Gálatas 2:12 - DIOSPA QHELQACHISQ

¹² Santiagoj kachasqankuna manaraj jamushajtinku, Pedroqa mana judío kajkunawan khuska mikhoj. Chayamojtinkutajrí, manaña mana judío kajkunawan mikhorqachu. Aswanpis Santiagoj kachasqankunata manchachikuspa, mana judío kajkunamanta t'aqakorqa.

DIOSPA QHELQACHISQAN DEUTEROCANONICAL

¹² Santiagoj kachasqankuna manaraj jamushajtinku, Pedroqa mana judío kajkunawan khuska mikhoj. Chayamojtinkutajrí, manaña mana judío kajkunawan mikhorqachu. Aswanpis Santiagoj kachasqankunata manchachikuspa, mana judío kajkunamanta t'aqakorqa.

Quechua South Bolivia: Dios Parlapawanchej

¹² Jacoboj sutinpi jamojcuna manaraj chayamushajtincu payka waj llajtayoj hermanoswan miqhoj. Chayamojtincurí allillamanta waj llajtayoj hermanosmanta t'akacapoj, israel parteruwajcunata manchachicuskanraycu.

Gálatas 2:12 Referans Kwoze

Hechos 10:28

Pedrotaj paykunata nerqa: Qankuna yachankichej jina, noqayku judiokuna mana tantakuyta atiykuchu mana judío kajkunawanqa. Kunanrí, Dios yachachiwan ama pitapis ch'ichipaj nitaj pisipaj qhawanayta.

San Lucas 15:2

Chayrayku fariseokunawan, Diospa kamachisqanmanta yachachejkunawan ima thutuspa, nisharqanku: Kay runaqa juchasapakunawan kawsakun, paykunawantaj mikhun, nispa.

Efesios 3:6

Chay pakasqa wakichisqaqa kaymin: Jesucristoj sumaj willayninnejta mana judío kajkuna judiokunawan khuska qhespichisqa kanata jap'inkichej. Jinallataj judiokunawan uj ayllulla kankichej, chantá Dios imatachus qonanta nisqanta jap'illankichejtaj Jesucristoman ujchasqa kasqaykichejrayku.

Gálatas 2:9

Santiago, Pedro, Juan ima Jerusalén iglesiapi kurajpaj qhawasqa karqanku. Chantá paykuna Diospa qhasilla k'acha yanapayninrayku willanaykupaj atiyta qowasqaykuta repararqanku. Chayrayku noqata, Bernabetawan tukuy sonqo q'apiriwarqayku, paykunawan uj yuyaylla kasqaykuta rejsichinankupaj. Jinaspataj, mana judío kajkunaman willaj rinaykuta niwarqayku, paykunataj judiokunaman.

1 Tesalonicenses 5:22

Tukuy mana allin kajmantarí karunchakuychej.

Efesios 2:15

Cristo wañusqanwan Moisespa kamachisqankunata tukuychayninman churarqa. Jinataj paymin judiokunata, mana judiokunata ima allin kawsayman churarqa, iskayninkumanta uj mosoj aylluta ruwaspa.

Isaías 65:5

Paykunapura ninakunku: Maypichus kanaykipi kakullay, amataj qayllamuwaychu, imaraykuchus noqa qanmanta aswan llimphu kani, nispa. Chaykunaqa q'oshñi jina senqayta k'arachiwanku, tukuy p'unchaynintin nina lawray jina kanku.

Isaías 57:11

Chay lantikunatachu manchachikunki? Paykunachu chay jinatapuni kharkatitichisunku ajinata wasanchanawaykipaj, noqamantataj qonqapuspa mana yuyarikunaykipaj? Noqa unayta ch'inlla kasqayraykuchu, qan manaña manchachikuwanki?

Proverbios 29:25

Runa masita manchachikoyqa tojlla jina. Chaywanpis Tata Diospi atinikojrí mana ni imamanta manchachikuspa purenqa.

Hechos 12:17

Pedrotaj makinwan señata ruwaspa, paykunata ch'inyacherqa. Chantá paykunaman willarqa imaynatachus Tukuyta Kamachej Jesús carcelmanta payta orqhochimusqanta. Nerqataj: Kay tukuy imamanta Santiagoman willamuychej, wawqe panakunaman ima, nispa. Chaymanta llojsispataj, wajnejman riporqa.

Gálatas 2:14

Noqa maypachachus Jesuspa cheqa kaj sumaj willayninman jina mana allinta purisqankuta rikorqani, chaypacha tukuypa ñawpaqenpi Pedrota k'amerqani: Qan judío kashaspapis, mana judío jina purinki. Sichus mana judío jina purinki chayqa, imaraykutaj mana judío kajkunata kunan kamachinki judiokunaj usunkuta ruwanankutari? nispa.

San Lucas 5:38

Chayrayku mosoj vinotaqa mosoj qara botamanpuni jich'ana. Jinaqa ni mayqen usonqachu.