Éxodo 9:4 - DIOSPA QHELQACHISQ

⁴ Chaywanpis Tata Diosqa israelitakunaj uywankuta Egipto llajtayojkunaj uywankumanta t'aqanqa. Chayrayku israelitakunaj uywankumanta ni ujpis wañonqachu.

Qheshwa Biblia DC

⁴ Señorqa israelitaspa uywasninta egipciospa uywasninmanta t'aqanqa; chayrayku israelitaspa uywasnenqa ni ujpis wañonqankuchu.

DIOSPA QHELQACHISQAN DEUTEROCANONICAL

⁴ Chaywanpis Tata Diosqa israelitakunaj uywankuta Egipto llajtayojkunaj uywankumanta t'aqanqa. Chayrayku israelitakunaj uywankumanta ni ujpis wañonqachu.

Éxodo 9:4 Referans Kwoze

Éxodo 8:22

22 (18) Chaywanpis, Gosén cheqanejpi ch'uspi mana kanqachu, imaraykuchus chaynejpi israelitakuna tiyakushanku. Ajinata ruwasqayrayku, noqa Tata Dios kay suyupi kashasqayta yachanki.

Malaquías 3:18

Chantá qankuna ujtawan reparayta atinkichej pichus cheqan, pitajchus mana cheqan runachu kasqanta. Reparallankichejtaj pichus Diosta yupaychasqanta, pitajchus mana yupaychasqantawan, nispa.

Éxodo 12:13

Maypichus kashankichej, chay waseqa yawarwan señalasqa kanqa. Punkuykichejpi yawarta rikuspataj, noqaqa qankunata pasallasqaykichej. Ajinaqa Egiptopi kuraj kaj churikunata wañuchishajtiy, qankuna ukhupi mana ni uj wañusqapis kanqachu.

Éxodo 10:23

Sinch'i laqha kasqanrayku, kinsa p'unchayta mana pipis rikunakorqankuchu, nitaj pipis, maypichus kasharqa, chaymanta kuyurerqachu. Chaywanpis maypichus israelitakuna tiyakusharqanku, chayllapi k'anchay karqa.

Éxodo 9:5

Chay jawa Tata Diosqa mayk'ajchus chay kananta ninña: Q'ayapacha chayta ruwasaj, nispa.

Éxodo 9:6

Q'ayantinpacha Tata Dios nisqanta ruwarqa. Jinataj Egiptopi tukuy uywakuna wañurarqanku. Israelitakunaj uywankunamantarí ni ujpis wañorqachu.

Éxodo 9:26

Chaywanpis Gosenman, maypichus israelitakuna tiyakusharqanku, chaynejmanqa mana chijchi para chayarqachu.

Amós 4:7

Poqoyta oqharinapaj kinsa killaraj kashajtin, mana parachimorqanichu. Uj llajtaman parachimorqani, ujmantaj mana. Wakin chajrakunapaj paracherqani, wakintaj paramanta jina ch'akiporqanku.

Éxodo 8:19

19 (15) Chayrayku yatirikunaqa faraonta nerqanku: Kayqa Diospa ruwasqan, nispa. Faraontajrí, Tata Diospa nisqanman jina, astawan sonqonta rumiyacherqa, manataj Moisesta Aarontawan ima kasorqachu.