Éxodo 34:16 - DIOSPA QHELQACHISQ

¹⁶ Ichapis churiykichejkunata ususinkukunawan casarachiwajchej. Jinataj ususinkukuna millayta ruwaspa, diosninkuta yupaychanaman rispa, churiykichejtapis juchallichillankumantaj.

DIOSPA QHELQACHISQAN DEUTEROCANONICAL

¹⁶ Ichapis churiykichejkunata ususinkukunawan casarachiwajchej. Jinataj ususinkukuna millayta ruwaspa, diosninkuta yupaychanaman rispa, churiykichejtapis juchallichillankumantaj.

Éxodo 34:16 Referans Kwoze

Esdras 9:2

Jinallataj israelitakunaqa, wawankukunapis kay llajtayojkunaj ususinkukunawan casararqanku. Ajinamanta waj llajtayojkunawan Diospaj t'aqasqa ayllun chhapukunku. Tukuymanta aswan ñawpajtaqa kurajkuna, kamachejkunawan ima chay juchata ruwarqanku, nispa.

Nehemías 13:25

Jinapi paykunata k'amerqani, maldicerqanitaj. Paykunamanta wakintaqa maqarqani, chujchankutataj t'irarqani. Kamacherqanitaj Diosrayku tilunankuta: Manaña ujtawan ususiykukunata, nitaj churiykukunatapis waj llajtayojkunawan casarachisqaykuchu. Noqaykupis manallataj paykunamanta warmikunawan casarasqaykuchu, nispa.

Nehemías 13:23

Ajinallatataj chaypacha uyarerqani wakin judiokuna waj llajtayoj warmikunawan casarasqankuta. Chay warmikuna kasqanku Asdodmanta, Amonmanta, Moabmanta ima.

Josué 23:12

Sichus Diosta mana kasuspa, qankuna ukhupi tiyakushankuraj chay llajtayojkunawan chhapukunkichej chayqa, sitajchus paykunawan casarakunkichej chayqa, kayta sut'ita yachaychej:

Josué 23:13

Tata Diosniykichejqa chay llajtayojkunata ñawpaqeykichejmanta mana wijch'onqachu, manachayqa paykuna urmanaykichejpaj tojlla jina kanqanku. Paykuna wasaykichejpaj seq'ona jina kanqanku, jinataj ñawiykichejpi q'opa jina kallanqankutaj, kay chhika sumaj jallp'ata Tata Diosniykichej qosusqaykichejmanta ni uj puchuyoj chinkanaykichejkama.

Jueces 3:6

Chantá israelitakunaqa ususinkukunata chay waj llajtayoj runakunawan casaracherqanku, churinkukunatataj chay runakunaj ususinkukunawan. Jinallataj chay llajtayojkunaj diosninkukunatapis yupaycharqanku.

Jueces 14:3

Tatan mamanrí Sansonta nerqanku: Imapajtaj mana israelita warmita warmiykipaj mask'ashanki, chay filisteo mana circuncidasqa llajtayojkunamantari? Llajta masinchej ukhupi, chayrí tukuy israelitakuna ukhupipis manachu kanman uj warmi paywan casarakunaykipaj? nispa. Sansontajrí kuticherqa: Chay warmitapuni munani. Chayrayku paytapuni mañaqampuwaychej, nispa.

1 Reyes 11:1

Kuraj kamachej Salomonqa faraonpa ususin warmin kashajtinpis, waj llajtayoj ashkha warmikunawan casarakorqa: Amonitakunamanta, moabitakunamanta, edomitakunamanta, sidoniokunamanta, jititakunamanta kajkunawan ima.

Esdras 9:12

Chayrayku amapuni ususiykichejta wawankuwan casarachinkichejchu. Paykunaj ususinkutapis amallataj churiykichejwan casarachinkichejchu. Amataj jayk'ajpis mask'ankichejchu chay runakunajpa allin kawsayninkuta, nitaj allinninkutapis munaychejchu. Ajinamanta qankuna sinch'itapuni sayankichej, chay jallp'amanta allin kajninta mikhunkichej, chaymantataj chayaqeta wiñaypaj mirayniykichejman saqenkichej, nispa niwarqayku.

Nehemías 10:30

Kay jinata nerqanku: Mana ususiykuta casarachisqaykuchu mana Diospa ayllunmanta kaj qharikunawan, nillataj churiykutapis saqesqaykuchu chaykunaj ususinkunawan casarakojta.

Génesis 24:3

Jinaspataj, janaj pachapi, kay pachapipis Tata Diosrayku tiluy ari, noqa maypichus tiyakushani kay Canaanpi kaj warmikunawan amapuni churiyta casarachinaykita.

Levítico 21:15

Ajinata ruwanqa ama llajta masinkunata, nitaj mirayninta p'enqaypi rikhurichinanpaj. Noqa Tata Diosmin payta noqajta kananpaj t'aqakuni, nispa.

Jueces 3:5

Jinamanta israelitakunaqa tiyakorqanku cananeokunawan, jititakunawan, amorreokunawan, ferezeokunawan, heveokunawan, jebuseokunawan ima.

Jueces 8:27

Chantá Gedeonqa chay qorimanta uj lantita ruwaytawan, Ofrá llajtaman churaykorqa. Ajinamanta chay lantita Gedeón ruwachisqanrayku, Tata Diosta wasancharqanku chay llajtayojkuna, jinataj Israel ayllukunapis. Jinallataj Gedeonpajpis, ayllunpajpis misk'ana jina karqa.

1 Reyes 21:25

Mana ujpis karqachu Ajab jina Tata Diospa ñawpaqenpi millay ruwanaman qokojqa, imaraykuchus Jezabel warmin paytaqa chayman tanqaykorqa.

2 Crónicas 21:11

Chay jawaqa Judá suyupi tukuy orqokunapi pay lanti yupaychana wasikunata ruwacherqa. Ajinamanta Jorán Jerusalenpi tiyakojkunata, jinallataj Judapi tiyakojkunatapis tanqaykorqa Tata Diosta wasanchanankupaj.

Nehemías 10:31

Jinallataj sichus mana Diospa ayllunmanta kajkuna granota, chayrí waj poqochisqankuta samarina p'unchaypi, chayrí mayqen jatunpaj qhawasqa p'unchaypipis apamuwaykuman chayqa, mana imatapis rantisqaykuchu. Chantá qanchis kaj watapeqa jallp'ata samarichisqayku. Jinallataj imatachus israelita masiykuman manorqayku, chaytaqa mana mañakapusqaykuchu.

Salmos 106:39

Ajinata ruwaspa, paykuna ch'ichichakorqanku, millay ruwasqankuwantaj khuchichakorqanku.

Oseas 1:2

Tata Diosqa Israel suyuman Oseasnejta parlayta qallarispa, kay jinata nerqa: Israel suyoqa noqamanta t'aqakuspa, khuchichakun. Ajinallataj qanpis riy warmillikamuy uj khuchi warmiwan, chay warmipi wawayojtaj kay, jinamanta khuchichakoj warmej wawankuna nisqa kanankupaj, nispa.