Éxodo 34:1 - DIOSPA QHELQACHISQ

¹ Tata Dios Moisesta nillarqataj: Ñawpajta jina ch'eqospa, iskay p'alta rumita ruwallaytaj. Choqaspa p'akerqanki, chay rumipi imakunachus qhelqasqa karqa, chaykunata ujtawan qhelqallasajtaj.

Qheshwa Biblia DC

¹ Señorqa Moisesman nillarqataj: Uj p'alta rumita palqayojta ruwallaytaj ñaupajta jina; mayqenkunatachus choqaspa t'unaykorqanki chay kikinta, chayman kunampis ñaupajta escriberqani chay kikin palabrasta ch'eqospa escribinaypaj.

DIOSPA QHELQACHISQAN DEUTEROCANONICAL

¹ Tata Dios Moisesta nillarqataj: Ñawpajta jina ch'eqospa, iskay p'alta rumita ruwallaytaj. Choqaspa p'akerqanki, chay rumipi imakunachus qhelqasqa karqa, chaykunata ujtawan qhelqallasajtaj.

Éxodo 34:1 Referans Kwoze

Éxodo 32:19

Chantá Moisés jaraman qayllaykuspa, waka uña lantita rikorqa, israelitakunatataj tusushajta tariparqa. Chantá manchay k'arajta phiñarikuspa, makinpi jap'isharqa, chay p'alta rumikunata orqo k'uchupi choqaspa p'akirparerqa.

Salmos 119:89

Tata Dios, simi nisqaykeqa wiñaypaj. Janajpi jina sinch'i sayasqa kashan.

Éxodo 31:18

Tata Diosqa Sinaí Orqopi Moiseswan parlayta tukuytawan, kamachisqakunata p'alta rumipi qhelqasqata Moisesman qorqa. Chay kamachisqakunataqa kikin Diospuni makinwan qhelqarqa.

Éxodo 34:28

Chantá Moisesqa Tata Dioswan tawa chunka p'unchayta, tawa chunka tutatawan chaypi qhepakorqa, mana imata mikhuspa, nitaj imata ujyaspa. Chaypi Moisesqa tratomanta chunka kamachisqakunata iskay p'alta rumipi qhelqarqa.

Éxodo 32:16

P'alta rumikunataqa Dios kikinmin ruwasqa, jinallataj chaykunapi kamachisqakunaqa Diospa qhelqasqanpuni karqa.

Éxodo 24:12

Chaymanta Tata Dios Moisesta nerqa: Maypichus noqa kashani, kay orqoman wicharimuy, chantá chaypi suyaway. Noqataj p'alta rumipi kamachisqakuna qhelqasqayta israelitakuna yachanankupaj qosqayki, nispa.

Éxodo 34:4

Chantá Moisés ñawpajta jina, iskay p'alta rumita ruwallarqataj. Tata Dios kamachisqanman jinataj, q'ayantin sut'iyarqoyta jatarispa, chay iskay p'alta rumita oqhariykukuytawan, Sinaí orqoman wicharerqa.

Deuteronomio 4:13

Chantá Tata Diosqa trato ruwasqanta rejsichisorqachej, kamachisorqachejtaj chayman jina ruwanaykichejta. Chay tratoqa chunka kamachisqakuna karqa, chay kamachisqatataj iskay p'alta rumipi qhelqarqa.

Jeremías 36:32

Chantá Jeremías qaramanta ruwasqa waj p'anqata jap'ispa, qhelqerin Neriaspa churin Barucman jaywarqa. Paytaj Jeremiaspa tukuy nisqanta qhelqarqa, mayqenchus Judata kuraj kamachej Joacinpa ruphachisqan p'anqapi qhelqasqa karqa, chay tukuyta. Jeremiastaj ñawpajta qhelqachisqanman waj imakunatawan yapacherqa.