Gálatas 2:7 - DIOSPA QHELQACHISQ

⁷ Aswanpis paykuna repararqanku mana judío kajkunaman Jesuspa sumaj willayninmanta willanaypaj churasqa kasqayta, imaynatachus Pedropis judiokunaman sumaj willaymanta willananpaj churasqa karqa, ajinata.

Qheshwa Biblia DC

⁷ Astawanqa manaraj paykunaman willashajtiy, yacharqanku gentilesman evangeliota willanay kasqanta; imaynatachus Pedropis kamachisqa karqa judiosman evangeliota willanampaj.

DIOSPA QHELQACHISQAN DEUTEROCANONICAL

⁷ Aswanpis paykuna repararqanku mana judío kajkunaman Jesuspa sumaj willayninmanta willanaypaj churasqa kasqayta, imaynatachus Pedropis judiokunaman sumaj willaymanta willananpaj churasqa karqa, ajinata.

Quechua South Bolivia: Dios Parlapawanchej

⁷ Astawanpis curajcuna repararkancu Dios nokata churawaskanta waj llajtayojcunaman sumaj willanasta willaranaypaj; Pedrotapis Dios churaskanta israelcunaman sumaj willanasta willarananpaj.

Gálatas 2:7 Referans Kwoze

Hechos 9:15

Tukuyta Kamachej Jesustaj nerqa: Rillay, imaraykuchus noqaqa payta ajllakuni kamachiy kananpaj, noqamanta willananpaj mana judío kajkunaman, kuraj kamachejkunaman, jinallatataj israelitakunamanpis.

1 Timoteo 2:7

Noqataj chaymanta willanaypaj Jesuspa kuraj kachan churasqa kani, jinallataj mana judío kajkunaman Jesuspi atinikunamanta, chantá cheqa kajmanta ima yachachinaypaj. Ajinata nispaqa, cheqanta nini, manataj llullakushanichu.

1 Tesalonicenses 2:4

Aswanpis Diosqa noqaykuta allinpaj qhawaspa Jesusmanta sumaj willayta willanaykuta kamachiwarqayku, chayraykutaj chayta ruwayku. Mana runamanchu allin rijch'ayta munayku, manachayqa Diosman, pichus sonqoykuta rejsin, chayman.

Gálatas 1:16

Diosqa Churinta rejsichiwayta munarqa, mana judiokuna ukhupi paymanta willanaypaj. Ajina kajtin, noqaqa mana pipis yuyaychanawanta mask'arqanichu.

2 Timoteo 1:11

Diostaj noqata churawarqa, Jesuspa kuraj kachan kaspa, chay sumaj willayta willanaypaj, chantá yachachinaypaj ima.

1 Timoteo 1:11

Chay cheqan yachachiyta willanaypaj may yupaychasqa Diosninchej noqata churawarqa, Jesucristomanta jatunchasqa sumaj willayman jina.

Gálatas 2:9

Santiago, Pedro, Juan ima Jerusalén iglesiapi kurajpaj qhawasqa karqanku. Chantá paykuna Diospa qhasilla k'acha yanapayninrayku willanaykupaj atiyta qowasqaykuta repararqanku. Chayrayku noqata, Bernabetawan tukuy sonqo q'apiriwarqayku, paykunawan uj yuyaylla kasqaykuta rejsichinankupaj. Jinaspataj, mana judío kajkunaman willaj rinaykuta niwarqayku, paykunataj judiokunaman.

2 Pedro 3:15

Chantá yuyarikuychej, Tukuyta Kamachej Jesucristonchejpa paciencianqa tukuy runakuna qhespichisqa kananchejpaj kasqanta. Chayllatataj nispa, munasqa wawqenchej Pablopis cartata apachimusorqachej, Dios payman yachayta qosqanman jina.

1 Corintios 9:17

Munasqayraykullachus willarayman chayqa, pagachikuyta atiyman. Chaywanpis kamachiwasqanta junt'anayrayku willarashani, imaraykuchus Dios willaranayta kamachiwarqa.

Hechos 28:28

Jinapi Pabloqa nillarqataj: Kunan qankuna kayta yachaychej: Dios imaynatachus runakunata qhespichinanmanta mana judío kajkunamanpis willakonqa, paykunataj uyarenqanku, nispa.

Hechos 18:6

Paykunarí Pabloj contranpi oqharikuspa, Diospa contranta rimaspa ima churanakojtinku, Pabloqa ñawpaqenkupi p'achanta thalarakorqa mana allinta ruwasqankuta yachayta qospa. Paykunamantaj nerqa: Dios jasut'isojtiykichejqa, noqaqa mana juchayojchu kasaj. Kunanmantapacha mana judío kajkunaman yachachej risaj, nispa.

Hechos 15:12

Chantá Pedroj nisqanta uyariytawan, tukuyninku ch'inyakorqanku, uyarinankupaj Bernabewan Pablowan imatachus willanankuta. Paykunataj willarqanku imaynatachus Dios paykunanejta runaj mana jayk'aj rikusqanta, may t'ukuna imakunata ima ruwasqanta mana judío kajkuna ukhupi.

Romanos 11:13

Qankuna mana judío kajkunaman kayta niyta munaykichej. Qankunapaj Jesuspa kachan kasqayrayku, Diospaj ruwanaytaqa maypaj qhawani.

Romanos 1:5

Noqaqa Jesucristonejta Diospa kachan kanaypaj ajllasqa kani, tukuy suyupi runakunaman willarajtiy, paypi creenankupaj, jinataj payta kasunankupaj.

Gálatas 1:6

Noqa t'ukuni chay jina usqhayta Diosmanta karunchakusqaykichejta yachaspa, pichus Cristoj khuyakuyninrayku wajyasorqachej, chaymanta, waj jina sumaj willayta qhatinaykichejpaj.

Gálatas 1:18

Chantá kinsa watanman jina Jerusalenman rerqani Pedrota rejsiyta munaspa, paywantaj chunka phishqayoj p'unchayta karqani.

Gálatas 2:11

Chantá Pedro Antioquía llajtaman jamojtin, uyanpi niporqani, imaraykuchus paypa ruwasqan nipuni allinchu karqa.

Gálatas 2:14

Noqa maypachachus Jesuspa cheqa kaj sumaj willayninman jina mana allinta purisqankuta rikorqani, chaypacha tukuypa ñawpaqenpi Pedrota k'amerqani: Qan judío kashaspapis, mana judío jina purinki. Sichus mana judío jina purinki chayqa, imaraykutaj mana judío kajkunata kunan kamachinki judiokunaj usunkuta ruwanankutari? nispa.