Éxodo 4:21 - DIOSPA QHELQACHISQ

²¹ Chaymanta Tata Diosqa Moisesta nillarqataj: Egiptoman kutispa, faraonpa ñawpaqenpi kamachisusqayman jina t'ukuna ruwanaykita ruwankipuni. Noqatajrí faraonpa sonqonta rumiyachisaj, paytaj israelitakunata mana kachariyta munanqachu.

Qheshwa Biblia DC

²¹ Chantaqa Señor nillarqataj Moisesman: Egiptoman kutispa faraompa ñaupaqempi kay t'ukunasta qosusqayta, ruwankipuni atiyta qosusqaywan. Noqataj faraompa sonqonta rumiyachisaj, paytaj israelitasta mana llojsejta saqenqachu.

DIOSPA QHELQACHISQAN DEUTEROCANONICAL

²¹ Chaymanta Tata Diosqa Moisesta nillarqataj: Egiptoman kutispa, faraonpa ñawpaqenpi kamachisusqayman jina t'ukuna ruwanaykita ruwankipuni. Noqatajrí faraonpa sonqonta rumiyachisaj, paytaj israelitakunata mana kachariyta munanqachu.

Éxodo 4:21 Referans Kwoze

Romanos 9:18

Ajinamanta yachanchej Diosqa pimantachus khuyakuyta munan, chaymanta khuyakusqanta. Jinallataj pejpa sonqontachá rumiyachiyta munan, chaypa sonqonta rumiyachin.

Isaías 63:17

Imajtintaj, Tata Dios, ñanniykikunamanta pantanaykuta saqenkiri? Imaraykutaj sonqoykuta rumiyachiwaykuri, amaña qanta jatun respetowan qhawasunaykupajri? Noqayku kamachiykikunata munakusqaykirayku qhawarimuwayku. Noqayku chayaqeyki aylluykimantaj kutirikamuwayku.

Josué 11:20

Tata Diospuni chay llajtayojkunaj sonqonkuta rumiyacherqa, israelitakunawan maqanakoj sayaykunankupaj. Ajinata Diosqa israelitakuna mana khuyakuspa tukuyninta wañuchinankupaj ruwarqa, Tata Dios Moisesman kamachisqanman jina.

San Juan 12:40

Diosqa ñawinkuta ñawsayacherqa, sonqonkutataj rumiyacherqa, ñawinkuwan ama rikunankupaj, nitaj sonqonkuwan unanchaspa, noqaman kutirikamunankupaj, noqa paykunata qhaliyachinaypaj, nispa.

Éxodo 14:8

Chaypacha Tata Dios Egiptota kuraj kamachejpa sonqonta ujtawan rumiyacherqa soldadonkunawan israelitakunata qhatiykunanpaj, imaraykuchus israelitakuna Egiptomanta may jina atiywan llojsisqanku.

Éxodo 9:35

Faraón sonqonta rumiyachispa, mana israelitakunata kacharipuyta munarqachu, Tata Dios Moisesnejta nisqanman jina.

Éxodo 9:12

Chay tukuywanpis Moisesman Tata Dios nisqanman jina, faraón astawan sonqonta rumiyacherqa. Chayrayku Moisesta, Aarontawan ima mana kasuta ruwarqachu.

Éxodo 7:13

Chayta rikuspapis, faraón sonqonta astawan rumiyacherqa, Tata Dios nisqanman jinataj pay Moisesta, Aaronta ima mana kasuta ruwarqachu.

Éxodo 3:20

Chayrayku noqaqa sinch'i atiyniyoj kasqayta rikuchisaj. Tukuy imaymana t'ukunata ruwaspa, Egipto llajtayojkunata ñak'arichisaj. Chaymantaraj ripojta saqesonqachej.

Éxodo 10:20

Chaywanpis Tata Diosqa faraonpa sonqonta ujtawan rumiyachillarqataj, israelitakunata mana kacharipunanpaj.

Éxodo 7:3

Noqatajrí faraonpa sonqonta rumiyachisaj, Egipto suyupitaj runaj mana jayk'aj rikusqan t'ukuna imakunata ruwasaj.

Isaías 6:10

Kay runakunaj sonqonkuta rumiyachiy, ninrinkutapis wisq'aykuy, ñawinkutapis ñawsayachiy. Ajinamanta ñawinkuwan mana rikonqankuchu nitaj ninrinkuwan uyarenqankuchu, manallataj entiendenqankuchu. Ajinamanta mana noqaman kutirikamonqankuchu qhaliyachisqa kanankupaj, nispa.

Éxodo 14:4

Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

1 Pedro 2:8

Wajnejpi nillantaj: Chay rumeqa misk'achej rumiman tukun, urmachej rumimantaj, nispa. Chay rumipi ashkha misk'anku, imaraykuchus Diospa nisqanta mana jap'ikuyta munankuchu. Chayraykumin misk'anankupaj churasqa karqanku.

2 Corintios 2:16

Chinkayman rejkunapajqa chay q'apayqa wañuypa q'apaynin jina. Jesucristopi atinikojkunapajrí chay q'apayqa kawsaypa ima munay q'apaynin jina. Jina kajtenqa, pitaj chay ruwanata junt'ananpaj jina kanmanri?

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

Salmos 105:25

Chantá Diosllataj Egipto llajtayojkunaj sonqonkuta uj jinaman tukucherqa ayllunta chejninankupaj, Tata Diospa kamachinkunaj contrankuta mana allinta ruwayta yuyanankupaj.

1 Reyes 22:22

Chay espiritutaj nerqa: Noqaqa rispa, kuraj kamachejpa tukuynin sut'inchajninkunata llullata parlachisaj, nispa. Tata Diostaj nerqa: Rispa, nisqaykiman jina Ajabta q'otiyamuy. Chayta ruwaspa, pusayta atinki, nispa.

Deuteronomio 2:36

Aroer llajtamantapacha, Arnón mayu chimpapi valle kashan, chaypi kaj llajtamantapacha, Galaad llajtakama tukuyninta jap'erqanchej. Tukuy chay llajtakunata Tata Diosqa makinchejman jaywaykuwarqanchej.

Génesis 6:3

Chayta rikuspa, Tata Dios nerqa: Runakuna kay pachapi wiñaypaj kawsanankuta mana saqesajchu, imaraykuchus paykunaqa wañoj runalla kanku. Chayrayku 120 watallataña kawsanqanku, nispa.

Éxodo 8:32

32 (28) Chaywanpis faraón uj kutitawan sonqonta rumiyachispa, israelitakunata mana kachariporqachu.

Éxodo 10:1

Chantá Tata Dios Moisesta nerqa: Riy faraonwan parlaj, imaraykuchus noqa paypa sonqonta, jinallataj yanapajninkunaj sonqonkutapis rumiyachini. Ajinata runaj mana jayk'aj rikusqan t'ukunata ruwasaj, atiyniyoj kasqayta rikuchinaypaj.

Éxodo 10:27

Tata Diosrí ujtawan faraonpa sonqonta rumiyachillarqataj, israelitakunata ama kacharipuyta munananpaj.

Éxodo 11:9

Ajina karqa, imajtinchus Tata Dios Moisesta nisqaña: Faraonqa manapuni kasusonqachejchu. Chayrayku Egipto suyupi t'ukunapaj jina astawanraj ruwasaj, nispa.

Éxodo 11:10

Moiseswan, Aaronwan ima faraonpa rikunanta t'ukunapaj jina may chhika imakunata ruwarqanku. Tata Diostajrí faraonpa sonqonta rumiyacherqa, chayrayku israelitakuna Egiptomanta ripunankupaj mana kacharipuyta munarqachu.

Salmos 78:43

Tata Diosqa Egipto suyupi, Soán cheqapi t'ukuna señalkuna ruwasqanta mana yuyarikorqankuchu.

Éxodo 3:19

Chaywanpis noqa yachaniña Egiptopi kuraj kamachejqa mana rinaykichejta munananta. Manachayqa pay sinch'i mat'iykusqa kasparaj rejta saqesonqachej.

Éxodo 8:11

(6-7) K'aylankulakunata qanmanta, wasiykimanta, yanapajniykikunaj wasinkumanta, jinataj runaykikunaj wasinkumanta riponqanku. Chantá mayullapiña kanqanku, nispa.

Éxodo 8:15

15 (11) Jinapis, Tata Diospa nisqanman jina, faraón manaña imapis kasqanta rikuspa, sonqonta astawan rumiyacherqa. Chayraykutaj Moisesta, Aarontawan ima mana kasorqachu.

Éxodo 14:17

Noqataj Egipto llajtayojkunaj sonqonkuta rumiyachisaj, qhepaykichejta qhatiykamusunaykichejpaj. Chantá faraonta, soldadonkunata, carretapi, jinataj caballopi soldadonkunatawan atipaykusaj. Ajinamanta noqa may jina atiyniyoj kasqayta rikuchisaj.