Éxodo 6:6 - DIOSPA QHELQACHISQ

⁶ Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Qheshwa Biblia DC

⁶ Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

DIOSPA QHELQACHISQAN DEUTEROCANONICAL

⁶ Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Éxodo 6:6 Referans Kwoze

Deuteronomio 26:8

Ajinata Tata Diosniykoqa jatun atiyninta rikuchispa, Egiptomanta orqhomuwarqayku, runaj mana jayk'aj rikusqan t'ukuna imakunata ruwaspa.

1 Crónicas 17:21

Israel aylluyki jinaqa kay pachapi mana ujpis kanchu. Diosníy, aylluyki kananpaj preciota pagaspa qanmin Egiptomanta paykunata kacharicherqanki. Jatuchaj t'ukuna imakunata paykunapaj ruwarqanki, ñawpaqenkumantataj waj llajtayojkunata wijch'orqanki. Ajinata ruwasqaykirayku manchay uyarisqaman tukorqanki.

Deuteronomio 7:8

Tata Diosqa qankunata munakususqaykichejrayku, jinataj ñawpa tataykichejkunaman tilusqanta junt'ananpaj ajllakusorqachej. Chayrayku payqa Egiptopi ñak'arichisqa kashajtiykichej, chantá faraonpa makinpi kashajtiykichej, preciota pagaspa may jina atiyninwan kacharichisorqachej.

Éxodo 7:4

Chaywanpis faraón manapuni uyarisonqachejchu. Chayrayku noqaqa Egipto llajtayojkunata jatun atiyniywan sinch'ita ñak'arichisaj, chaymantataj aylluyta Egipto suyumanta soldadokunata jina orqhokapusaj.

Nehemías 1:10

Noqayku israelitakunaqa qanpa kamachiykikuna, aylluykitaj kayku, pikunatachus qan preciota pagaspa jatun atiyniykiwan, kallpaykiwantaj kacharicherqanki, chaykuna.

Salmos 81:6

6 (7) Uj mana rejsisqa parlayta uyarerqani kay jinata nejta: Wasaykimanta llasa q'epita q'epiracherqani, sinch'i ruwanamantataj qanta samaricherqayki.

Deuteronomio 15:15

Ama qonqankichu Egiptopi qanpis wata runallataj kasqaykita, chaymantataj Tata Diosniyki preciota pagaspa kacharichisusqanta. Chayrayku kunan kay kamachisqakunata qoshayki.

Éxodo 15:13

Mana jayk'aj tukukoj khuyakuyniykiwan kacharichisqayki israelitakunata pusashanki. Atiyniykiwantaj tiyakunayki cheqaman pusashanki.

Éxodo 3:17

Chayrayku noqa Egiptopi sinch'ita ñak'arinaykichejmanta qankunata kacharichisqaykichej. Pusasqaykichejtaj lechewan, abeja misk'iwan yaku jina purishan, chay sumaj jallp'aman, maypichus kunan cananeokuna, jeteokuna, amorreokuna, ferezeokuna, heveokuna, jebuseokuna ima tiyakushanku, chayman.

2 Reyes 17:36

Manachayqa noqa Diosnillaykichejta yupaychawaychej, uywa ñak'asqa q'olachisqatapis jaywawaychej, imaraykuchus noqamin Egiptomanta tukuy atiyniywan orqhomorqaykichej.

Deuteronomio 4:23

Allinta qhawakuychej, Tata Diosniykichej qankunawan tratota ruwasqanta ama qonqanaykichejpaj. Ama ni imaman rijch'akoj lantita ruwakunkichejchu. Tata Diosniykichejqa lantikunata ruwakunaykichejta mana munanchu.

Isaías 9:21

Manasés jatun aylloqa Efraín jatun aylluwan maqanakonqanku, iskayninkutaj Judá jatun aylloj contrantañataj sayarenqanku. Chaywanpis Tata Diospa k'araj phiñakuynenqa manarajpuni thasnukunchu, makintaj oqharisqallapuni kashan paykunata jasut'inanpaj.

Éxodo 6:29

Noqamin Tata Dios kani. Kunantaj qan rispa, Egiptopi kuraj kamachej faraonta niy, imatachus noqa nisqayki, chay tukuyta, nispa.

Éxodo 6:8

Chantá mayqen jallp'atachus Abrahamman, Isaacman, Jacobman ima tiluspa qonayta nerqani, chay jallp'aman noqa pusasqaykichej. Chay jallp'atataj qankunaman qopusqaykichej. Noqamin Tata Dios kani, nispa.

Éxodo 6:2

Chaymanta Tata Diosqa Moisesta ujtawan nillarqataj: Noqamin Tata Dios kani.

Isaías 9:12

12 (11) Siriokunaqa inti llojsimuynejmanta jamunku, inti yaykuynejmantataj filisteokuna jamunku. Chaykunataj Israelta ujllata simi junt'ata oqoykuspa chinkarqarichenqanku. Chaywanpis Tata Diospa phiñakuynenqa manarajpuni thasnukunchu, jasut'inanpaj wakichisqallapuni kashan.

Isaías 9:17

17 (16) Chayrayku Tata Dios waynakunamanta mana kusikunchu, manataj khuyanchu wajcha wawakunamanta, nitaj warmisapakunamantapis. Tukuyninku millayta ruwajkuna, juchasapataj kanku, jinallataj tukuyninku millay imakunallata parlanku. Chay tukuywanpis, Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Hechos 13:17

Israelitakunaj Diosnenqa ñawpa tatanchejkunata ajllarqa. Chantá Egiptopi waj llajtayoj jina tiyakushajtinku, Dios paykunata ashkhayacherqa. Chaymantataj jatun atiyninwan Egiptomanta paykunata orqhorqa.

Éxodo 1:11

Chayrayku Egipto llajtayojkunaqa israelitakunata sinch'i ruwanaman churanankupaj jilaqatakunata churarqanku. Jilaqatakunataj israelitakunawan iskay llajtakunata sayaricherqanku: Pitonta, Ramesestawan ima. Chay llajtakuna karqa faraón chajraj poqosqanta pirwachinanpaj.

Éxodo 2:11

Moisés ña yuyayninpiña kaspa, uj kuti israelita masinkunata waturikoj rerqa. Chantá sinch'i ruwanawan imaynatachus ñak'arichisqa kasqankuta rikorqa. Moisés rikullarqataj Egipto llajtayojqa uj llajta masin israelitata maqashajta.

Éxodo 12:41

Chay watakuna junt'akojtin, chay kikin p'unchaypi israelitakuna Tata Diospa soldadonkuna jina, Egiptomanta llojsiporqanku.

Éxodo 12:51

Chay kikin p'unchayllataj Tata Diosqa israelitakunata t'aqa t'aqapi t'aqasqata Egiptomanta orqhorqa.

Éxodo 13:3

Moisestaj israelitakunata nerqa: Kay p'unchaymanta yuyarikunkichej, imajtinchus kay p'unchayta Tata Diosqa Egiptopi wata runa kanamanta may jina atiyninwan orqhomusorqachej. Chayrayku kay p'unchaypi levadurawan ruwasqa t'antata ama mikhunkichejchu.

Éxodo 13:14

Qhepanejman sichus wawaykichej tapusunkichej: Imaraykutaj kayta ruwashanchejri? nispa chayqa, ninkichej: Tata Diosmin Egiptopi wata runa kashajtiyku, may jina atiyniywan orqhomuwarqayku.

Éxodo 16:6

Chantá Moiseswan, Aaronwan ima israelitakunata nerqanku: Kunan manaraj inti yaykushajtin, Egiptomanta qankunata Tata Diosmin orqhomususqanta yachankichej.

Éxodo 18:1

Madianmanta sacerdote Jetroqa Moisespa suegron karqa, paytaj uyarisqa Dios imatachus Moisesnejta israelitakunapaj ruwasqanta. Chantá uyarillasqataj israelitakunata Tata Dios imaynatachus Egiptomanta orqhomusqanta.

Deuteronomio 4:34

Uj diosllapis kanchu, uj suyuta tukuy suyoj chawpinkumanta ajllakoj, imaynatachus Tata Dios Egiptopi qankunawan ruwarqa, ajinata ruwajqa? Tata Diosmin ñawpaqeykichejpi tukuy imaymana t'ukunata ruwaspa, maqanakuspa, may jina atiyniyoj kasqanta rikuchispa, t'ukuspa mancharinapaj jina imakunata ruwarqa.

Deuteronomio 5:15

Qanqa Egiptopi wata runa kasqaykita yuyarikuy. Tata Diosniyki may jatun atiyninwan chaymanta orqhomusorqa. Chayrayku Tata Diosniyki kamachisunki, samarina p'unchaypi samarinaykita.

Deuteronomio 6:12

Jina kajtin amapuni Tata Diosta qonqapunkichejchu, imaraykuchus paymin Egiptopi wata runa kashasqaykichejmanta orqhomusorqachej.

Jeremías 21:5

Noqa kikiy qankunaj contraykichejpi tukuy atiyniywan maqanakoj sayaykusaj, kallpaywan, may sinch'i k'araj phiñakuyniywan ima.

Jeremías 32:21

Qanqa may jatun atiyniykiwan Israel aylluykita Egiptomanta orqhomorqanki. Runaj mana jayk'aj rikusqan t'ukunata ruwaspataj, tukuy runata mancharicherqanki.

Éxodo 3:8

Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Éxodo 7:5

Egipto llajtayojkunaj contrankuta atiyniyta rikuchispa, israelitakunata chaymanta orqhosaj. Chaypachataj Egipto llajtayojkuna yachanqanku noqamin Tata Dios kasqayta, nispa.

Éxodo 13:16

Chayrayku kay raymi ruwasqanchejqa makinchejpi, frentenchejpi ima k'illpasqa jina señal kanqa. Chay raymi kanqa yuyarikunanchejpaj Tata Dios may jina atiyninwan Egiptomanta orqhomuwasqanchejmanta, nispa. Ajinata Moisés Pascua raymimanta israelitakunaman yachacherqa.

Éxodo 32:11

Moisestajrí chayta uyarispa, Tata Diosninmanta mañakorqa: Tata Dios, imaraykutaj aylluykej contranpi chay jina k'arajtapuni phiñakuwajri? Qanmin paykunata sinch'i atiyniykiwan tukuy imaymana t'ukunata ruwaspa, Egiptomanta orqhomorqanki.

Deuteronomio 7:19

Yuyarikuychej Tata Diosniykichejqa runaj mana jayk'aj rikusqan t'ukuna imakunata ruwaspa, jinataj may jina atiyninwan Egiptomanta orqhomususqaykichejta. Chaykunata qankuna rikorqankichej. Ajinallatataj Tata Diosqa, qankuna manchachikushankichej, chay tukuy suyuwan ruwanqa.

Deuteronomio 9:29

Chaywanpis israelitakunaqa aylluyki kanku, qanpatamin. Qanmin jatun atiyniyoj kasqaykita rikuchispa, Egiptomanta paykunata orqhomorqanki, nispa.

Deuteronomio 11:2

Tata Dios cheqan ñanman churasunaykichejpaj jasut'isusqanta yuyarikuychej. Wawaykichejkuna chaykunata mana yachankuchu, nitaj rikorqankuchu. Yuyarikuychej ari, Diospa may jina atiyninmanta, t'ukuna ruwasqanmanta ima.

1 Reyes 8:42

imaraykuchus uyarenqanku sutiyki, atiyniykipis manchay jatun kasqanta. Sichus kay Temploykiman mañakusoj jamusunkuman chayqa,

Salmos 77:16

16 (17) Diosníy, qanta rikususpa, mama qocha manchachikusorqa. Chaypa may ukhu yakunpis kharkatiterqa.

Salmos 81:7

7 (8) Qan llakiyniykipi wajyakuwarqanki, noqataj qhespicherqayki, qhon qhon phuyu ukhumantataj uyarimorqayki. Chantá Meriba juturi kantupi maykamachus noqapi atinikuwasqaykita, yachayta munarqani, nispa.

Salmos 81:11

11 (12) Chaywanpis aylloyqa mana uyariwayta munarqachu, Israeltaj mana kasuwayta munarqachu.

Jeremías 27:5

Jatun atiyniywan noqa kay pachata, runakunata, kay pachapi kashanku, chay animalkunatapis ruwarqani. Chantá chay tukuy imata pimanchus munarqani, chayman qorqani.

Ezequiel 20:33

Noqa Tukuyta Kamachej Tata Dios tiluspa, nini: Jatun atiyniywan, k'araj phiñakuyniywan jasut'ispa, qankunata kamachisqaykichej.