Éxodo 4:14 - DIOSPA QHELQACHISQ

¹⁴ Jinapi Tata Diosqa Moisespaj phiñarikuspa, nerqa: Leví jatun ayllumanta wawqeyki Aarón yanapasunanpaj kashan. Noqa yachani pay sumajta parlayta yachasqanta. Payqa ñapis taripasoj jamushanña, rikususpataj, manchayta kusikonqa.

Qheshwa Biblia DC

¹⁴ Señorqa Moisespaj phiñarikuspa nerqa: Chaypaj kashan wauqeyki Aarón, Levita. Noqa yachani, payqa sumajta runasman parlayta yachasqanta, chantapis payqa ñapis jamushanña taripasoj, rikususpataj payqa mayta sonqompi kusikonqa.

DIOSPA QHELQACHISQAN DEUTEROCANONICAL

¹⁴ Jinapi Tata Diosqa Moisespaj phiñarikuspa, nerqa: Leví jatun ayllumanta wawqeyki Aarón yanapasunanpaj kashan. Noqa yachani pay sumajta parlayta yachasqanta. Payqa ñapis taripasoj jamushanña, rikususpataj, manchayta kusikonqa.

Éxodo 4:14 Referans Kwoze

1 Crónicas 21:7

Jinallataj Diosmanqa David imatachus ruwasqanqa mana allinchu rijch'arqa. Chayrayku Diosqa israelitakunata llakiykunawan ñak'aricherqa.

Éxodo 4:27

Chaykamataj, Tata Dios Aaronta nerqa: Riy ch'innejman wawqeyki Moisesta taripaj, nispa. Paytaj kachaykukuspa, Diospa orqon nisqa, chaynejpi Moisesta taripamorqa. Napaykuspataj, wawqenta much'aykorqa.

Filipenses 2:21

Wajkunarí paykunaj allinnillankuta mask'anku, manataj Cristo Jesuspa munasqantachu.

2 Corintios 2:13

Noqaj sonqoytajrí mana samariyta aterqachu, imaraykuchus wawqey Tito manaraj chayamorqachu qankunamanta willanawanpaj. Chayrayku chay wawqe panakunata: Uj p'unchaykama kachun, nispa, noqa Macedoniaman purirerqani.

Hechos 15:28

Santo Espirituman, noqaykumanpis kayqa allin rijch'awayku: Noqaykoqa Moisespa kamachisqantaqa mana llasa q'epita jina qankunaman q'epirichiyta munaykuchu. Manachayqa kayllata junt'anaykichejta munayku:

1 Reyes 11:9

Chayrayku Tata Diosqa Salomonpaj phiñakorqa, paypa sonqon israelitakunaj Tata Diosninkumanta karunchakusqanrayku, pichus payman iskay kutita rikhurisqa, chaymanta.

2 Samuel 6:7

Chaypacha Tata Diosqa Uzapaj phiñakorqa, chay arcata mana manchachikuspa jap'iykusqanmanta. Diosqa chay kikinpi Uzata wañurparicherqa. Uzataj Diospa arcan qayllapi wañusqa choqakorqa.

Éxodo 4:17

Jinallataj kay varata apanki, chaywan t'ukuna imakunata ruwanaykipaj, nispa.

Éxodo 4:13

Moisestajrí kuticherqa: Ay, Diosníy, wajllata kachawaj karqa ari, nispa.

Josué 24:5

Jacobpa miraynin Egiptopi kashajtinku, Moisesta, Aarontawan ima kacharqani. Chantá Egipto llajtayojkunata wañuchej onqoykunawan ñak'aricherqani, chaymanta qankunata orqhomunaykama.

1 Samuel 2:27

Chaypacha Diosmanta sut'inchaj uj runa Elita watukoj jamorqa, nerqataj: Tata Diosqa kay jinata nisunki: Ñawpa tataykikuna, aylluntin ima Egiptopi faraonpa wata runan kashajtinku, sut'imanta paykunaman rikhurerqani.

1 Samuel 12:8

Maypachachus Jacob aylluntin Egiptoman rerqanku chaypacha, Egipto llajtayojkuna paykunata ñak'aricherqanku, ñawpa tataykichejkunataj llakiyninkupi Tata Diosman qhaparikorqanku. Chantá Tata Dios Moisesta, Aarontawan kacharqa, paykunataj ñawpa tataykichejkunata Egipto suyumanta orqhomuspa, kay jallp'aman pusamorqanku.

Salmos 105:26

Chaymanta Tata Diosqa kamachin Moisesta, chantá ajllasqan Aarontawan kacharqa.

Números 12:2

Chantá nillarqankutaj: Tata Diosqa mana payllawanchu parlan. Noqaykuwanpis parlallantaj, nispa. Tata Diostaj chayta uyarerqa.