Gálatas 2:21 - DIOSPA QHELQACHISQ

²¹ Jinallataj noqa Diospa qhasilla k'acha yanapayninta mana qhesachanichu. Sichus Moisespa kamachisqanta junt'aspa cheqan runapaj qhawasqa kayta atisunman karqa chayqa, Cristo qhasi manakajta wañunman karqa.

Qheshwa Biblia DC

²¹ Diospa khuyakuynintaqa mana qhesachanichu. Sichus leynejta mana juchayoj rikhuriykuman chayqa, qhasi mana kajpaj Cristoqa wañorqa.

DIOSPA QHELQACHISQAN DEUTEROCANONICAL

²¹ Jinallataj noqa Diospa qhasilla k'acha yanapayninta mana qhesachanichu. Sichus Moisespa kamachisqanta junt'aspa cheqan runapaj qhawasqa kayta atisunman karqa chayqa, Cristo qhasi manakajta wañunman karqa.

Quechua South Bolivia: Dios Parlapawanchej

²¹ Diospa c'acha yanapaynintaka atiyniyojta khawani. Camachiskasta ruwaynejtachus Dios runata chekanpaj khawanman chayka, Cristoka khasillatamin wañorka.

Gálatas 2:21 Referans Kwoze

Romanos 11:6

Paykunaqa Diospa qhasilla k'acha yanapayninrayku ajllasqa karqanku, mana imata ruwasqankuraykuchu. Manachus jina kanman karqa chayqa, Diospa qhasilla k'acha yanapaynenqa manaña qhasillachu kanman.

Gálatas 3:21

Jina chayqa, yuyasunmanchu Moisesnejta qosqa kamachisqaqa Diospa qosaj nisqanpa contranpi kasqanta? Ni imarayku. Sichus pipis kamachisqata junt'aspa wiñay kawsayta jap'iyta atinman karqa chayqa, cheqan runapaj qhawasqa kanaqa kamachisqata junt'asqanejta kanman karqa.

Hebreos 7:11

Diosqa kamachisqankunata israelitakunaman qorqa, yuyaspa Leví ayllumanta sacerdotekuna israelitakunata yanapanankuta nisqanta junt'anankupaj. Sichus Leví ayllumanta sacerdotekunanejta runakuna Diospa tukuy mañasqanta junt'ayta atinkuman karqa chayqa, waj sacerdote rikhurimunan manaña necesariochu kanman karqa. Chayrayku chay sacerdote mana Aaronpa t'aqanmantachu kanan karqa, manachayqa Melquisedecpa t'aqanmanta.

1 Corintios 15:14

Cristochus mana kawsarimporqa chayrí, willasqaykoqa qhasi manakaj, qhasi manakajllataj paypi atinikusqaykichejpis.

Gálatas 2:16

Chaywanpis yachayku runaqa mana Moisespa kamachisqankunata junt'aspachu cheqan runapaj qhawasqa kasqanta, manachayqa Jesucristopi atinikusqanraykulla. Noqaykupis Cristopi atinikorqayku, paypi atinikusqaykuraykutaj Diospa ñawpaqenpi cheqan runapaj qhawasqa kayku, manataj kamachisqakunata junt'asqaykuraykuchu. Mana pipis kamachisqakunata junt'asqanrayku Diospa ñawpaqenpi cheqan runapaj qhawasqa kayta atenqachu.

Romanos 10:3

Manallataj yachankuchu Diosqa imaynatachus runata cheqanpaj qhawasqanta. Manachayqa paykuna yuyasqankuman jinalla cheqanpaj qhawasqa kayta mask'arqanku. Ajinamanta imatachus Dios wakicherqa cheqan runapaj qhawasqa kananchejpaj, chayta qhesacharqanku.

Isaías 49:4

Noqatajrí nerqani: Ruwasqayqa qhasi manakajlla, kallpaytapis qhasi manakajllata usucherqani, nispa. Chaywanpis imachus ruwasqayqa Tata Diospa makillanpi kashan, payllataj ruwasqaymanta t'inkata qowanqa.

1 Corintios 15:2

Chay sumaj willaynejta qhespichisqa kankichej, sichus willasqaymanta jap'ikuspa, sinch'ita sayashankichej chayqa. Mana jina chayrí, sumaj willayta jap'ikusqaykichej qhasillapaj kanman.

Gálatas 2:18

Noqaqa kamachisqakunata junt'aspa Diospa ñawpaqenpi cheqan runapaj qhawasqa kayta qhesacharqani. Chaywanpis sichus watej kamachisqakunata junt'aj churakuyman chayqa, juchayoj kasqayta nishayman.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

Marcos 7:9

Kayta ruwaspa, Diospa kamachisqanta qhesachankichej, ñawpa tataykichejkunaj yachachisqankuta ruwanaykichejpaj:

Salmos 33:10

Tata Diosqa suyukunaj wakichikusqankuta manakajman tukuchin. Diosta mana manchachikoj runakunaj yuyasqankutapis chawarachin.

1 Corintios 15:17

Cristochus mana kawsarimporqa chayqa, Diospi atinikusqaykichejpis qhasi manakaj. Ajinaqa, manallataj juchaykichej pampachasqarajchu.

Jeremías 8:8

Imaynatataj qankuna niwajchej: Yachayniyoj kayku, imaraykuchus Tata Diospa kamachisqankuna qhelqasqa tiyapuwayku, nispari? Chay kamachisqakunata yachachejkuna yapaykuspa qhelqanku, manataj maychus kajta yachachinkuchu.

Romanos 4:25

Jesucristomin juchanchejrayku wañunanpaj jaywaykusqa karqa, jinataj cheqan runapaj qhawasqa kananchejpaj kawsarichisqa karqa.