Gálatas 2:9 - DIOSPA QHELQACHISQ

⁹ Santiago, Pedro, Juan ima Jerusalén iglesiapi kurajpaj qhawasqa karqanku. Chantá paykuna Diospa qhasilla k'acha yanapayninrayku willanaykupaj atiyta qowasqaykuta repararqanku. Chayrayku noqata, Bernabetawan tukuy sonqo q'apiriwarqayku, paykunawan uj yuyaylla kasqaykuta rejsichinankupaj. Jinaspataj, mana judío kajkunaman willaj rinaykuta niwarqayku, paykunataj judiokunaman.

Qheshwa Biblia DC

⁹ Chayrayku kurajkuna, Santiago, Pedro, Juan ima, noqaman Bernabemanwan willana qosqa kasqanta yachaspa, paña makinkuta jaywawarqayku uj yuyaylla kanaykupaj, noqayku gentilesman evangeliota willaj rinaykupaj, paykunataj judiosman.

DIOSPA QHELQACHISQAN DEUTEROCANONICAL

⁹ Santiago, Pedro, Juan ima Jerusalén iglesiapi kurajpaj qhawasqa karqanku. Chantá paykuna Diospa qhasilla k'acha yanapayninrayku willanaykupaj atiyta qowasqaykuta repararqanku. Chayrayku noqata, Bernabetawan tukuy sonqo q'apiriwarqayku, paykunawan uj yuyaylla kasqaykuta rejsichinankupaj. Jinaspataj, mana judío kajkunaman willaj rinaykuta niwarqayku, paykunataj judiokunaman.

Quechua South Bolivia: Dios Parlapawanchej

⁹ Jesuspi jap'icoj hermanos Jacobotawan Pedrotawan Juantawan curajnincupaj rejserkancu. Paycunataj rejsispa Dios qhuyacuyninpi chay atiyta kowaskanta nokata Bernabetawan jap'iwarkaycu sumaj willanasta willaraj-masistajina. Jaywawarkaycutaj paña maquincuta ricuchinancupaj rejsiskas caskaycuta rinaycupaj waj llajtayojcunaman, paycunataj rinancupaj israelcunaman.

Gálatas 2:9 Referans Kwoze

Romanos 12:3

Dios k'acha kayninpi kay ruwanata qowasqanrayku, noqa sapa ujniykichejta niykichej: Ama qankuna may sumaj kasqaykichejta yuyakuychejchu. Manachayqa sapa uj paymanta maychus kasqallanta yuyachun, imaynatachus Dios sapa ujman atiyta qosqanman jina.

Apocalipsis 3:12

Jinataj tukuy atipajkunataqa Diosniypa Templonpi sayanta jina kanankuta ruwasaj, manataj jayk'ajpis chaymanta kuyurichisqachu kanqanku. Jinallataj noqaqa Diosniypa sutinta paykunapi qhelqasaj, Diosniypa llajtanpa sutintawan ima. Chayqa mosoj Jerusalén, mayqenchus janaj pachamanta, chantá Diosniymanta ima urayk'amonqa, chay. Mosoj sutiytapis paypi qhelqallasajtaj.

Gálatas 2:2

Chayman rerqani Diospa sut'inchawasqanta kasuspa. Chantá chaypi kurajkunaman sut'incharqani Jesucristoj sumaj willayninmanta mana judío kajkunaman imaynatachus willashasqayta. Chayta paykunallaman sut'incharqani willasqay ama qhasi kananpaj.

Romanos 1:5

Noqaqa Jesucristonejta Diospa kachan kanaypaj ajllasqa kani, tukuy suyupi runakunaman willarajtiy, paypi creenankupaj, jinataj payta kasunankupaj.

1 Juan 1:3

Ajinaqa imatachus rikusqaykuta, chantá uyarisqaykuta ima qankunaman willayku, qankuna uj sonqolla noqaykuwan kanaykichejpaj, imaynatachus noqaykupis Tata Dioswan, chantá Churin Jesucristowan uj sonqolla kayku, ajinata.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

1 Timoteo 3:15

Ajinamanta sichus kaypi qhepakullasajraj chayqa, yachanki imaynatachus Diospa ayllun ukhupi purinayki kasqanta. Chay aylloqa kawsashaj Diospa Iglesian, mayqenchus cheqa kajta waqaychan, sinch'itataj sayachin, chay.

Colosenses 1:29

Chaypajmin Cristoj atiyninpi atinikuspa, tukuy sonqoywan sinch'ita ruwashani. Cristoj atiynintaj noqapi sinch'ita llank'ashan.

Efesios 2:20

Iglesiamanta tukuy kajkunaqa uj wasi jina kanchej, chay wasitaj Jesuspa kuraj kachankunaj, jinataj Diosmanta sut'inchajkunaj yachachisqankupi sayachisqa kashan. Chay wasej sumaj esquina rumintaj Jesucristomin.

2 Corintios 8:4

Paykuna kutin kutinta mañarikuwarqayku tantasqanku qolqeta jap'inaykuta, Jerusalén llajtapi kaj wawqe panakunaman apanaykupaj.

1 Corintios 15:10

Chaywanpis, Diospa qhasilla k'acha yanapayninrayku Jesuspa kachan kani. Chay k'acha yanapaynintaj noqapaj mana qhasipajchu karqa, imajtinchus tukuy kuraj kachakunamanta nisqaqa noqa astawan Diospaj llank'arqani. Chaywanpis mana kallpallaywanchu llank'arqani, aswanpis Dios noqanejta k'acha yanapayninwan yanapawasqanrayku llank'arqa.

Romanos 15:15

Chayrayku noqa mana manchachikuspa qhelqamuykichej qankunata yuyarichinaypaj imatachus yachankichejña, chaymanta. Diosmin qhasilla k'acha yanapayninrayku noqata churawarqa

Hechos 15:13

Paykuna parlayta tukojtinkutaj, Santiago sayarispa nerqa: Wawqekuna, uyariwaychej:

Hechos 15:7

Anchataña churanakojtinkutaj, Pedro sayarispa, nerqa: Wawqekuna, yachankichej imaynatachus unay qankuna ukhumanta Dios ajllawasqanta mana judío kajkunaman Jesusmanta sumaj willayta willanaypaj, paykunapis Jesuspi atinikunankupaj.

Hechos 4:36

Jinaqa paykuna ukhupi karqa Leví jatun ayllumanta José sutiyoj uj runa, paytaj Chipre churumanta karqa. Jesuspa kuraj kachankuna payta sutichasqanku Bernabé, nispa. Chay niyta munan Sonqochaj.

San Mateo 16:18

Noqataj niyki: Qanqa Pedro kanki, kay chhanka patapitaj iglesiayta sayarichisaj. Ukhu pachaj atiyninpis mana iglesiaytaqa atipayta atenqachu.

2 Reyes 10:15

Chaymanta ripuspa, Jehuqa Recabpa churin Jonadabwanñataj tinkukorqa. Jonadabqa Jehuta watukoj jamushasqa. Chantá Jehú napaykuspa, nerqa: Qanqa noqapaj allin sonqochu kashanki, imaynachus noqa qanpaj allin sonqo kashani, ajinata? nispa. Jonadabtaj nerqa: Arí, ajinapuni kashan, nispa. Chantá Jehú nerqa: Jina kajtenqa, q'apiriway, nispa. Jonadabtaj Jehuta q'apiykurerqa. Chantá Jehuqa Jonadabta carretanpi pusarqa.

San Lucas 22:8

Chantá Jesusqa Pedrota, Juantawan kachaspa, nerqa: Rispa, Pascua mikhunata wakichimuychej, khuska mikhunanchejpaj, nispa.

San Juan 1:42

Chaymantá Andresqa Simonta Jesusman pusamorqa. Jesusrí payta allinta qhawarispa, nerqa: Qanqa Jonaspa churin Simón kanki. Kunanmantarí sutiykeqa Cefas kanqa, nispa. Arameo rimaypi Cefas ninku, griego rimaypitaj Pedro.

Hechos 12:17

Pedrotaj makinwan señata ruwaspa, paykunata ch'inyacherqa. Chantá paykunaman willarqa imaynatachus Tukuyta Kamachej Jesús carcelmanta payta orqhochimusqanta. Nerqataj: Kay tukuy imamanta Santiagoman willamuychej, wawqe panakunaman ima, nispa. Chaymanta llojsispataj, wajnejman riporqa.

2 Corintios 11:5

Chaywanpis noqaqa mana aswan pisichu kasqayta yuyani, chay pikunachus Jesuspa may sumaj kuraj kachankuna kasqankuta yuyanku, chaykunamanta nisqaqa.

2 Corintios 12:11

Noqa kikiymanta parlaspaqa, mana yuyayniypichu kashaymanpis jina parlarqani. Chaytarí qankunallataj parlachiwarqankichej. Mana imachu kani chaypis, noqaqa mana imapipis aswan pisichu kani, pikunachus yuyakunku Jesucristoj may sumaj kuraj kachankuna kasqankuta, chaykunamanta nisqaqa. Chayrayku qankunamin noqata jatunchanawaykichej karqa.

Gálatas 1:16

Diosqa Churinta rejsichiwayta munarqa, mana judiokuna ukhupi paymanta willanaypaj. Ajina kajtin, noqaqa mana pipis yuyaychanawanta mask'arqanichu.

Gálatas 1:18

Chantá kinsa watanman jina Jerusalenman rerqani Pedrota rejsiyta munaspa, paywantaj chunka phishqayoj p'unchayta karqani.

Gálatas 2:1

Chantá chunka tawayoj watamanta noqa ujtawan Jerusalenman rillarqanitaj Bernabeta, Titotawan pusariykukuspa.

Gálatas 6:3

Sichus ujkunata yanapanaykipaj aswan kasqaykita yuyakunki chayqa, qan kikiykita q'otiyakushanki.