Éxodo 34:6 - DIOSPA QHELQACHISQ

⁶ Moisespa ñawpaqenta pasashaspataj, jatunmanta qhaparispa, nerqa: Noqa Tata Dios kani, khuyakuyniyoj, k'acha sonqoyojtaj, pacienciayoj, mana imamantapis usqhayta phiñarikoj Dios. Noqaqa may jina munakuyniyoj kani, jinallataj cheqamin.

Qheshwa Biblia DC

⁶ Jinamanta Señor Moisespa ñaupaqenta pasarqa qhaparispa: Señor, Señor, wiñaypaj Dios, khuyakuyniyoj, k'acha sonqoyoj, llamp'u sonqo, mana imamantapis k'ajajta phiñakojlla. Chantaqa jatun khuyakuypi, jinallataj cheqa kaypipis.

DIOSPA QHELQACHISQAN DEUTEROCANONICAL

⁶ Moisespa ñawpaqenta pasashaspataj, jatunmanta qhaparispa, nerqa: Noqa Tata Dios kani, khuyakuyniyoj, k'acha sonqoyojtaj, pacienciayoj, mana imamantapis usqhayta phiñarikoj Dios. Noqaqa may jina munakuyniyoj kani, jinallataj cheqamin.

Éxodo 34:6 Referans Kwoze

Salmos 86:15

Qanrí, Tukuyta Kamachej Dios, khuyakoj sonqoyoj kanki, mana usqhayta phiñarparikoj, may jina munakuyniyoj, cheqa kajtaj.

Joel 2:13

Sinch'i llakisqa kasqaykichejmanta p'achaykichejta llik'inaykichejtaqa sonqoykichejta p'akikuychej, nispa. Tata Diosniykichejman kutirimpuychej, imaraykuchus Tata Diosqa may khuyakuyniyoj, jatun sonqoyojtaj. Jinallataj pay may pacienciayoj, tukuy munakuyniyojtaj. Jasut'inan kashajtinpis, payqa runaj juchanta pampachan.

Salmos 145:8

Tata Diosqa wawa sonqoyoj, khuyakuyniyojtaj. Mana phiñakullanchu, nitaj munakuyninpis tukukunchu.

Nehemías 9:17

Mana kasukuyta munarqankuchu, nitaj yuyarikorqankuchu t'ukuna imakunata paykunata khuyaspa ruwasqaykimanta. Aswanpis may rumi sonqo kasqankurayku, Egiptopi wata runa kayman kutiripunankupaj uj kamachejta churakorqanku. Chaywanpis qanqa juchata pampachayta yachaj Diosmin kanki, llamp'u sonqo, khuyakuyniyoj, munakuyniyojtaj. Chayrayku paykunataqa mana saqerparerqankichu.

Jonás 4:2

Chantá Tata Dioswan parlarikuspa, kay jinata nerqa: Ay, Tata Dios, kaytamá nerqani llajtaypi kashaspallaraj. Chayrayku Tarsisman ayqerqani. Yachani ari, khuyakuyniyoj, jatun sonqoyoj, mana usqhayllata phiñakoj, chhikatapuni munakoj Dios ima kasqaykita. Yachallarqanitaj qan: Chay runakunata millayta ruwasqankumanta jasut'isaj, nishaspapis, mana jasut'inaykita.

Salmos 86:5

Tukuyta Kamachej Dios, qan k'acha kanki, runaj juchanta qhespichiyta yachanki, qanta wajyakojkunapajtaj jatun munakuyniyoj kanki.

2 Crónicas 30:9

Sichus qankuna Tata Diosman kutirikunkichej chayqa, aylluykichejkunata, wawaykichejkunata preso apajkunaqa paykunamanta khuyarikuspa, llajtankuman kutimpojta saqenqanku, imaraykuchus Tata Diosninchejqa may munakuyniyojmin, khuyakuyniyojtaj. Manataj qankunata qhesachasonqachejchu sichus qankuna payman kutiripunkichej chayqa, nispa. Ajinata kuraj kamachej Ezequías cartapi israelitakunata nerqa.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Deuteronomio 5:10

Pikunachus noqata munakuwaspa, kamachisqayta kasunku chaykunatarí, tukuy wawankuta k'acha kayninwan qhawasaj.

Salmos 138:2

Temployki qhawarisqa qonqorikuspa, khuyakuyniykimanta, cheqan kasqaykimanta ima pachis niyki, imaraykuchus sutiykita, simi nisqaykitawan tukuy imamanta astawan pataman churarqanki.

Salmos 116:5

Tata Diosqa cheqanpuni, khuyakojtaj. Diosninchejqa wawayaj sonqoyojmin.

Salmos 108:4

4 (5) Khuyakuyniykeqa janajmantapis aswan jatun, cheqan kasqaykitaj patakama chayan.

Romanos 2:4

Ajinata ruwaspa, qanqa Diospa qhapaj khuyakuyninta qhesachashanki, paciencianta, jatun munakuyninta ima. Manachu yachanki munakuynenqa Diosman kutirikunaykipaj qanta pusashasusqanta?

Salmos 111:4

Tata Diospa sumaj ruwasqanqa mana qonqanapaj jinachu. Tata Diosqa wawa sonqo, khuyakuyniyojtaj,

Salmos 112:4

Cheqanta ruwaspa purejkunapaj laqhayaypi k'anchay lliphipin. Paykuna khuyakoj, cheqan sonqoyoj, wawa sonqotaj kanku.

Salmos 57:10

10 (11) imajtinchus munakuyniykeqa janajkama chayan, cheqa kayniykitaj phuyukama.

Éxodo 22:27

27 (26) Ajinata ruwanki, imaraykuchus ukhunta mayt'ukunanpaj chaylla tiyapun. Mana kutichipojtiyki, imawantaj qhataykukonqari? Paychus qhaparikamuwanqa chayqa, noqa uyarisaj, imaraykuchus noqaqa khuyakuyta yachajmin kani.

Miqueas 7:20

Tata Dios, Jacobman imatachus nisqaykita ama qonqaychu, nitaj Abrahamta khuyakusqaykitapis, imaynatachus ñawpa tataykuman tiluspa nerqanki, ajinata.

Lamentaciones 3:23

Sapa paqarin mosojyan. Tata Diosníy, nisqaykita junt'ajpuni kanki.

San Juan 1:17

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

Salmos 91:4

Lijranwan qhataykusonqa, chay urapitaj sumaj pakasqa kanki. Cheqa kayninpis escudo jina jark'allasonqataj.

Salmos 31:19

19 (20) Qanta yupaychasojkunapaj munakuyniykeqa may jinamin. Sumaj waqaychasqa qolqeta jina munakuyniykita paykunapaj jallch'anki. Chantá tukuy runaj rikunankuta qanpi atinikojkunaman munakuyniykita rikuchinki.

Isaías 12:4

Chaypacha ninkichej: Tata Diosman pachis nispa, sutinta yupaychaychej. Imatachus ruwasqanta tukuy runaman willamuychej, jinallataj Tukuy Atiyniyoj kasqanmantapis willallaychejtaj.

Salmos 111:8

Kamachisqankunaqa cheqanmin kanku, tukuy sonqo kasunapaj jina.

1 Reyes 19:11

Tata Diostaj nerqa: Llojsimuy jawaman, kay orqo patapitaj ñawpaqeypi sayay, nispa. Chantá chaypacha Tata Diosqa chaynejta pasarqa. Uj sinch'i wayra orqokunata lajraspa, chhankata urmaracherqa. Tata Diostajrí mana chay wayrapichu kasharqa. Chay wayraj qhepantataj jallp'a ikhakuy karqa. Tata Diostajrí manallataj chay jallp'a ikhakuypichu kasharqa.

Salmos 146:6

Payqa janajta, kay pachatapis ruwarqa, mama qochata, tukuy chaypi kajkunatawan. Paytaj nisqanta mana qonqaspa junt'anpuni.

Santiago 5:11

Noqanchejqa, pikunachus ñak'arishaspa pacienciawan sinch'ita sayanku, chaykunata mayta jatunchanchej. Qankuna uyarerqankichej Job imaynatachus ñak'arishaspa sinch'ita sayasqanmanta. Yachallankichejtaj Tukuyta Kamachej Diosqa qhepanejman payta mayta yanapasqanta, imaraykuchus Tukuyta Kamachej Diosqa jatun sonqoyoj, may khuyakuyniyojtaj.

Éxodo 20:5

Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Éxodo 33:19

Tata Diostaj kuticherqa: Noqa tukuy k'acha kasqayta ñawpaqeykipi rikuchisqayki, uyarinaykitataj sutiyta oqharisaj. Noqa khuyakusaj pitachus khuyakuyta munasqayta, yanapasajtaj pitachus yanapayta munasqayta.

Deuteronomio 4:31

Tata Diosniykichejqa manchay khuyakuyniyoj kasqanrayku, mana saqerparisonqachejchu, nitaj chinkachisonqachejchu, nillataj ñawpa tataykichejkunawan tiluspa trato ruwasqanta qonqaponqachu.

Deuteronomio 32:3

Noqaqa Tata Diospa sutinta jatunchasaj. Tata Diosninchejpa sutinta yupaychasaj.

1 Reyes 8:30

Kay Templo qhawarisqa, noqa kamachiykej mañakusqayta, Israel aylluykej mañakusqantapis uyariy ari. Janaj pachapi tiyakunki, chaymantapacha uyariwayku, juchaykutataj pampachay.

Eclesiastés 8:11

Millayta purej runata mana usqhayta jasut'ejtinkoqa, astawan millayta ruwanaman qokun.

Isaías 65:16

Pipis kay suyupi wajta saminchayta munajqa noqa cheqa kaj Diospa sutinpi payta saminchanqa. Pichus tiluyta munajqa noqa cheqa kaj Diospa sutinrayku tilonqa. Qallariymantapacha ima llakiykunachus karqa, chaykuna qonqasqa kanqanku, manataj ujtawan rikunaypaj pakasqa kanqa.

Jeremías 9:24

24 (23) Sichus pipis runaykachayta munanman chayqa, noqata rejsiwasqanmanta, kasuwasqanmanta ima runaykachachun. Noqa Tata Dios pichus kasqayta yachachun. Noqaqa kay pachapi imatapis ruwani khuyakuywan, justiciawan, cheqa kaywantaj, imaraykuchus chaymin sonqoyta kusichin. Noqa Tata Diosmin chayta nini.

Jeremías 32:18

Qanmin may chhika runakunaman khuyakuyniykita rikuchinki, jinapis runakunata tatankoj mana allin ruwasqanmanta jasut'inki. Tata Dios, may Jatun Atiyniyoj kanki, sutiykeqa Tukuy Atiyniyoj Tata Diosmin.

Nahúm 1:3

Tata Diosqa mana usqhayllatachu phiñakun. Chaywanpis payqa may atiyniyoj, chayraykutaj juchallejkunata jasut'enqapuni. Tata Dios sinch'i para wayrapi purin, phuyupis chakin urapi jallp'a jinalla.

Génesis 24:27

Patronniy Abrahampata Tata Diosnin, yupaychasqa kay, imajtinchus qanqa patronniywan k'acha karqanki, jinataj nisqaykita junt'anki. Qanllamin ayllunpa wasinman pusamuwarqanki, nispa.

Números 12:8

Paywanqa uyapura sut'ita parlani, mana pakaypi jinachu. Paytaj rijch'ayniyta rikun. Jina chayqa, imaraykutaj paypa contranta rimayta, mana manchachikorqankichejchuri? nispa.

2 Samuel 24:14

Davidtaj Gadman kuticherqa: Imatachus ninayta mana yachanichu. Chaywanpis aswan walej kanman kikin Tata Diospa makinman urmanayku, paypa khuyakuynin may jatun kasqanrayku, amataj runaj makinman urmanaykupaj, nispa.

Proverbios 3:3

Khuyakuytawan, cheqa kajtawan ama jayk'ajpis saqeychu. Qanqa chaykunata apaykachay uj walqapis kanman jinata. Chaykunatataj sonqoykipi ukhupi t'illmiykuy.