Éxodo 8:15 - DIOSPA QHELQACHISQ

¹⁵ 15 (11) Jinapis, Tata Diospa nisqanman jina, faraón manaña imapis kasqanta rikuspa, sonqonta astawan rumiyacherqa. Chayraykutaj Moisesta, Aarontawan ima mana kasorqachu.

Qheshwa Biblia DC

¹⁵ Faraontaj chay imas manaña kajtin qonqaporqa, sonqontapis astawan rumiyarqa, manaña kasorqachu Moiseswan Aaronwan nisqankuta, imaynatachus Señorpa nisqanman jina.

DIOSPA QHELQACHISQAN DEUTEROCANONICAL

¹⁵ 15 (11) Jinapis, Tata Diospa nisqanman jina, faraón manaña imapis kasqanta rikuspa, sonqonta astawan rumiyacherqa. Chayraykutaj Moisesta, Aarontawan ima mana kasorqachu.

Éxodo 8:15 Referans Kwoze

Isaías 26:10

Chaywanpis sichus millayta ruwajkunata khuyanki chayqa, paykuna mana yachaqakunkuchu imachus cheqan kajta. Allinta ruwaj runakunaj suyunpi kashaspapis, paykunaqa millayllatapuni ruwanku, Tata Diospa jatun kaynintataj mana cuentaman churankuchu.

Hebreos 3:15

Diospa Qhelqachisqanpi nin: Kunan p'unchaychus Diospa parlasqanta uyariwajchej chayqa, ama sonqoykichejta rumiyachiychejchu, imaynatachus Diospa contranpi oqharikojkuna ruwarqanku, jinataqa, nispa.

Hebreos 3:8

ama sonqoykichejta rumiyachiychejchu, imaynatachus Diospa contranpi oqharikojkuna ruwarqanku, jinataqa. Chaypacha ñawpa tataykichejkuna ch'innejta jamushaspa, noqawan churanakorqanku, pacienciay maykamachus kasqanta yachayta munaspa.

Eclesiastés 8:11

Millayta purej runata mana usqhayta jasut'ejtinkoqa, astawan millayta ruwanaman qokun.

Éxodo 7:4

Chaywanpis faraón manapuni uyarisonqachejchu. Chayrayku noqaqa Egipto llajtayojkunata jatun atiyniywan sinch'ita ñak'arichisaj, chaymantataj aylluyta Egipto suyumanta soldadokunata jina orqhokapusaj.

Éxodo 14:5

Chaykamatajrí, Egiptota kuraj kamachej faraonman willarqanku israelitakuna ayqeshasqankuta. Chaypacha faraón, jinataj yanapajninkuna ima israelitakunata kacharipusqankumanta sonqonkuta nanachikorqanku. Chayrayku nerqanku: Imatataj kayta ruwakunchejri? Pitaj kunan imatapis ruwapuwasunchejri? nispa.

Éxodo 4:21

Chaymanta Tata Diosqa Moisesta nillarqataj: Egiptoman kutispa, faraonpa ñawpaqenpi kamachisusqayman jina t'ukuna ruwanaykita ruwankipuni. Noqatajrí faraonpa sonqonta rumiyachisaj, paytaj israelitakunata mana kachariyta munanqachu.

Apocalipsis 16:9

Runakunaqa intej sinch'i k'ajasqanwan rupharasqa karqanku. Chaywanpis paykuna mana Diosman kutirikorqankuchu, nitaj payta jatuncharqankuchu. Aswanpis Diospaj millayta rimarqanku, pichus chay ñak'ariykunata apachimunanpaj atiyniyoj karqa, chaypaj.

Oseas 6:4

Tata Dios nin: Efraín, imatataj qanwan ruwasajri? Judá, qanwanpis imatataj ruwasajri? Munakuwasqaykichejqa tutamanta phuyu jinalla, chayrí tutamanta chhulla jina chinkaripojlla.

Proverbios 29:1

Pichus k'amejtinku k'ullukuspa mana uyarikuyta munanchu, chay runaqa ujllata chinkachisqa kanqa, mana ujtawan sayarinanpaj jina.

Éxodo 8:8

8 (4) Chantá faraón Moisesta, Aarontawan ima wajyachispa, nerqa: Tata Diosmanta mañaychej ari, noqamanta, runaykunamantawan k'aylankulakunata chinkachinanpaj. Noqataj israelitakuna rinankuta saqesaj, rispa uywa ñak'asqa q'olachikunata Tata Diosman jaywamunankupaj, nispa.

Éxodo 8:14

14 (10) Egipto llajtayojkunaqa wañusqa k'aylankulakunata qotu qotuta tantarqanku. Wañusqa k'aylankulaj asnasqantaj tukuynejpi karqa.

Éxodo 8:16

16 (12) Tata Dios ujtawan Moisesta nerqa: Aaronta niy, varanta oqharispa, jallp'ata wajtananta. Varanwan wajtajtinkamataj, jallp'a usaman tukuspa, tukuynin Egiptoman junt'aykonqa, nispa.

Éxodo 8:28

28 (24) Faraontaj nerqa: Ch'innejman rispa, Tata Diosniykichejman uywata ñak'aspa jaywamunaykichejpaj kachasqaykichej. Chaywanpis mana ancha karumanchu rinaykichej tiyan. Chantá chaypi kashaspa, noqaraykupis mañapullawaychejtaj ari, nispa.

Éxodo 8:29

29 (25) Moisestaj kuticherqa: Kaymanta llojsispa, noqaqa Tata Diosmanta mañapusqayki, kay ch'uspikunata qanmanta, yanapajniykikunamanta, jinallataj llajta masiykikunamanta ima q'ayapacha karunchananta. Qanrí, amaña q'otiyawaykuchu. Aswanpis israelitakunata kachariy Tata Diosman uywata ñak'aspa jaywamunaykupaj, nispa.

Éxodo 8:32

32 (28) Chaywanpis faraón uj kutitawan sonqonta rumiyachispa, israelitakunata mana kachariporqachu.

1 Samuel 6:6

Imaraykutaj qankuna, Egipto llajtayojkuna jina chantá kuraj kamachej faraón jina mana uyarikuyta munaj kankichejri? Israelitakunaj Diosnin Egipto llajtayojkunata sinch'ita ñak'arichejtinraj, paykunata ripojta saqerqanku.

Proverbios 26:11

Alqoqa lansasqanta watej mikhuykakapun. Ajinallatataj wampu runaqa mana allin yuyaychakuspa imatachus ruwasqanta ujtawan ruwan.

1 Samuel 6:3

Sacerdotekunataj kuticherqanku: Israelpa Diosninpa arcanta kutichipuspaqa, ama jinallataqa kutichinkichejchu. Israelitakunamanta qhechuspa apamusqaykichejmanta Tata Diosman imallatapis qoychej. Chaypacha qankunaqa chay onqoymanta qhaliyankichej, yachankichejtaj imaraykuchus Diosqa sinch'ita ñak'arichisusqaykichejta, nispa.

1 Samuel 6:9

Chantá sumajta qhawankichej: Sichus carreta Bet Semes llajtaman rej ñanta riponqa chayqa, yachasun Israelpa Tata Diosnin kay jina llakiyman churawasqanchejta. Mana jina kajtinrí, yachasun mana paychu ñak'arichiwasqanchejta, manachayqa kay ch'upu onqoy kaymanta jinalla rikhurisqanta, nispa.

1 Samuel 6:12

Chantá wakakunaqa Bet Semes llajtaman rej ñanninta paykunallamanta thaskiyta qallarerqanku, waqaspa, ni mayman link'urispataj, cheqanta rerqanku. Filisteokunaj kurajninkukunataj Bet Semes tinkuykama carretaj qhepanta rerqanku.