Éxodo 6:8 - DIOSPA QHELQACHISQ

⁸ Chantá mayqen jallp'atachus Abrahamman, Isaacman, Jacobman ima tiluspa qonayta nerqani, chay jallp'aman noqa pusasqaykichej. Chay jallp'atataj qankunaman qopusqaykichej. Noqamin Tata Dios kani, nispa.

Qheshwa Biblia DC

⁸ Noqa pusasqaykichej, ima jallp'atachus Abrahamman, Isaacman, Jacobman ima, chayaqenkupaj qosqaykichej nerqani chayman. Noqamin kani Señorqa.

DIOSPA QHELQACHISQAN DEUTEROCANONICAL

⁸ Chantá mayqen jallp'atachus Abrahamman, Isaacman, Jacobman ima tiluspa qonayta nerqani, chay jallp'aman noqa pusasqaykichej. Chay jallp'atataj qankunaman qopusqaykichej. Noqamin Tata Dios kani, nispa.

Éxodo 6:8 Referans Kwoze

Génesis 26:3

Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Ezequiel 20:42

Chantá qankuna yachankichej noqa Tata Dios kasqayta, mayqen jallp'atachus ñawpa tataykichejman tiluspa nerqani qonayta, chay jallp'aman pusasojtiykichej.

Génesis 14:22

Abramtajrí Sodomata kuraj kamachejman ajinata kuticherqa: Noqaqa chhika kaj Patapi Kaj Tata Diosman tiluspa niniña, pichus janajta, kay pachatawan ruwajman:

Ezequiel 47:14

Noqa tiluspa nerqani kay jallp'ata ñawpa tataykichejkunaman qonayta. Chayrayku kay jallp'ata sapa ujman chayaqenkupaj uj rejllata rak'irapuy. Kay jallp'aqa chayaqeykichej kanqa.

Deuteronomio 32:40

Noqaqa makiyta janaj pachaman oqharispa, wiñaypaj kawsaj Dios kasqayrayku tiluni.

Éxodo 32:13

Kamachiyki Abrahamman, Isaacman, Israelman ima sutiykirayku tiluspa, nisqaykimanta yuyarikuy. Qan paykunata nerqanki: Noqa janajpi ch'askakunata jinapuni mirachisqaykichej, nisqayman jinataj wiñaypaj qankunaman kay jallp'ata qosqaykichej, nispa.

Génesis 35:12

Noqaqa Abrahamman, Isaacmanwan qosqay jallp'ata qanman qollaykitaj. Jinataj mirayniykimanpis chay jallp'ata qosaj, nispa.

Génesis 28:13

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Ezequiel 36:7

Chayrayku noqa Tukuyta Kamachej Tata Dios tiluspa, kay jinata nini: Muyuyniykichejpi suyukunaqa p'enqayman churasqa kanqanku.

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Ezequiel 20:23

Chaywanpis ch'innejpi tiluspa nillarqanitaj: Qankunata tukuy kay pachapi kaj suyukunaman ch'eqerachisqaykichej, nispa.

Ezequiel 20:15

Chaywanpis ch'innejpi paykunaman tiluspa, nerqani: Mana chay jallp'aman pusaykusqaykichejchu, maypichus lechewan, abeja misk'iwan yaku jina purishan, mayqentajchus tukuy jallp'amanta aswan sumaj kashan, chay jallp'aman, nispa.

1 Samuel 15:29

Israelpa Tukuy Atiyniyoj Diosnenqa mana llullakunchu, nitaj sonqonta nanachikunchu. Payqa mana runachu imatachus nisqanmanta kutirinanpaj, nispa.

Números 23:19

Diosqa mana wañoj runa jinachu llullakunanpaj, nitaj nisqanmanta kutirinanpaj. Nin chayqa, manachu ruwanqa? Parlan chayrí, imatachus nisqanta manachu junt'anqa?

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Éxodo 6:2

Chaymanta Tata Diosqa Moisesta ujtawan nillarqataj: Noqamin Tata Dios kani.

Apocalipsis 10:6

Jinaspataj payqa, pichus janajta, jallp'ata, mama qochata, chaykunapi imachus kajkunatawan ruwarqa, chay wiñay wiñaypaj kawsaj Diospa sutinpi tiluspa, nerqa: Suyana tiempo tukukapunña.

Éxodo 13:5

Kay kikin killallataj yuyarikuna raymita Diospaj sapa wata ruwankichej, maypachachus Tata Dios lechewan, abeja misk'iwan purishaj jallp'aman chayachisonqachej, chaypacha. Chay jallp'api kunan tiyakushanku cananeokuna, jeteokuna, amorreokuna, heveokuna, jebuseokuna ima. Jinapis Tata Dios chay jallp'ata ñawpa tataykichejkunaman tiluspa qonanta nerqa.

Números 14:30

Qankunamanta mana pipis, tiluspa qonayta nerqani, chay jallp'aman yaykunkichejchu. Chaymanqa Yefunej churin Caleblla, chantá Nunpata churin Josuellawan yaykonqanku.

Josué 24:13

Noqa qankunaman mana llank'asqaykichej jallp'akunata qorqaykichej, mana qankunaj ruwasqaykichej llajtakunata ima. Kunanqa chaykunapi tiyakushankichej, mana mallkisqaykichej uvata, aceitunata imataj mikhushankichej, nispa.

Nehemías 9:15

Paykunaman janaj pachamanta t'antatapis qollarqankitaj yarqhayninkupi sajsakunankupaj. Yakutapis chhankamanta phullchicherqanki ch'akiyninkuta thasnunankupaj. Chaymantataj kamacherqanki jallp'ata jap'ej yaykunankuta, mayqentachus tiluspa nerqanki qonaykita, chay jallp'ata.

Éxodo 6:4

Chantapis, paykunawan uj tratota ruwarqani, Canaán suyuta qonaypaj. Paykunarí chay suyupi waj llajtayoj jina tiyakorqanku.

Números 10:29

Uj kuti Moisesqa Madián llajtayoj suegron Ragüelpata churin Hobabta nerqa: Noqaykoqa Tata Dios qonawaykuta niwayku, chay jallp'aman rishayku. Qanpis noqaykuwan jamuy ari. Noqaykutaj qanmanta qhawasqayku, imaraykuchus Tata Dios israelitakunata khuyakuywan qhawarinanta nin, nispa.

Números 11:12

Mana noqaqa kay runakunaj tatankuchu, nitaj mamankuchu kani. Imaraykutaj ñuñoj wawakunata jina ichuspa, ñawpa tatankuman qonaykita nerqanki, chay jallp'aman pusanayta niwankiri?

Deuteronomio 4:31

Tata Diosniykichejqa manchay khuyakuyniyoj kasqanrayku, mana saqerparisonqachejchu, nitaj chinkachisonqachejchu, nillataj ñawpa tataykichejkunawan tiluspa trato ruwasqanta qonqaponqachu.