Éxodo 5:6 - DIOSPA QHELQACHISQ

⁶ Chantá chay p'unchaypacha faraonqa sapa t'aqamanta kurajkunata, jinataj jilaqatakunatawan kay jinata kamacherqa:

Qheshwa Biblia DC

^6-7 Chay kikin diapacha faraonqa sapa t'aqamanta kaj kurajkunata, capatazkunatawan aswan sinch'ita kamacherqa, nispa: Kunanmanta ñaupajmanqa amaña ichhuta israelitasman qonkichejchu adobesta ruwanankupaj imaynatachus kunan qoshankichej jinataqa; manachayqa paykuna kikin rispa oqharikamuchunku ichhuta.

DIOSPA QHELQACHISQAN DEUTEROCANONICAL

⁶ Chantá chay p'unchaypacha faraonqa sapa t'aqamanta kurajkunata, jinataj jilaqatakunatawan kay jinata kamacherqa:

Éxodo 5:6 Referans Kwoze

Éxodo 5:19

Ajinata israelitakunaj jilaqatankukunaqa imatachus ruwanankuta mana yacharqankuchu, imaraykuchus faraón nisqa: Sapa p'unchay mayk'atachus adobe ruwanaykichejqa mana pisiyachisqachu kanqa, nispa.

Éxodo 5:10

Chantá sapa t'aqata kamachejkuna, jilaqatakuna ima rispa, israelitakunata nerqanku: Faraón kamachiwayku amaña ichhuta qankunaman qonaykuta.

2 Crónicas 26:11

Uziaspa soldadonkunata kamachej Jananiasqa kamacherqa kuraj kamachejpa qhelqerin Yeguielta, Yeguielpa yanapajnin Maseiastawan ima, soldadokunamanta listata oqharinankuta. Chay listaman jinaqa Uziaspata maqanakupaj wakisqa wapu soldadokunaqa tropa tropapi t'aqasqa maqanakuman llojsej kanku.

Josué 24:4

Isaacmantaj iskay churikunata qorqani, Jacobta, Esautawan. Esaumanqa Seirpi orqorara cheqata qorqani. Jacobtajrí wawankunawan ima Egiptoman riporqanku.

Josué 8:33

Chaymantaqa tukuy israelitakuna, waj llajtayojkuna ima, chantá kurajninkukuna, soldadokunata kamachejkuna, juezkuna ima Tata Diospa trato ruwasqan arcaj qayllanpi chimpapurantin sayarqanku, levita sacerdotekuna Diospa arcanta lijrasharqanku, chaykunaj ñawpaqenkupi. Chayqa Israel ayllu saminchasqa kananpaj karqa, Tata Diospa kamachin Moisés kamachisqanman jina. Khuskanqa Guerizín orqonejpi sayasharqanku, khuskantaj Ebal orqonejpi.

Deuteronomio 16:18

Tata Diosniykichej qosonqachej, chay llajtakunapi juezkunata, kurajkunatawan ima churankichej, paykuna tukuypaj justiciata ruwanankupaj.

Deuteronomio 1:15

Chantá sapa jatun aylluymanta yuyayniyoj yachayniyojkunata, chantá kawsay imachus kasqanta yachajkunata ajllasqaykichejta, qankunata kamachinasuykichejpaj paykunata churarqani. Wakinta waranqa runakunata kamachinankupaj churarqani, wakintataj pachajta, wakintataj phishqa chunkata, wakintataj chunkata kamachinankupaj. Wakinkunatatajrí sapa jatun ayllupi kuraj kamachejkuna kanankupaj churallarqanitaj.

Números 11:16

Chantá Tata Dios Moisesta nerqa: Israelitakunaj kurajninkumanta kasunapaj jina rejsisqaykimanta, qanchis chunka kamachejkunata Dioswan Tinkukuna Toldoman pusamuy. Chantá paykunata niy qanwan khuska suyanankuta.

Éxodo 3:7

Chantá Tata Dios nillarqataj: Noqa Egipto suyupi israelitakuna sonqo nanayta ñak'arishasqankuta rikuni. Jilaqatakuna jasut'ispa, imaynatachus waqachisqankutapis uyarini. Imaynatachus llakikushasqankuta yachallanitaj.

Éxodo 1:11

Chayrayku Egipto llajtayojkunaqa israelitakunata sinch'i ruwanaman churanankupaj jilaqatakunata churarqanku. Jilaqatakunataj israelitakunawan iskay llajtakunata sayaricherqanku: Pitonta, Ramesestawan ima. Chay llajtakuna karqa faraón chajraj poqosqanta pirwachinanpaj.

Proverbios 12:10

Cheqan runaqa uywankunata allinta qhawan, millayta ruwaj runarí uywankunata mana khuyanchu.

Josué 24:1

Aswan qhepaman Josueqa tukuy Israel jatun ayllukunata Sichem llajtapi tantacherqa. Wajyarqa kuraj runakunata, kamachejkunata, juezkunata, chantá qhelqerikunata ima Tata Diosta yupaychana cheqapi tantakunankupaj.

Éxodo 5:7

Kunanmantaqa israelitakuna adobenankupaj amaña ichhuta qonkichejchu, imaynatachus kunankama qosharqankichej, jinataqa. Manachayqa paykuna kikinku ichhuta pallakamuchunku.