Éxodo 34:21 - DIOSPA QHELQACHISQ

²¹ Sojta p'unchayta llank'ankichej, qanchis kaj p'unchaypitaj samarinkichej. Tarpuypis kachun, chayrí chajra poqoy oqharinapis kachun, samarinkichejpuni.

Qheshwa Biblia DC

²¹ Sojta diata llank'ankichej, qanchis kaj diapitaj samarikunkichej, tarpuypis kachun, chayri cosechapis kachun.

DIOSPA QHELQACHISQAN DEUTEROCANONICAL

²¹ Sojta p'unchayta llank'ankichej, qanchis kaj p'unchaypitaj samarinkichej. Tarpuypis kachun, chayrí chajra poqoy oqharinapis kachun, samarinkichejpuni.

Éxodo 34:21 Referans Kwoze

Éxodo 23:12

Sojta p'unchayta llank'anki, qanchis kaj p'unchaypitaj samarinki, wakayki, burroyki samarinankupaj. Ajinata ruwanki wata runayki kallpanman kutirinanpaj, jinallataj waj llajtayoj runapis.

San Lucas 13:14

Chaywanpis tantakuna wasita qhawajqa phiñakorqa, Jesús samarina p'unchaypi chay warmita qhaliyachisqanmanta. Jinataj runakunaman nerqa: Semanapi sojta p'unchay tiyan imallatapis ruwanapaj. Chay p'unchaykunallapi jampichikoj jamuychej, amataj samarina p'unchaypeqa, nispa.

1 Samuel 8:12

Wakintaqa 1.000 soldadokunata kamachinankupaj, wakintataj phishqa chunkata kamachinankupaj churanqa. Wakintaqa jallp'anta llank'anankupaj churanqa. Chantá chajraj poqosqanta oqharinankupaj, jinallataj armakunata ruwanankupaj, carretankunapajpis tukuy imata ruwanankupaj churanqa.

Deuteronomio 21:4

Chantataj kurajkuna chay malta wakata, mana jayk'aj tarpuna, chantá nitaj jayk'aj ch'akej wayq'oman apanqanku. Chaypitaj chay malta wakaj kunkanta q'ewenqanku.

Éxodo 35:2

Sojta p'unchayta llank'ankichej, qanchis kaj p'unchaypitaj samarinkichej, Tata Diospaj t'aqasqa p'unchay kasqanrayku. Pillapis chay p'unchaypi ruwananta ruwajqa wañuchisqa kanqa.

San Lucas 23:56

Chantá wasinkuman kutirispa, chay warmikuna sumaj q'apashaj jawinakunata wakicherqanku. Jinaytawantaj, kamachisqaman jina samarikorqanku, samarina p'unchay kasqanrayku.

Isaías 30:24

Chaypacha llank'aj bueyniykichejkuna, burroykichejkuna ima jorkawan sumaj wayrachisqa granota mikhonqanku.

Génesis 45:6

Kay suyupi yarqhay kasqanqa iskay wataña, phishqa watatawanraj kanan kashan. Chay watakunapi manapuni chajra oqharina kanqachu, nitaj tarpusqapis poqonqachu.

Éxodo 31:15

Sojta p'unchayta llank'ankichej, qanchis kaj p'unchaytaj samarina p'unchay Tata Diospaj t'aqasqa kanqa. Chayrayku pichus chay p'unchaypi imatachus ruwananta ruwajqa wañuchisqa kanqa.

Levítico 23:3

Sojta p'unchayta llank'ankichej, qanchis kaj p'unchaytataj ruwanaykichejmanta ama ni imata ruwankichejchu. Chay p'unchayqa qankunapaj jatun p'unchay kanqa, Diospa sutinpi tantakunaykichejpaj. Maypichari tiyakunkichej, chaypipis chay p'unchayqa samarikunaykichejpaj kanqa, Tata Diospaj t'aqasqa p'unchay kasqanrayku.

Nehemías 13:15

Chantá rikullarqanitaj Judapi wakinkunaqa samarina p'unchaypi vinota ruwanankupaj uvata sarushajta, trigo marq'atapis astashasqajta ima. Rikullarqanitaj vinota, uvata, higota, tukuy q'epita burrokunaman chajnaspa samarina p'unchaypi Jerusalenman apashajta. Chaypacha paykunata k'amerqani samarina p'unchaypi ranqhasqankumanta.