Éxodo 34:15 - DIOSPA QHELQACHISQ

¹⁵ Chayrayku chay cheqanejpi tiyakojkunawan amapuni ima tratotapis ruwakunkichejchu. Paykunaqa millayta ruwaspa, diosninkuta yupaychayta yachanku. Chantá uywa ñak'asqata diosninkuman jaywashaspa, qankunata wajyasunkichejman. Qankunataj rispa, paykunawan khuska diosninkuman jaywasqa mikhunata mikhuspa wasanchawankichejman.

Qheshwa Biblia DC

^15-16 Chayrayku amapuni ima tratotapis ruwakunkichejchu ni mayqenwan chay jallp'api tiyakojkunawan, paykunaqa diosninkoj qhepampi qhenchachakonqanku, ofrenda rikuchikustataj diosninkuman jaywanqanku. Paykunaqa chaywan wajyasonqachej, chay jaywasqanku imastataj qankunaqa mikhunkichej, chayri ususisninkuta wawasniykichejwan casarachenqanku, jinamanta ususisninkupis qhenchachakonqanku diosninkoj qhepampi, churisniykichejtapis qhenchachachenqanku lantisninkuta yupaychachispa.

DIOSPA QHELQACHISQAN DEUTEROCANONICAL

¹⁵ Chayrayku chay cheqanejpi tiyakojkunawan amapuni ima tratotapis ruwakunkichejchu. Paykunaqa millayta ruwaspa, diosninkuta yupaychayta yachanku. Chantá uywa ñak'asqata diosninkuman jaywashaspa, qankunata wajyasunkichejman. Qankunataj rispa, paykunawan khuska diosninkuman jaywasqa mikhunata mikhuspa wasanchawankichejman.

Éxodo 34:15 Referans Kwoze

Jueces 2:17

Chaywanpis israelitakunaqa manapuni kasorqankuchu chay juezkunataqa, manachayqa Tata Diosta wasanchaspa, waj dioskunata yupaycharqanku. Ñawpa tatankukunaqa Tata Diospa kamachisqanta kasukuspa kawsakusqanku. Paykunarí manaraj imapi Tata Diosta wasancharqanku.

1 Corintios 8:4

Chantá, imatataj nisunman lantikunaman jaywasqa mikhunamantari? Yachanchej jina lanteqa mana imachu kay pachapeqa. Yachallanchejtaj uj k'ata Dioslla kasqanta.

Salmos 106:28

Chantá israelitakuna Baal Pegor lantiman k'askapuspa, mana kawsayniyoj diosman jaywasqata mikhorqanku.

Deuteronomio 31:16

Chaymantá Tata Diosqa Moisesta nerqa: Qanqa wañupunkiña. Kay israelitakunarí kunan yaykonqanku, chay jallp'api waj suyukunaj diosninkukunata yupaychaspa juchallenqanku. Jinata ruwaspa, paykunaqa qonqapuwanqanku, paykunawan ruwasqay tratotataj p'akenqanku.

Números 25:2

Chay warmikunaqa lantinkuman uywa ñak'asqata jaywana raymiman israelitakunata wajyarqanku. Israelitakunataj moabitakunaj lantinkoj sutinpi wayk'usqa mikhunata mikhuysikorqanku, paykunaj diosninkutataj yupaycharqanku.

1 Corintios 10:27

Sichus Diosman mana kutirikoj runa mikhunaykichejpaj wajyasunkichejman, qankunataj riyta munankichej chayqa, tukuy ima qosqanta mikhuychej, ama imata tapuspa sonqoykichej ama iskayrayananpaj.

1 Corintios 8:10

Nisunman: Qan chayta yachashaspa, lanti yupaychana wasipi mikhoj tiyaykurikuwaj. Sichus jinallaman pisi kallpa wawqeyki mikhushajta rikusunkiman chayqa, manachu paypis lantikunaman jaywasqa mikhunata mikhuyta munallanmantaj?

1 Corintios 8:7

Chaywanpis mana Diosta tukuy qhatejkunachu kayta yachanku. Wakinkuna lantikunata yupaychanaman yachasqa kaspa, yuyanku lantikunaqa cheqapuni atiyniyoj kasqankuta. Ajinaqa lantikunaman jaywasqa mikhunata mikhuspa, yuyanku chay lantikunata yupaychashasqankuta. Chayrayku sonqonku pisi kallpa kasqanrayku paykunata juchachan, yuyankutaj juchallisqankuta.

Jeremías 3:9

Israelqa imatachus ruwasqanta pujllakunata jinalla qhawaspa, tukuy suyuntinta ch'ichicharqa. Pay t'aqakuwaspa, rumikunata, k'ullukunatawan yupaychaj churakorqa.

Levítico 17:7

Ajina kanqa amaña chivoman rijch'asqa lantikunaman uywata ñak'aspa jaywanankupaj. Chaykunata yupaychaspa, israelitakunaqa sajra purikoj warmi jina ch'ichichakorqanku. Kay kamachisqaqa qankunapaj, jinataj mirayniykichejpajpis wiñaypaj kanqa.

Éxodo 34:12

Maymanchus yaykunkichej, chaypi tiyakojkunawan amapuni ni ima tratota ruwankichejchu, ama qankunata misk'achisunaykichejpaj.

Apocalipsis 2:20

Chaywanpis kayta niyki: Qanqa Jezabel sutiyoj warmita, pichus Diosmanta sut'inchaj kasqanta nin, chay warmej millay yachachisqanta qhawakushallanki. Chay warmeqa noqata qhatiwajkunaman yachachin khuchichakuyta atillasqankuta, chantá lantikunaman jaywasqa mikhunatapis mikhuyta atisqankuta ima.

Oseas 9:1

Ama kusikuychu, Israel, nillataj kusikuywan phinkiriychu waj suyu jinaqa. Qanqa, grano trillana erapi Diosta wasanchaspa, waynaykikunawan khuchichakunki. Khuchichakusqaykimantataj pagota jap'iyta misk'irichikunki.

Oseas 4:12

Chayrayku aylloyqa k'ullumanta lantikunallata tapukunku, jinataj chay k'ullu kutichinanta suyanku. Lantikunata yupaychaspa khuchichakunku. Paykunaqa Diosninkumanta t'aqakunku sajra puriyman qokunankupaj.

Salmos 73:27

Diosníy, qanmanta karunchakojkuna wañonqanku, qanta mana qhatisojkunatataj qan chinkarparichinki.

Esdras 6:9

Amallataj qonqaychejchu sapa p'unchay kay imakunata jaywayta Jerusalenpi sacerdotekunaj nisqankuman jina: Torillokunatachus, carnerokunatachus, chayrí corderokunatachus, janaj pachapi kaj Diosman jaywaspa q'olachinankupaj. Paykunaman qollankichejtaj trigota, kachita, vinota, aceitetawan ima.

Deuteronomio 7:2

Maypachachus Tata Diosniykichej, chay suyukunata atipanaykichejpaj makiykichejman jaywasonqachej chaypacha, paykunata kantumanta wañuchinkichej. Amapuni paykunawan ni ima tratota ruwankichejchu, nitaj khuyarikullankichejpischu.

Números 15:39

Chay waych'akunata qhawaspa, noqaj tukuy kamachisqayta kasunaykichejmanta yuyarikunkichej. Ajinata kamachisqayta junt'aspa, mana sonqoykichejpa munasqanwan, nitaj ñawiykichejpa rikusqanwan apachikunkichejchu, mana kasuwaspa purinaman aysachikunaykichejpaj.

Éxodo 34:10

Chantá Tata Dios kuticherqa: Noqa tukuy israelitakunaj rikunankuta uj tratota qanwan ruwasaj. Rikushajtiykichej, t'ukunata ruwasaj, chay jinaqa kay pachamanta ni uj suyupi, nitaj jayk'ajpis karqachu. Maypichus kashankichej chaypi, tukuy runakuna Tata Diospa ruwasqanta rikonqanku. Qankunawan imatachus ruwasqayqa manchay t'ukuna kanqa.

Éxodo 23:32

Ama paykunawanqa ni ima tratota ruwankichejchu, nitaj diosninkuwanpis.

Hechos 15:20

Manachayqa uj cartata paykunaman apachispa, kayllata nisunman: Qhasi dioskunaman jaywasqamantaqa ama mikhunankuta, ama khuchichakunankuta, amataj jeq'eqasqa chayrí sipisqa uywaj aychanta mikhunankuta, nillataj yawartapis mikhunankuta, nispa.

Éxodo 22:20

20 (19) Pichus uywa ñak'asqata Tata Diosllaman jaywananta, waj dioskunallaman jaywajqa wañuchisqa kanqa.

Éxodo 32:8

Paykunaqa kamachisqaymanta usqhayllata t'aqakuspa, qorita unuyachinku waka uña lantita ruwakunankupaj. Chaymantataj lanti ruwakusqankuman q'olachisqa jaywanata jaywaspa, yupaychashanku, nishankutaj: Israelitakuna, kaymin Egiptomanta orqhomuwarqanchej, chay diosninchejqa, nispa.

Números 25:1

Israelitakuna Sitinpi tiyakushajtinku, wakin qharikuna Moabmanta warmikunawan khuchichakuyta qallarerqanku.

Deuteronomio 7:3

Ama paykunawan aylluchakunkichejchu. Ama churiykichejta ususinkuwan, nitaj ususiykichejta churinkuwan casarachinkichejchu.

Deuteronomio 32:37

Chaypacha Tata Diosqa paykunata nenqa: Maypitaj diosniykichejkuna kashanku, jap'ikorqankichej, chay jark'akusojniykichejri?

Deuteronomio 32:38

Maypitaj kashanku uywa jaywasqaj wiranta mikhojkunari? Maypitaj kashanku vino jaywasqaykichejmanta ujyajkunari? Chaykuna qankunata yanapaj sayarimuchunku. Jinallataj qankunata jark'akoj jamuchunku.

Josué 23:12

Sichus Diosta mana kasuspa, qankuna ukhupi tiyakushankuraj chay llajtayojkunawan chhapukunkichej chayqa, sitajchus paykunawan casarakunkichej chayqa, kayta sut'ita yachaychej:

Jueces 3:6

Chantá israelitakunaqa ususinkukunata chay waj llajtayoj runakunawan casaracherqanku, churinkukunatataj chay runakunaj ususinkukunawan. Jinallataj chay llajtayojkunaj diosninkukunatapis yupaycharqanku.

1 Crónicas 5:25

Chaywanpis, ñawpa tatankukunaj Diosninpa contranpi oqharikorqanku, payta qhesachaspataj, Tata Dios ñawpaqenkumanta pikunatachus wijch'usqa, chaykunaj lantinkuta yupaycharqanku.

Esdras 9:12

Chayrayku amapuni ususiykichejta wawankuwan casarachinkichejchu. Paykunaj ususinkutapis amallataj churiykichejwan casarachinkichejchu. Amataj jayk'ajpis mask'ankichejchu chay runakunajpa allin kawsayninkuta, nitaj allinninkutapis munaychejchu. Ajinamanta qankuna sinch'itapuni sayankichej, chay jallp'amanta allin kajninta mikhunkichej, chaymantataj chayaqeta wiñaypaj mirayniykichejman saqenkichej, nispa niwarqayku.

Éxodo 22:19

19 (18) Tukuy pichus uywawan t'inkinakojqa wañuchisqa kanqa.

Deuteronomio 31:18

Chaypacha noqaqa astawan paykunamanta karunchakusaj, waj dioskunata yupaychaspa chay tukuy millayta ruwasqankumanta.