Gálatas 1:1 - DIOSPA QHELQACHISQ

¹ Noqa Pablo Jesuspa kuraj kachan kani, mana runaj churasqanchu nitaj wajkunaj kachasqanchu. Manachayqa Jesucristoj churasqan kani, Tata Diospatawan, pichus Cristota wañusqamanta kawsaricherqa, chaypata.

Qheshwa Biblia DC

¹ Noqa Pablo, apóstol kani, mana runaspa churasqanchu nitaj paykunaj kachasqanchu. Manachayqa Jesucristonejta churasqa kani, Dios Tatanejtataj; pichus Cristota wañusqakunamanta kausarichimorqa.

DIOSPA QHELQACHISQAN DEUTEROCANONICAL

¹ Noqa Pablo Jesuspa kuraj kachan kani, mana runaj churasqanchu nitaj wajkunaj kachasqanchu. Manachayqa Jesucristoj churasqan kani, Tata Diospatawan, pichus Cristota wañusqamanta kawsaricherqa, chaypata.

Quechua South Bolivia: Dios Parlapawanchej

^1-2 Noka, Pablo, napaycamuyquichej. Nokawan caj Cristopi tucuy hermanospis napaycamusunquichej, kancuna Galacia jallp'api tantacoj hermanosta. Diospa cachan cani. Señorninchej Jesucristo Dios Tatanchejwan ajllawarkancu churawarkancutaj, mana runaschu. Dios causarichimorka Jesucristota wañuskacuna chaupimanta.

Gálatas 1:1 Referans Kwoze

1 Corintios 1:1

Noqa, Pablo, Dios munasqanrayku Jesucristoj kuraj kachan kanaypaj wajyasqa kani. Noqawan, wawqenchej Sosteneswan ima kay cartata qhelqaspa apachimuyku Corinto llajtapi Diospa iglesianman.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Romanos 1:1

Noqa Pabloqa Jesucristoj wata runan kani, kachan kanaypaj wajyasqa, jinataj Diospa sumaj willayninmanta willanaypaj t'aqasqa.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

Tito 1:3

Chay nisqantataj Diosqa maychus tiemponpi junt'arqa. Kunantaj Qhespichiwajninchej Dios chay nisqanta tukuyman willanayta kamachiwarqa.

2 Corintios 1:1

Noqa Pabloqa Jesuspa kuraj kachan kani Diospa munayninrayku. Kay cartata qhelqamuykichej wawqenchej Timoteowan khuska, Corinto llajtapi Diospa iglesianman, Ajaya jap'iypi pikunachus Diospaj t'aqasqa kanku, chaykunaman ima.

2 Timoteo 1:1

Noqa Pabloqa Dios munasqanrayku Cristo Jesuspa kuraj kachan kani, Dios Cristonejta wiñay kawsayta qonanta nisqanman jina.

Romanos 10:9

Sichus simiykiwan tukuypa uyarinanta rimarinki Jesusqa Tukuyta Kamachej Dios kasqanta, sitajchus tukuy sonqo creenki Dios wañusqamanta Jesusta kawsarichisqanta chayqa, qhespichisqa kanki.

Hechos 22:10

Chaymanta noqa taporqani: Imatataj ruwasajri? nispa. Tukuyta Kamachej Jesustaj niwarqa: Jatarispa, Damascoman riy, chaypitaj nisonqanku imatachus ruwanaykita, nispa.

Hechos 9:6

Saulotaj manchariywan kharkatitispa, nerqa: Tukuyta Kamachej, imatataj munanki ruwanaytari? nispa. Jesustaj kuticherqa: Jatarispa, llajtaman yaykuy, chaypitaj nisonqanku imatachus ruwanaykita, nispa.

Apocalipsis 2:8

Esmirna llajtapi iglesiaj angelninman kay nisqayta qhelqay: Ñawpaj Kaj, Qhepa Kajtaj, pichus wañusqa karqa, kawsarintaj, chaymin kay jinata nisunki:

Apocalipsis 1:18

chantá pichus kawsaj. Wañusqa karqani, kunantajrí wiñay wiñaypaj kawsashani. Noqallataj runakunata wañusqamanta kawsarichinaypaj atiyniyoj kani, jinallataj ukhu pachaj llaventawan jap'ishani.

1 Pedro 1:21

Paynejta qankuna Diospi atinikunkichej, pichus Cristota wañusqamanta kawsarichispa jatuncharqa, chaymanta. Chayrayku Diospi atinikuspa, pay imatachus nisqanta qonantapuni suyakushankichej.

Hebreos 13:20

Sonqo tiyaykusqa kawsakuyta qoj Diosqa ovejakunaj jatun Michejnin Jesucristota wañusqamanta kawsaricherqa, jinataj paypa yawar jich'asqanwan noqanchejwan wiñaypaj tratota ruwarqa.

Gálatas 1:17

Manallataj Jerusalenman rerqanichu, pikunachus noqamanta aswan ñawpajta Jesuspa kuraj kachankuna karqanku, chaykunawan parlaj. Manachayqa usqhayllata Arabia cheqaman kachaykukorqani, chaymantataj Damasco llajtaman kutimorqani.

Romanos 14:9

Chaypajmin Cristo wañorqa, kawsarimporqataj, wañusqakunajta, kawsajkunajtawan Kuraj Kamachejninku kananpaj.

San Juan 20:21

Chantá Jesús ujtawan paykunata nerqa: Diospa sonqo tiyaykuynin qankunawan kachun. Imaynatachus Tata Diosniy noqata kay pachaman kachamuwarqa, ajinallatataj qankunatapis kay pachapi tukuy runaman kachaykichej, nispa.

San Juan 10:30

Noqawan, Tata Dioswanqa ujlla kayku, nispa.

San Juan 5:19

Chaypacha Jesús paykunata nerqa: Kayta sut'ita niykichej: Diospa Churenqa sapallanmanta mana imatapis ruwayta atinchu, manachayqa pay ruwan imatachus Tatanta ruwajta rikun, chayllata. Tukuy imatachus Tata Dios ruwan, chayllatataj Churinpis ruwan.

Hechos 3:15

Ajinata qankuna pichus tukuyman kawsayta qojta wañucherqankichej. Diostajrí payta wañusqamanta kawsarichimorqa, noqaykutaj testigo jina chay rikusqaykuta willayku.

Gálatas 1:15

Chaywanpis manaraj paqarishajtiy, Dios ajllakuwarqa, jinallataj qhasilla k'acha yanapayninrayku wajyakuwarqa.

Josué 22:15

Galaadman chayaspataj, Rubén jatun aylluman, Gad jatun aylluman, chantá Manasespa khuskan jatun aylluman ima nerqanku: