Éxodo 9:29 - DIOSPA QHELQACHISQ

²⁹ Moisestaj nerqa: Kay llajtamanta llojsiytawanpacha, makiyta oqharispa, Tata Diosmanta mañakusaj. Chantá illapakuna ch'inyanqa, chijchi parapis thañenqa. Ajina kanqa kay pacha Tata Diospata kasqanta yachanaykipaj.

Qheshwa Biblia DC

²⁹ Moisestaj nerqa: Kayqa kunitan kay llajtamanta llojsiytawan Señorman makisniyta oqharisaj mañakuspa, qhon qhonkunataj thañenqanku, granizopis manañataj kanqachu, yachanaykipaj kay jallp'a patapi Señorqa kasqanta.

DIOSPA QHELQACHISQAN DEUTEROCANONICAL

²⁹ Moisestaj nerqa: Kay llajtamanta llojsiytawanpacha, makiyta oqharispa, Tata Diosmanta mañakusaj. Chantá illapakuna ch'inyanqa, chijchi parapis thañenqa. Ajina kanqa kay pacha Tata Diospata kasqanta yachanaykipaj.

Éxodo 9:29 Referans Kwoze

1 Corintios 10:26

Diospa Qhelqachisqanpi nin: Kay pachaqa Tukuyta Kamachej Diospata, jinallataj chaypi tukuy ima kajpis, nispa.

Isaías 1:15

Qankuna mañakunawaykichejpaj makiykichejta oqharejtiykichej, mana qhawarisqaykichejchu. Ashkha kutita mañakuwankichej chaypis, noqa manapuni uyarisqaykichejchu, imaraykuchus makiykichejqa yawarlla.

Salmos 143:6

Qanmanta mañakuspa, makiyta oqharini. Ch'aki jallp'apis kayman jina qanmanta ch'akichikuni.

1 Reyes 8:38

Sichus mayqen israelitallapis, chayrí tukuynin Israel aylluyki mañakusunkuman, sapa uj sonqonpi phutisqa kasqanman jina, makinkutataj kay Templo cheqanejman oqharinkuman chayqa,

1 Reyes 8:22

Chantá tukuynin israelitakuna rikushajtinku, Salomonqa Tata Diospa altarninpa ñawpaqenpi sayarikorqa, makinta janaj pachaman oqharispataj, nerqa:

Deuteronomio 10:14

Kayta allinta yachaychej: Janajpis, janajmanta aswan pata kajpis, kay pachapis, kaypi imachus kajpis Tata Diosniykichejpatamin.

1 Corintios 10:28

Chaywanpis mikhushajtiykichej, sichus pipis willasunkichejman: Kay aychaqa lantikunaman jaywasqa karqa, nispa chayqa, willasqanrayku ama mikhuychejchu, willasojpa sonqon ama nanachisqa kananpaj.

Salmos 135:6

Tata Diosqa tukuy munasqanta ruwan, janajpi, kay pachapi, mama qochapi, mama qocha ukhupipis munasqantapuni ruwan.

Salmos 50:12

Yarqhawanmanchus chayqa, mana willaykimanchu, imaraykuchus tukuy kay pacha, jinallataj chaypi tukuy ima kajpis noqajtamin.

Job 11:13

Ujkama cheqan sonqowan imatapis ruwaj churakuy, Diosmantataj yanapasunanta mañakuy.

Esdras 9:5

Chantá phutiyniymanta kutirerqani. Llik'isqa p'achaywantaj qonqoriykukorqani, makiyta oqharispataj, Tata Diosmanta mañakorqani:

Éxodo 19:5

Kunantaj sichus nisqayta uyarinkichej, trato ruwasqaytapis junt'ankichej chayqa, qankuna tukuy ayllumanta aswan sumaj aylluy kankichej. Kay pachaqa noqajtamin.

Éxodo 9:33

Moisesqa faraonpa qayllanmanta llojsispa, llajtamanta jawaman rerqa. Chantá makinta oqharispa, Tata Diosmanta mañakorqa. Jinataj chaypacha illapakuna, chijchi parawan ima thañiporqanku. Jinamanta illapakuna manaña karqachu.

Éxodo 8:22

22 (18) Chaywanpis, Gosén cheqanejpi ch'uspi mana kanqachu, imaraykuchus chaynejpi israelitakuna tiyakushanku. Ajinata ruwasqayrayku, noqa Tata Dios kay suyupi kashasqayta yachanki.

Éxodo 20:11

Chayqa ajina kanqa imajtinchus noqa sojta p'unchaypi janajta, kay pachata, mama qochata ima ruwarqani. Jinataj chaykunapi imachus tiyan, chaykunatawan ruwarqani. Qanchis kaj p'unchaypitaj samarikorqani. Chayrayku noqa Tata Dios samarina p'unchayta saminchaspa, noqallapaj t'aqarqani.

Éxodo 8:6

6 (2) Chantá Aaronqa Egiptopi tukuy yakuman varanta oqharerqa. Jinajtinkamataj, k'aylankulakunaqa yakumanta llojsiykamuspa, tukuynin Egipto suyuman junt'aykorqanku.