Gálatas 3:10 - DIOSPA QHELQACHISQ

¹⁰ Chaywanpis Moisespa kamachisqanta kasusqankurayku cheqanpaj qhawasqa kayta tukuy munajkunaqa maldicisqa kanku, imaraykuchus Diospa Qhelqachisqanpi nin: Pichus Diospa qhelqachisqan kamachisqakunamanta tukuyninta mana junt'ajqa maldicisqamin, nispa.

Qheshwa Biblia DC

¹⁰ Moisespa leynimpi confiajkunaqa maldicisqas kanku. Escribisqaman jina, imachus leypa librompi escribisqa kashan chayta, mana pipis junt'ajqa, maldicisqa kanqa.

DIOSPA QHELQACHISQAN DEUTEROCANONICAL

¹⁰ Chaywanpis Moisespa kamachisqanta kasusqankurayku cheqanpaj qhawasqa kayta tukuy munajkunaqa maldicisqa kanku, imaraykuchus Diospa Qhelqachisqanpi nin: Pichus Diospa qhelqachisqan kamachisqakunamanta tukuyninta mana junt'ajqa maldicisqamin, nispa.

Quechua South Bolivia: Dios Parlapawanchej

¹⁰ Camachiskasta ruwaskancunejta chekanchaska cayta yuyajcunatarí tucuynincuta sinch'ita phiñacuspa Dios juchachan manapuni junt'ayta atiskancuraycu. Palabranpi ninmin: “Tucuy camachiskasninta tucuyninta mana junt'ajka juchachaskamin”.

Gálatas 3:10 Referans Kwoze

Deuteronomio 27:26

Chantá nillanqankutaj: Maldicisqa kachun pichus Diospa kay tukuy nisqanta mana kasojqa, nitaj ruwajqa, nispa. Tukuy israelitakunataj nenqanku: Ajina kachun, nispa.

Romanos 8:7

Pikunachus juchallinaman aysaj sonqonkoj munasqanta kasojkunaqa Diospa contranpi kashanku, imaraykuchus Diospa kamachisqanta mana kasuyta munankuchu nitaj kasuyta atinkuchu.

Jeremías 11:3

Noqa israelitakunaj Tata Diosnin nini: Kay trato ruwasqata mana junt'ajqa maldicisqa kachun.

Romanos 6:23

Juchaqa pagota jina wañuyta qon. Diostajrí Tukuyta Kamachej Jesucristonejta wiñay kawsayta qhasilla qon.

Romanos 4:15

Diospa kamachisqankunata pipis p'akejtin, Dios payta jasut'in. Kamachisqa mana kanmanchu chayrí, kamachisqata p'akisqanmanta mana pipis juchachasqa kanmanchu.

Gálatas 2:16

Chaywanpis yachayku runaqa mana Moisespa kamachisqankunata junt'aspachu cheqan runapaj qhawasqa kasqanta, manachayqa Jesucristopi atinikusqanraykulla. Noqaykupis Cristopi atinikorqayku, paypi atinikusqaykuraykutaj Diospa ñawpaqenpi cheqan runapaj qhawasqa kayku, manataj kamachisqakunata junt'asqaykuraykuchu. Mana pipis kamachisqakunata junt'asqanrayku Diospa ñawpaqenpi cheqan runapaj qhawasqa kayta atenqachu.

Ezequiel 18:4

Noqajtamin tukuy runakuna kanku, tatapis, jinallataj wawapis. Noqataj kayta nini: Pichus juchallejqa, chaymin wañonqapuni, nispa.

Deuteronomio 29:20

20 (19) Tata Diosqa chay runaj juchanta mana pampachayta munanqachu, manachayqa k'arajta chay runaj contranta phiñakonqa. Kay qhelqapi qhelqasqa kaj tukuy llakiykunataj patanpi kanqa. Ajinata ruwaspa, Tata Diosqa chay runaj sutinta kay pachamanta chinkachenqa.

San Mateo 25:41

Chantá Kuraj Kamachejqa lloq'enpi kajkunatañataj nenqa: Qankunaqa millayta ruwaj kankichej. Chayrayku kaymanta wiñaypaj nina lawrayman riychej, mayqenchus wakichisqa kashan Kuraj Supaypaj, chantá angelninkunapaj ima, chayman.

Isaías 43:28

Sacerdoteykikuna Temployta pisipaj qhawasqankurayku p'enqaypi rikhurichisaj. Jacobpa aylluntaqa chinkarparichisqa kananpaj churasaj, Israel ayllutataj p'enqayta qhesachasqa kananpaj churallasajtaj.

Génesis 4:11

Chayrayku qanqa maldicisqa kanki, jinataj maypichus wawqeykej yawarninta jich'arqanki, chay jallp'amanta wijch'usqa kanki.

2 Corintios 3:7

Rumipi ch'eqosqa kamachisqaqa runata wañuchisqa kananpaj juchacharqa chaypis, Diospa jatun kayninpa lliphipiyninwan jamorqa. Chayrayku israelitakunapis Moisespa uyanta mana qhawariyta aterqankuchu, uyan anchata lliphipishasqanrayku. Chaywanpis, chay k'anchayqa pisimanta pisi chharpuyasharqa.

Jeremías 32:23

Paykunataj qosqayki jallp'aman yaykuspa, dueñochakorqanku. Chaywanpis mana kasusorqankuchu nitaj kamachisqaykita junt'arqankuchu. Manallataj paykuna kamachisqaykita ruwarqankuchu. Chayraykumin kay tukuy ñak'ariykunata paykunaman kachaykamorqanki.