Éxodo 9:24 - DIOSPA QHELQACHISQ

²⁴ Chijchi paraqa illapaj t'ojyasqanwan khuska mana samarispa paramorqa. Chay jina chijchi paraqa Egipto suyu rikhurisqanmantapacha ni jayk'aj kasqachu.

Qheshwa Biblia DC

²⁴ Granizoqa qhon qhonkunawan ninawan chajrusqas urmamorqanku, chay jina granizoqa ni jayk'ajpis karqachu, chay jallp'api Egiptopi runa tiyakusqanmantapacha.

DIOSPA QHELQACHISQAN DEUTEROCANONICAL

²⁴ Chijchi paraqa illapaj t'ojyasqanwan khuska mana samarispa paramorqa. Chay jina chijchi paraqa Egipto suyu rikhurisqanmantapacha ni jayk'aj kasqachu.

Éxodo 9:24 Referans Kwoze

San Mateo 24:21

Chay jina llakeyqa mana jayk'ajpis karqachu, Dios kay pachata ruwasqanmantapacha kunankama, nillataj qhepamanpis kanqachu.

Éxodo 10:6

Phinki phinkeqa wasiykiman, kamachiykikunaj wasinkuman, jinataj tukuy Egipto llajtayojkunaj wasinkukunaman junt'aykonqa. Chay jinataqa, tatayki, nitaj jatun tataykipis kasqankumantapacha kunankama ni jayk'aj rikorqankuchu, nispa. Jinata faraonta niytawantaj, Moisesqa kutirispa, faraonpa kamachinan wasimanta llojsiporqa.

Éxodo 9:23

Chantá Moisés varanta janajnejman oqharerqa. Tata Diostaj tukuy Egipto suyuman illapata, chijchi paratawan ima kachaykamorqa.

Éxodo 9:18

Chayrayku q'aya, kunanta jina, jatuchaj chijchi parata parachimusaj. Chay jina chijchi paraqa Egipto rikhurisqanmantapacha mana ni jayk'aj karqachu.

Éxodo 9:25

Chijchi paraqa Egiptopi tukuy imata t'unaykorqa. Runakunata, uywakunata wañuracherqa, jinallataj tukuy q'omer kajta ch'anqarparerqa, sach'akunatapis q'ara k'aspillata sayacherqa.

Ezequiel 13:13

Chayrayku noqa Tukuyta Kamachej Tata Dios nini: K'araj phiñakuyniypi sinch'ita wayrachimusaj, sinch'itataj parachimusaj, rumi jina chijchitataj urmachimusaj, phiñakuyniypi tukuy kaj chhikata chinkarparichinaypaj.

Job 38:23

Chaykunataqa ñak'ariy tiempopaj jallch'ani, maqanaku tiempopajtaj waqaychani.

Salmos 18:13

13 (14) Tata Dios janaj pachamanta sinch'i parlasqanta uyarichimorqa, Patapi Kaj Diostaj qhaparimorqa chijchi para, nina k'ajay chawpimanta.

Salmos 105:32

Parachinantaqa, chijchi parata parachimorqa, lliuj lliujkunatataj suyunkuman kachaykorqa.

Isaías 30:30

Chaypacha Tata Dios jatunmanta parlasqanta uyarichenqa. Atiyniyoj makinwan k'araj phiñakuyninta rikuchenqa manchayta q'olarparej ninawan, chantá llojlla parawan, manchay muyoj wayrawan, jatuchaj rumi jina chijchi parawan ima. Ajinamanta pay atiyninta rikuchenqa.

Ezequiel 1:4

Chaypacha wichaynejmanta uj jatun muyoj wayra jamushajta rikorqani. Chantá uj jatun phuyumanta nina lawray jina llojserqa, muyuyninpitaj sinch'i k'anchay karqa. Chay nina chawpipitaj uj llosq'ochasqa broncepis kanman jina lliphipisharqa.