Éxodo 4:31 - DIOSPA QHELQACHISQ

³¹ Jinapi israelitakuna paykunaj nisqankuta jap'ikorqanku. Chantá Tata Dios israelitakunamanta yuyarikusqanta, ñak'arisqankutapis rikusqanta ima yachaspa, tukuyninku qonqoriykukorqanku, Diostataj yupaycharqanku.

Qheshwa Biblia DC

³¹ Israelitastaj creerqanku chay nisqanta. Yachaspa Señorqa Israelpa wawasninmanta yuyarikusqanta llakiyninkuta rikusqanta. Jinaspataj tukuyninku qonqoriykukuspa Señorta yupaycharqanku.

DIOSPA QHELQACHISQAN DEUTEROCANONICAL

³¹ Jinapi israelitakuna paykunaj nisqankuta jap'ikorqanku. Chantá Tata Dios israelitakunamanta yuyarikusqanta, ñak'arisqankutapis rikusqanta ima yachaspa, tukuyninku qonqoriykukorqanku, Diostataj yupaycharqanku.

Éxodo 4:31 Referans Kwoze

Éxodo 3:18

Qan Moisés, ajinata nejtiyki, israelitakunaj kurajninkuna kasusonqanku. Chantá kurajkunawan khuska Egiptopi kuraj kamachejmanñataj rispa, ninkichej: Tata Dios, israelitakunaj Diosnin rikhuriwayku. Chayrayku kinsa p'unchay puriyta ch'innejman risqayku, Tata Diosman uywata ñak'aspa, jaywamunaykupaj, nispa.

San Lucas 8:13

Rumirara jallp'api t'akasqa mujurí ninakun, pikunachus Diospa simi nisqanta uyariytawan kusiywan jap'inku, chaykunaman. Chaywanpis paykuna mana allin saphichasqa kasqankurayku, pisi p'unchayllata Diospi atinikunku, llakiy qhatejtintaj, qhepaman kutiripunku.

Éxodo 12:27

qankuna ninkichej: Kay uywaqa Pascuapi Tata Diospa sutinpi ñak'aspa jaywanapaj kashan. Payqa Egipto llajtayojkunaj kuraj kaj churinkukunata wañuchishajtin, israelitakunaj wasinkuta pasallarqa. Ajinata ruwaspa, Diosqa mana wañuchisqa kanaykumanta jark'akuwarqayku, nispa wawaykichejman ninkichej. Moisés parlayta tukojtinkamataj, israelitakuna qonqorikuspa, Tata Diosta yupaycharqanku.

Éxodo 3:16

Chantá qan rispa, israelitakunaj kurajninkunata tantanki, paykunatataj ninki: Ñawpa tataykichejkunaj Diosnin, Abrahampata, Isaacpata, Jacobpata ima rikhuriwaspa, kay jinata nisunkichej: Noqaqa mana qankunamanta qonqakunichu, jinataj rikuni Egipto llajtayojkuna imaynatachus qankunata ñak'arichisusqaykichejta.

Éxodo 2:25

Chayrayku pay israelitakuna imaynatachus ñak'arishasqankuta rikuspa, paykunamanta khuyakorqa.

Génesis 24:26

Chantá kamacheqa qonqoriykukuspa, Tata Diosta kay jinata yupaycharqa:

1 Crónicas 29:20

Chantá Davidqa tukuy israelitakunata nerqa: Kunanqa qankunañataj Tata Diosta yupaychaychej, nispa. Chantá tantasqa israelitakunaqa ñawpa tatankoj Tata Diosninkuta yupaycharqanku, chantá Tata Diospa ñawpaqenpi, jinataj kuraj kamachejpa ñawpaqenpiwan qonqoriykukuspa, pampakama k'umuykorqanku.

Éxodo 3:7

Chantá Tata Dios nillarqataj: Noqa Egipto suyupi israelitakuna sonqo nanayta ñak'arishasqankuta rikuni. Jilaqatakuna jasut'ispa, imaynatachus waqachisqankutapis uyarini. Imaynatachus llakikushasqankuta yachallanitaj.

San Lucas 1:68

Yupaychasqa kachun Israelpa Tukuyta Kamachej Diosnin, imaraykuchus pay jamun awqankoj makinmanta paykunata kacharichej.

2 Crónicas 20:18

Chaypacha Josafatqa qonqoriykukuspa, pampakama k'umuykorqa. Judamanta, Jerusalenmanta kajkunapis jinallatataj Tata Diospa ñawpaqenpi pampakama k'umuykukorqanku, payta yupaychaspa.

Génesis 17:3

Chantá Abram pampakama k'umuykorqa. Diostaj payta nillarqataj:

Génesis 29:32

Ajinaqa Lea Jacobpaj onqoj rikhurerqa, paqarichikuspataj, wawanta “Rubén” sutiwan suticharqa. Pay nerqa: Tata Dios llakisqa kasqayta rikuwan. Chayrayku qosay munakuwanqa paypaj wawata rejsisqayrayku, nispa.

Génesis 50:24

Uj kuti Joseqa wawqenkunata nerqa: Noqaqa wañupusajña. Diostajrí qankunata yanapaspa, kay jallp'amanta orqhosonqachej. Chaymantataj, ima jallp'atachus Abrahamman, Isaacman, Jacobman ima tiluspa, qonanta nerqa, chay jallp'aman pusasonqachej, nispa.

Éxodo 4:5

Tata Diostaj nillarqapuni: Chayta rikuspa, paykuna yachanqanku ñawpa tataykichejkunaj Tata Diosnin, Abrahampata, Isaacpata, chantá Jacobpata ima, qanman rikhurisqayta, nispa.

Éxodo 14:31

Chaypacha israelitakunaqa Tata Dios Egipto llajtayojkunaj contrankuta may jina t'ukunata ruwasqanta rikorqanku. Chayrayku payta may jatun respetowan qhawarqanku. Chantá Tata Diospi, jinataj kamachin Moisespipis atinikorqanku.

Éxodo 19:8

Chayta uyarispataj, tukuynin israelitakuna uj kunkalla nerqanku: Tata Diospa tukuy nisqanta kasusqayku, nispa. Moisestaj orqoman kutispa, israelitakuna imatachus nisqankuta Tata Diosman willamorqa.

Éxodo 19:9

Chantá Tata Dios payta nerqa: Noqa yanayarishaj phuyupi qanwan parlaj jamusaj. Ajinamanta israelitakuna qanwan parlasqayta uyarenqanku, wiñaypaj qanmanta ama iskayrayanankupaj, nispa. Chantá Moisés israelitakuna imatachus nisqankuta uj kutitawan Tata Diosman willallarqataj.

Éxodo 34:8

Chantá Moisesqa usqhay usqhayta pampakama k'umuykukuspa, Tata Diosta yupaycharqa:

Rut 1:6

Moab suyupi tiyakushaspa, Noemí uyarerqa Tata Diosqa ayllunmanta khuyakuspa, chay yarqhay watakunata tukuchisqantaña.

Nehemías 8:6

Jinapi Esdrasqa Tukuy Atiyniyoj Tata Diosta yupaycharqa, tukuy runataj makinkuta oqharispa, kuticherqanku: Ajina kachun, ajina kachun, nispa. Chaymantataj pampakama k'umuykuspa, Tata Diosta yupaycharqanku.

Sofonías 2:7

Judá suyumanta puchojkunaqa chay llajtayojkunaj suyunkuta jap'ikaponqanku, imaraykuchus Tata Diosninku paykunata yanapaj jamonqa. Chantá paykunata waj suyuman apasqa kasqankumanta kutichimonqa. Jaqaypitaj Judamanta kajkuna ovejankuta michenqanku. Tutantaj Ascalonpi kaj wasikunapi samarikonqanku.

Éxodo 33:10

Dioswan tantakuna toldo punkupi phuyuta sayashasqanta rikuspataj, tukuy israelitakuna toldonku punkupi pampakama k'umuykuspa, Diosta yupaychaj kanku.

2 Crónicas 7:3

Tata Diospa jatun kayninpa lliphipiyninta Templo pataman urayk'amojta, chantá nina urmamojta rikuspa, tukuy israelitakuna pampakama k'umuykorqanku. Jinaspataj, Tata Diosta yupaycharqanku: Tata Diosqa may k'achamin, khuyakuynintaj wiñaypajmin, nispa.

2 Crónicas 32:8

Asiriamanta kuraj kamachejqa runaj kallpallanpi atinikushan. Noqanchejwantajrí Tata Dios kashan, paytaj noqanchejrayku maqanakonqa, nispa. Judata kuraj kamachej Ezequiaspa parlasqanta uyarispataj, soldadokunaqa mayta kallpachakorqanku.

Job 1:20

Chayta uyariytawan, Jobqa manchay llakisqa sayarispa, p'achanta llik'irakorqa, chujchantapis raphakorqa. Chantá pampakama k'umuykukuspa, Diosta yupaycharqa.