Gálatas 1:16 - DIOSPA QHELQACHISQ

¹⁶ Diosqa Churinta rejsichiwayta munarqa, mana judiokuna ukhupi paymanta willanaypaj. Ajina kajtin, noqaqa mana pipis yuyaychanawanta mask'arqanichu.

Qheshwa Biblia DC

¹⁶ Diosqa rejsichiwarqa Churinta, paymanta gentilespa chaupimpi willanaypaj; chaypachataj mana pi runatapis tapurikorqanichu.

DIOSPA QHELQACHISQAN DEUTEROCANONICAL

¹⁶ Diosqa Churinta rejsichiwayta munarqa, mana judiokuna ukhupi paymanta willanaypaj. Ajina kajtin, noqaqa mana pipis yuyaychanawanta mask'arqanichu.

Quechua South Bolivia: Dios Parlapawanchej

¹⁶ Cusiywan yuyarka Wawan Jesusta rejsichiwayta waj llajtayojcunaman willaranaypaj Jesuska Wawanmin caskanta. Rejsichiwajtincama chaypacha mana pitapis tapuricorkanichu.

Gálatas 1:16 Referans Kwoze

San Mateo 16:17

Chaymanta Jesús nerqa: Kusikuyniyojmin kanki Simón, Jonaspa churin. Chaytaqa mana runachu sut'inchasunki, manachayrí, janaj pachapi kashaj Tata Diosniy chayta sut'inchasunki.

Efesios 6:12

Noqanchej mana runawanchu maqanakushanchej, manachayqa atiyniyoj kamachej supaykunawan. Paykuna janajmantapacha laqhayaypi kawsaj runakunata kamachinku, munasqankuta ruwachispa.

Efesios 3:1

Dios imatachus ruwasqanrayku kayta yachanaykichejta munani: Noqa Pablo carcelpi kashani, Jesucristoj kamachin kaspa, qankuna mana judío kajkunaman Jesusmanta sumaj willayta willasqayrayku.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Romanos 11:13

Qankuna mana judío kajkunaman kayta niyta munaykichej. Qankunapaj Jesuspa kachan kasqayrayku, Diospaj ruwanaytaqa maypaj qhawani.

Hechos 22:21

Jesustajrí kutichiwarqa: Puririllayña, imaraykuchus noqa karuman kachasqayki, mana judío kajkunaman noqamanta willaranaykipaj, nispa.

Hechos 9:15

Tukuyta Kamachej Jesustaj nerqa: Rillay, imaraykuchus noqaqa payta ajllakuni kamachiy kananpaj, noqamanta willananpaj mana judío kajkunaman, kuraj kamachejkunaman, jinallatataj israelitakunamanpis.

San Mateo 26:41

Rijch'arisqa kaychej, ama puñuspa Dioswan parlarikuychej, juchaman tanqasqa kaspa ama kasunaykichejpaj. Sut'ita niykichej: Qankunaqa sonqoykichejpi kasuyta munankichej. Chaywanpis ukhuykichejqa pisi kallpayoj, nispa.

Deuteronomio 33:9

Paykunaqa tatankuta, mamankuta nerqanku: Mana jayk'ajpis rikorqaykichejchu, nispa. Jinallataj wawqenkukunatapis nillarqankutaj: Qankunata mana rejsiykuchu, nispa. Wawankunatapis nillarqankutaj: Pichus kasqaykichejta mana yachanichu, nispa. Paykunaqa nisqaykita kasorqanku, trato ruwasqaykitapis junt'arqanku.

Hebreos 2:14

Chay wawakunaqa aychayoj, yawarniyojtaj kanku. Ajinallataj Cristopis paykuna jina kananpaj aychallikorqa, cruzpi wañuspa Kuraj Supayta atipananpaj, pichus runakunata wañuchinanpaj atiyniyoj karqa, chayta.

2 Timoteo 1:11

Diostaj noqata churawarqa, Jesuspa kuraj kachan kaspa, chay sumaj willayta willanaypaj, chantá yachachinaypaj ima.

1 Timoteo 2:7

Noqataj chaymanta willanaypaj Jesuspa kuraj kachan churasqa kani, jinallataj mana judío kajkunaman Jesuspi atinikunamanta, chantá cheqa kajmanta ima yachachinaypaj. Ajinata nispaqa, cheqanta nini, manataj llullakushanichu.

1 Tesalonicenses 2:16

Ajinata paykuna jark'awayku Jesucristomanta sumaj willayta ama mana judiokunaman willanaykupaj, chaynejta paykunapis qhespichisqa kanankupaj. Ajinata ruwaspa, judiokunaqa juchallisqankuman astawan juchata yapakushallankupuni. Chayrayku Diospa k'araj phiñakuynin patankupiña kashan.

Gálatas 2:1

Chantá chunka tawayoj watamanta noqa ujtawan Jerusalenman rillarqanitaj Bernabeta, Titotawan pusariykukuspa.

2 Corintios 5:16

Chayrayku kunanmanta ñawpajmanqa manaña pitapis qhawaykuchu Diosman mana kutirikojkunaj yuyasqankuman jina. Arí, ñawpajta Cristotapis Diosman mana kutirikojkuna jina qhawaj kayku. Kunanrí payta manaña jinatachu qhawayku.

1 Corintios 15:50

Wawqe panakuna, kayta niykichej: Kay ukhunchejqa Diospa kamachiyninman mana yaykonqachu, imaraykuchus wañoj ukhunchejqa imachus wiñaypaj kajta mana chayaqeta jina jap'iyta atinchu.

Hechos 5:42

Paykunataj sapa p'unchay mana sayk'uspa Cristo Jesusmanta sumaj willayta willararqanku Temploj pationpi, jinallataj wasimanta wasi purispa ima.

Hechos 9:20

Chaymantapacha Sauloqa judiokunaj tantakunanku wasipi willarayta qallarerqa, Jesusqa Diospa Churin kasqanta.

Romanos 1:5

Noqaqa Jesucristonejta Diospa kachan kanaypaj ajllasqa kani, tukuy suyupi runakunaman willarajtiy, paypi creenankupaj, jinataj payta kasunankupaj.