Gálatas 3:1 - DIOSPA QHELQACHISQ

¹ Galaciapi kaj wawqe panakuna, qankuna wampu kankichej. Pitaj layqaykusorqachej cheqa kajta mana kasunaykichejpajri? Noqa Jesucristoj wañusqan ima niytachus munasqanta qankunaman sumajta sut'incharqaykichej, kikin ñawiykichejwanpis Jesucristo cruzpi chakatasqa wañushajta rikushawajchej jina.

Qheshwa Biblia DC

¹ Ya, mana yuyayniyoj Gálatas! Pitaj ch'aukiyasorqachej cheqa kajta mana kasunaykichejpajri? Qankuna ukhupi ñawiykichej rikushajtin, sut'ita Jesucristoj chakatakusqanmanta willarqayku.

DIOSPA QHELQACHISQAN DEUTEROCANONICAL

¹ Galaciapi kaj wawqe panakuna, qankuna wampu kankichej. Pitaj layqaykusorqachej cheqa kajta mana kasunaykichejpajri? Noqa Jesucristoj wañusqan ima niytachus munasqanta qankunaman sumajta sut'incharqaykichej, kikin ñawiykichejwanpis Jesucristo cruzpi chakatasqa wañushajta rikushawajchej jina.

Quechua South Bolivia: Dios Parlapawanchej

¹ ¡Ay, mana reparayta atej Galacia jallp'api hermanos! Nokaycu kancuna chaupipi sut'ita willararkaycu Jesucristo chacataska caskanta. Chanta ¿pitaj musphachispa pantachisorkachej cheka cajta mana casunayquichejpaj?

Gálatas 3:1 Referans Kwoze

2 Corintios 11:3

Jinapis kharkani qankunaqa Cristomanta ch'uwa sonqo kaywan yuyasqaykichejmanta pantachisqa kanaykichejta, imaynatachus kataripis Evata q'otiyarqa, ajinata.

Apocalipsis 2:20

Chaywanpis kayta niyki: Qanqa Jezabel sutiyoj warmita, pichus Diosmanta sut'inchaj kasqanta nin, chay warmej millay yachachisqanta qhawakushallanki. Chay warmeqa noqata qhatiwajkunaman yachachin khuchichakuyta atillasqankuta, chantá lantikunaman jaywasqa mikhunatapis mikhuyta atisqankuta ima.

Gálatas 1:6

Noqa t'ukuni chay jina usqhayta Diosmanta karunchakusqaykichejta yachaspa, pichus Cristoj khuyakuyninrayku wajyasorqachej, chaymanta, waj jina sumaj willayta qhatinaykichejpaj.

1 Pedro 4:17

Diospa juicion p'unchay chayamunña, paytaj noqanchej aylluntaraj ñawpajta juzgawasunchej. Dioschus ayllunta juzgayta qallarin chayqa, Jesucristomanta sumaj willayta mana jap'ikuyta munajkunawan, imataj kanqari?

2 Pedro 2:18

Chaykuna paykunamanta manchayllata parlanku, parlasqankurí qhasi manakaj. Chantá paykuna pikunachus kunallanraj pantasqa purinamanta ñak'ayllata ayqekojkunata yuyaychanku munasqankuman jina purispa juchallinaman kutirinankuta.

Hebreos 11:8

Diospi atinikusqanrayku Abrahampis Diospa nisqanta kasorqa. Chayrayku llajtanta saqespa llojserqa, Dios qonanta nerqa, chay jallp'aman rinanpaj, mana yachaspalla maymanchus chayananta.

Efesios 4:14

Ajina kajtin, manaña wawa jinachu kasunchej, waj jinata yachachejkunawan wayrawan jina kayman jaqayman apaykachachikuspa. Mana jasallata apachikusunchejchu, pikunachus q'otiyanankupaj llullakushasqankuta misk'i simiwan sumajta pakanku, chaykunawan.

Gálatas 4:9

Kunantajrí Diosta rejsinkichejña, chayrí Diospa rejsikapusqan kankichej. Chayrayku mana yachayta atinichu imaraykuchus Diosman churanakojkunaj yuyasqankuman jina purinapi wata runa jina watej kayta munasqaykichejta. Chay runakunaj yuyasqankoqa runata yanapananpaj mana atiyniyojchu, nitaj imapajpis valenchu.

Gálatas 3:3

Chay jina mana yuyayniyojchu kankichej? Qankuna Santo Espíritoj yanapasqan mosoj kawsayta qallarerqankichej. Kunantajrí Moisespa kamachisqanta junt'ayta munaspachu Diospa sonqonta kusichiyta munashankichej?

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

Hebreos 5:9

Ajinamanta Cristo Diospa tukuy kamachisqanta junt'asqanrayku, Dios payta churarqa ajinamanta payta kasojkunaman wiñay kawsayta qonanpaj.

Efesios 5:15

Chayrayku imaynatachus purishasqaykichejta allinta qhawakuychej. Amaña wampu jinaqa kawsaychejchu, manachayqa yuyayniyojkuna jina.

1 Timoteo 6:4

chay runa mana imata yachaspalla runaykachan. Chay jina runaqa wañurin tapunakuymanta, imallamantapis churanakuymantawan. Chaykunarí chhoqonakuyta apamun, t'aqanakuyta, turiyanakuyta, chantá manakajta yuyaytapis.

Gálatas 2:14

Noqa maypachachus Jesuspa cheqa kaj sumaj willayninman jina mana allinta purisqankuta rikorqani, chaypacha tukuypa ñawpaqenpi Pedrota k'amerqani: Qan judío kashaspapis, mana judío jina purinki. Sichus mana judío jina purinki chayqa, imaraykutaj mana judío kajkunata kunan kamachinki judiokunaj usunkuta ruwanankutari? nispa.

1 Corintios 11:26

Ajina ari, qankunapis sapa kuti kay t'antata mikhuspa, kay copamanta ujyaspataj, Tukuyta Kamachej Jesús wañusqanmanta willankichej pay kutimunankama.

1 Corintios 2:2

Manachayqa qankunawan kashaspa, Jesucristollamanta parlanayta nerqani, astawanqa cruzpi wañusqanmanta.

Romanos 6:17

Ñawpajta juchaj wata runan karqankichej. Kunantajrí, Diosta pachis ninachej, imaraykuchus tukuy sonqowan imatachus yachachisqaykuta kasukushankichej.

Romanos 2:8

Churanakojkunata, cheqan kajta mana kasojkunata, millay kajta ruwajkunata imarí, Diosqa k'araj phiñakuyninwan jasut'enqa.

Hechos 6:7

Ajinamanta tukuynejpi runakuna Diospa Simi nisqanta uyarerqanku. Jinataj Jerusalén llajtapi Jesusta qhatikojkunaman ashkha yapakusharqanku. Jinallataj sacerdotekunamanta ashkha Jesucristopi atinikuspa, payman kutirikorqanku.

Apocalipsis 18:3

Kay pachapi tukuy suyumanta runakuna chay phisu warmi jina Babilonia llajtawan khuchichakuspa machaykorqanku. Kay pachapi kuraj kamachejkunapis paywan khuchichakullarqankutaj, qhatojkunataj qhapajyarqanku, imajtinchus pay sonqonpa tukuy munasqanta rantikorqa, nispa.

2 Tesalonicenses 1:8

Payqa Diosman mana kutirikojkunata, jinataj Tukuyta Kamachej Jesusmanta sumaj willayta mana jap'ikojkunata jasut'enqa.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

2 Corintios 10:5

Noqayku phiriyku, pikunachus may kasqankuta yuyakuspa wajkunata jark'anku Diosta ama rejsinankupaj, chaykunaj pantasqa yachachisqankuta. Jinallataj Diospa contranpi yuyasqanku pantasqa kasqanta rikuchispa, paykunaman Cristota kasuyta yachachiyku.

1 Samuel 13:13

Chantá Samuel Saulman kuticherqa: Chaytaqa wampu jina ruwanki. Sichus Tata Diospa kamachisqanta kasuwaj karqa chayqa, payqa qanman, jinataj mirayniykiman ima Israel suyuta kamachinaykichejpaj wiñaypaj qosunkichejman karqa.

Romanos 10:16

Chaywanpis mana tukuychu sumaj willayta jap'ikorqanku. Chayrayku Isaías nerqa: Tukuyta Kamachej Dios, pitaj chay willasqaykuta jap'ikorqari? nispa.

Deuteronomio 32:6

Wampu runakuna, mana yachayniyojkuna, ajinatachu Tata Diosmanqa pagankichej? Manachu payqa tataykichej, ruwasojniykichejtaj? Paymin qankunata ruwasorqachej, kawsaytataj qosorqachej.

San Lucas 24:25

Chantá Jesús nerqa: Ay, chay jina wampu kanaykichejri? Imaraykutaj Diosmanta sut'inchajkunaj tukuy nisqanta mana jap'ikunkichejchuri?

San Mateo 24:24

Ajinamanta llullakuspa: Cristo kani, nispa nejkuna rikhurimonqanku, mana cheqanta sunt'inchajkuna ima. Paykunataj runaj mana jayk'aj rikusqan t'ukunakunata ruwaspa, runakunata pantachenqanku. Atispaqa, Diospa ajllakusqankunatapis pantachinkuman.

San Mateo 7:26

Sichus pipis yachachisqayta uyarispa mana kasun chayrí, payqa mana yuyayniyoj runaman rijch'akun, pichus t'iyu patapi wasichakojman.

Hechos 16:6

Pablowan, Silaswan, Timoteowan ima chay qhepata Frigianta, Galacianta rishajtinku, Santo Espíritu paykunata jark'arqa ama Asia suyupi Jesusmanta sumaj willayta willanankupaj.

Gálatas 1:2

Noqawan kashaj tukuy wawqe panakunapis Galaciapi kaj iglesiakunaman napaykamuyku.

Gálatas 5:11

Wawqe panakuna, sichus noqa yachachiymanraj circuncidachikunapuni kasqanta chayqa, imaraykutaj judiokuna chejnispa qhatiykachallawankupuniri? Chaytachus yachachiyman chayqa, Cristo cruzpi wañusqanmanta parlasqayqa runata mana phiñachinmanchu.