Gálatas 1:7 - DIOSPA QHELQACHISQ

⁷ Cristomanta jawaqa waj sumaj willay manamin kanchu. Manachayqa wakinkuna qankunaj umaykichejta muyuchiyta munaspa, Cristoj sumaj willayninta q'ewinku.

Qheshwa Biblia DC

⁷ Cheqamanta mana waj evangelioqa kanchu; manachayqa wakin runakuna tiyan qankunata pantachejkuna, Cristoj evangeliontataj waj jinaman tukuchiyta munanku.

DIOSPA QHELQACHISQAN DEUTEROCANONICAL

⁷ Cristomanta jawaqa waj sumaj willay manamin kanchu. Manachayqa wakinkuna qankunaj umaykichejta muyuchiyta munaspa, Cristoj sumaj willayninta q'ewinku.

Quechua South Bolivia: Dios Parlapawanchej

⁷ Manapuni canchu waj sumaj willanas. Manachayka waquin runas umasniyquichejta t'ojpincu Cristomanta sumaj willanasta k'ewiyta munaspa.

Gálatas 1:7 Referans Kwoze

Hechos 15:24

Wakin noqayku ukhumanta mana kachasqallayku qankunaman risqanku, jinataj yachachisqankuwan umaykichejta muyuchispa, yuyayniykichejta tijrasqanku.

Gálatas 5:10

Noqaqa Tukuyta Kamachej Jesuspi atinikuni qankunata waqaychananta mana cheqan yachachiykunata mana jap'ikunaykichejpaj. Pichus umaykichejta muyuchej runatarí Dios ruwasqanman jina juzganqa, pipis kachun.

2 Corintios 11:13

Chaykuna llulla kuraj kachakuna kanku. Paykunataj runata pantachispa, Cristoj kuraj kachankunapis kankuman jina purishanku.

Gálatas 5:12

Walej kanman, pikunachus circuncidakunaykichej tiyan nispa pantachishasunkichej, chaykuna ujkama khuchuspa orqhokunanku.

2 Corintios 2:17

Mana noqaykoqa wakinkuna jinachu kayku, pikunachus Diospa simi nisqanta q'ewispa parlanku, chaykuna jina. Aswanpis noqayku Diospa kachasqankuna jina, ch'uwa sonqowan Diospa ñawpaqenpi cheqan kajta parlayku, Cristowan ujchasqa kasqaykurayku.

Apocalipsis 20:3

Chantá angelqa sierpeta ukhu pachaman wijch'uykorqa, wisq'aykuytawantaj llaveykorqa, sellaykorqataj, waranqa wata junt'akunankama amaña runakunata q'otiyananpaj. Chaywanpis qhepanejman uj pisi p'unchayllapaj kacharisqa kanqa.

2 Juan 1:10

Sichus pipis qankunaman jamuspa, mana kay jinatachu yachachinman chayqa, ama chay runata wasiykichejpi jap'ikuychejchu, nitaj napaykullaychejpischu.

1 Juan 4:1

Munasqa wawqe panakuna, tukuy pikunachus: Diospa Espiritunpa yuyaychasqan kani, nispa ninku, chaykunaj yachachisqankuta ama jap'ikullaychejchu. Manachayqa Diosmantachus kanku, manachus chayta allinta reparaychej, imaraykuchus ashkha mana cheqanta yachachejkuna tukuynejpi purishanku.

Apocalipsis 19:20

Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.

Apocalipsis 13:14

Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Apocalipsis 2:20

Chaywanpis kayta niyki: Qanqa Jezabel sutiyoj warmita, pichus Diosmanta sut'inchaj kasqanta nin, chay warmej millay yachachisqanta qhawakushallanki. Chay warmeqa noqata qhatiwajkunaman yachachin khuchichakuyta atillasqankuta, chantá lantikunaman jaywasqa mikhunatapis mikhuyta atisqankuta ima.

Apocalipsis 2:6

Chaywanpis kayta ruwaspa, allinta ruwanki: Qanqa Nicolasta qhatejkunaj millay ruwasqankuta chejninki. Noqapis chay ruwasqankuta chejnillanitaj.

Apocalipsis 2:2

Noqa tukuy ima ruwasqaykita yachani, sinch'i ruwasqaykita, chantá mana sayk'uspa sayasqaykita ima. Yachallanitaj millayta ruwaspa kawsajkunatapis mana rikuyta atisqaykita. Jesuspa kuraj kachan kani, nispa nejkunatapis qan allinta watuspa, llulla kasqankuta sut'iman orqhosqaykitapis yachallanitaj.

Judas 1:4

Chayta niykichej, imaraykuchus wakinkuna iglesiaman mana reparayllata yaykuykamunku. Paykunaqa Dioswan churanakojkuna kanku, imajtinchus Diospa qhasilla k'acha yanapayninta q'ewinku, munasqankuman jina millayta ruwaspa purinankupaj. Chaywanpis paykuna juchachasqa kanankoqa ñawpajmantapachaña nisqa kashan, imaraykuchus Tukuyta Kamachej Jesucristota qhesachanku.

2 Juan 1:7

Ashkha q'otiyajkuna tukuynejpi purishanku, paykunataj ninku Jesucristo mana runaman tukuspachu kay pachaman jamusqanta. Pichus ajinata nejqa llullamin, Cristoj contranpi sayarejtaj.

1 Juan 2:26

Noqa kay imakunata qhelqamuykichej qankunata pantachiyta munajkunamanta qhawakunaykichejpaj.

2 Timoteo 2:18

Paykuna cheqa kajmanta pantaykuspa, yachachinku wañusqamanta kawsarimpoyqa kasqantaña. Ajinata nispataj, wakinkunata Diospi atinikuymanta pantachinku.

Gálatas 6:17

Kunanmanta ñawpajmanqa amaña pipis umayta nanachiwachunchu, imaraykuchus Jesuspata kasqayrayku ñak'arisqaymanta ukhuypi t'iriy tiyan.

Gálatas 4:17

Chay mana cheqanta yachachejkuna sonqoykichejta suwayta mayta munanku, imatachus yuyasqankurí mana allinchu. Aswanpis paykunaqa noqaykumanta qankunata karunchachiyta munasunkichej paykunaman k'askapunaykichejpaj.

Gálatas 2:4

Chaywanpis wakinkuna Jesusta qhatejman tukuspa, iglesiaman yaykumorqanku Cristo Jesusnejta kamachisqata junt'anamanta kacharichisqaña kasqaykumanta wateqanawaykupaj. Paykuna watej wata runaman tukuchiyta munawarqayku, Moisespa kamachisqankunata munaspa mana munaspa kasunaykupaj.

2 Corintios 4:2

Aswanpis pakaypi p'enqay ruwanata qhesachayku. Noqayku mana pitapis q'otiyaykuchu nitaj Diospa simi nisqanta q'ewiykuchu. Manachayqa cheqa kajta sut'inchaspa, noqayku Diospa ñawpaqenpi allinpaj qhawachikuyta munayku, ama pipis mana allin kajta noqaykumanta sonqonkupi yuyanankupaj.

Hechos 20:30

Jinallataj qankuna ukhumantapis wakinkuna sayaykonqanku, paykunataj cheqa kajta q'ewispa, Jesusta qhatikojkunamanta wakinta yachachisqankuman tukuchenqanku.

Hechos 13:10

Ya, llullaj atipasqan, tukuy millay ruwanawan junt'asqa runa, qanqa Kuraj Supaypa wawan kanki, tukuy allin kajpa awqantaj. Mayk'ajkamataj Diospa cheqan ñanninta q'ewinkiri?

San Mateo 24:24

Ajinamanta llullakuspa: Cristo kani, nispa nejkuna rikhurimonqanku, mana cheqanta sunt'inchajkuna ima. Paykunataj runaj mana jayk'aj rikusqan t'ukunakunata ruwaspa, runakunata pantachenqanku. Atispaqa, Diospa ajllakusqankunatapis pantachinkuman.

Jeremías 23:26

Mayk'ajkamataj chay sut'inchajkuna jinalla kanqankuri? Jayk'ajkamataj llullakuspa, paykunaj yuyasqallankuta willanqankuri?

Jeremías 23:36

Jinapis qankunaqa ama kay jinata parlaychejchu: Tata Dios ajinata nin, nispa. Pillapis: Tata Dios ajinata nin, nispa ninman chayqa, chay kikin nisqallantataj may llasa q'epiman jina tukuchisaj. Qankuna noqa kawsashaj Diospa nisqayta q'ewispa, uj jinaman tukuchinkichej. Noqa Diosniykichej kani, Tukuy Atiyniyoj Tata Dios.

Gálatas 1:6

Noqa t'ukuni chay jina usqhayta Diosmanta karunchakusqaykichejta yachaspa, pichus Cristoj khuyakuyninrayku wajyasorqachej, chaymanta, waj jina sumaj willayta qhatinaykichejpaj.