muyuchispa, yuyayniykichejta tijrasqanku.

Filemón 1:21

Noqa yachani kay qhelqasusqayta kasunawaykita jinallataj kay nisusqaymantapis astawanraj ruwanaykita.

2 Tesalonicenses 3:4

Noqaykoqa Tukuyta Kamachej Jesuspi atinikuspa suyayku kamachisqaykuman jina ruwashasqaykichejta, jinataj qhepamanpis ruwanallaykichejtapuni.

Gálatas 4:20

Kunanpacha qankunawan kayta munayman, waj jinamanta qankunawan parlanaypaj, imaraykuchus qankunamanta imatachus yuyanayta mana yachanichu.

Gálatas 4:11

Llakikuni yuyaspa qankunata yanapanaypaj tukuy ruwasqay qhasipajsina kananta.

2 Corintios 13:10

Manaraj qankunaman jamushaspa, noqa kay cartata ruwaspa apachimushaykichej, chaypi kashaspa, qankunata ama k'arajta k'amisunaykichejpaj. Tata Dios atiyta qowarqa, mana sonqoykichejta p'akiykunaypajchu, manachayqa Jesucristopi atinikusqaykichejpi kallpachasunaykichejpaj.

2 Corintios 10:2

Ama chayta nejkunata kasuychejchu. Manachayqa qankunaman jamuspa, sinch'ita k'amisqaykichej, imaynatachus k'amisaj, pikunachus ninku Diosman mana kutirikoj runa jinalla imatapis ruwasqaykuta, ajinata.

2 Corintios 8:22

Chantapis paykunawan khuska waj wawqenchejtapis kachamushallaykutaj. Noqayku sapa kuti rikuyku pay tukuy ima ruwanapi k'uchi kasqanta. Kunantaj pay imayna sonqoyojchus kasqaykichejta yachaspa, astawan kusisqa jamushan.

2 Corintios 7:16

Kunantaj noqapis mayta kusikullanitaj qankuna tukuy imapi kasukoj kasqaykichejmanta.

2 Corintios 5:16

Chayrayku kunanmanta ñawpajmanqa manaña pitapis qhawaykuchu Diosman mana kutirikojkunaj yuyasqankuman jina. Arí, ñawpajta Cristotapis Diosman mana kutirikojkuna jina qhawaj kayku. Kunanrí payta manaña jinatachu qhawayku.

2 Corintios 2:6

Qankuna juchallikoj runata cheqan ñanman kutirichiyta munaspa k'arajta k'amiykusqaykichejqa chayllaña kachun.

2 Corintios 1:15

Chayrayku, ajinata entiendesqaykichejta yachaspa, noqa munarqani iskay kutitapuni qankunata waturikoj jamuyta, ajinamanta iskay kutita kusikunaykichejpaj.

Gálatas 5:7

Qankunaqa walejllata ñawpajman risharqankichej. Pitaj jark'arqasunkichej cheqa kajta mana kasunaykichejpajri?