Éxodo 34:24 - DIOSPA QHELQACHISQ

²⁴ Noqataj ñawpaqeykichejmanta waj suyukunapi tiyakojkunata qharqosaj, jallp'aykichejtataj astawan jatunyachisaj. Chayrayku watapi kinsa kutita Tata Diosniykichejta yupaychaj jamunaykichejkamaqa, mana pipis jallp'aykichejta qhechuyta munaspa yaykumonqachu.

Qheshwa Biblia DC

²⁴ Ñaupaqeykichejmanta waj nacionesta qharqosaj, jallp'asniykichejtataj astawan jatunyachisaj. Chay jallp'asniykichejtaqa ni pipis munapayanqachu, chayri jap'ikaponqachu, qankuna watapi kinsa kutita Señor Diosniykichejman qayllakunkichej chayqa.

DIOSPA QHELQACHISQAN DEUTEROCANONICAL

²⁴ Noqataj ñawpaqeykichejmanta waj suyukunapi tiyakojkunata qharqosaj, jallp'aykichejtataj astawan jatunyachisaj. Chayrayku watapi kinsa kutita Tata Diosniykichejta yupaychaj jamunaykichejkamaqa, mana pipis jallp'aykichejta qhechuyta munaspa yaykumonqachu.

Éxodo 34:24 Referans Kwoze

Salmos 78:55

Diosqa chaypi tiyakoj runakunata israelitakunaj ñawpaqenkumanta wijch'orqa, chay jallp'atataj Israelpa ayllunkunaman chayaqeta jina rak'irarqa. Chantá paykunata toldonkupi tiyaracherqa.

Éxodo 33:2

Noqataj angelniyta kachamusaj qanta pusasunanpaj. Chantá cananeokunata, amorreokunata, jititakunata, ferezeokunata, heveokunata, jebuseokunata ima kay jallp'amanta qharqosaj.

Hechos 18:10

Noqamin qanwan kashani, manataj pipis imanasonqachu, imaraykuchus kay llajtapi may chhika runakuna noqapi atinikonqanku, nispa.

Proverbios 16:7

Maypachachus pipis imaynatachus kawsasqanwan Tata Diosta kusichin chaypacha, Tata Diosqa chay runaj awqankunatapis paywan allin kawsayman churanqa.

Deuteronomio 12:20

Tata Diosniykichej nisqanman jina, jallp'aykichejta jatunyachejtin, sichus aychata mikhuyta munankichej chayqa, munasqaykichejta mikhuyta atillankichej.

Salmos 80:8

8 (9) Qanqa uva sach'ata jina Egiptomanta orqhomuwarqayku. Chantá qanta mana yupaychasojkunata wijch'uspa, chayman uvata mallkiykorqanki.

1 Crónicas 4:10

Jabestaj israelitakunaj Diosninmanta kay jinata mañakorqa: Yanapaway, jatun jallp'ata qonawaykita mañakuyki. Mañakullaykitaj yanaparinawaykita, tukuy sajra kajmantataj waqaychanawaykita, ama imata ñak'arispa kawsakunaypaj, nispa. Diostaj imatachus mañakusqanta qorqa.

Deuteronomio 19:8

Sichus Tata Diosniykichej, ñawpa tataykichejman nisqanman jina, jallp'aykichejta jatunyachispa tukuynin jallp'ata qosunkichejman chayqa,

Deuteronomio 7:1

Maypachachus Tata Diosniykichej, jap'inaykichej kashan, chay jallp'aman pusasonqachej chaypachaqa, ñawpaqeykichejmanta qanchis suyukunapi tiyakojkunata wijch'onqa. Chay suyukunapi tiyakojkunaqa qankunamanta aswan ashkha, chantá aswan kallpayoj kanku. Chaykunaqa kanku: Jititakuna, gergeseokuna, amorreokuna, cananeokuna, ferezeokuna, jivitakuna, chantá jebuseokuna ima.

Génesis 35:5

Chantá paykuna chaynejmanta llojsishajtinku, Diosqa muyuyninkupi llajtayojkunaj sonqonkuman manchachikuyta churarqa. Chayrayku Jacobpa churinkunata mana qhatiykorqankuchu.

Job 1:10

Manachu qan tukuy imamanta payta, ayllunta, jinataj tukuy iman kajtapis waqaychanki? Qan tukuy ima ruwasqanpi yanapanki. Chayrayku paypa uywan manchayta mirasqanrayku, tukuy kay cheqanejman junt'aykushan.

2 Crónicas 17:10

Chaypacha Judá muyuyninpi kaj tukuy suyukunaj kamachejninkukunapis Tata Diosta sinch'ita manchachikorqanku. Chayrayku Josafatpa contranpi maqanakuyta mana munarqankuchu.

Levítico 18:24

Ama chaykunata ruwaspa ch'ichichakunkichejchu. Chay jina millayta ruwasqankurayku, noqa ñawpaqeykichejmanta chay millay runakunata qharqosaj. Imajtinchus chay runakuna chayta ruwaspa ch'ichichakorqanku.

Éxodo 34:11

Kunan kamachisusqayta junt'aychej, noqataj ñawpaqeykichejmanta amorreokunata, cananeokunata, jititakunata, ferezeokunata, heveokunata, jebuseokunatawan ima qharqosaj.

Deuteronomio 16:16

Tata Diosniykichejpa ñawpaqenpi tukuy qharikuna watapi kinsa kutita rikhurenqanku, may cheqatachus Tata Dios ajllakonqa, chaypi. Kay raymikunapi rikhurinanku tiyan: Mana Levadurayoj T'anta nisqa raymipi, Semana nisqa raymipi, Ch'ujlla Ruwana nisqa raymipi ima. Chay raymikunapeqa mana pipis ch'usaj makillaqa Tata Diosman renqachu.

Salmos 120:1

(1b) Phutisqa kashaspa, Tata Diosman qhaparikorqani, paytaj uyariwarqa.

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

1 Reyes 5:1

1 (15) Tiromanta kuraj kamachej Jiranqa Davidpa churin Salomón kuraj kamachej jina churasqa kasqanta yachaspa, kamachinkunata kacharqa Salomonpa tatan Davidwan k'achatapuni kawsakusqanrayku.