Éxodo 33:5 - DIOSPA QHELQACHISQ

⁵ imaraykuchus Tata Diosqa Moisesta nisqa: Israelitakunata niy: Qankunaqa uyarikunapaj joq'ara kankichej. Uj chhikantachus qankunawan riyman chayqa, usqhayllata qankunata tukurparichiykichejman. Kunanpacha jaluchuykichejta orqhokuychej. Ajinapi noqa yachasaj qankunawan imatachus ruwanayta, nispa.

Qheshwa Biblia DC

⁵ Imaraykuchus Señorqa Moisesman nerqa: Israelitasman niy: Qankunaqa ancha rumi sonqos kankichej. Uj chhikantachus qankunawan riyman chayqa, qankunata uj ratopi tukuchiykichejman. Kunitampacha qhechukuychej tukuy k'achanchakunaykichej sumaj imasta, chaymanta noqa yachasaj imastachus qankunawan ruwayta.

DIOSPA QHELQACHISQAN DEUTEROCANONICAL

⁵ imaraykuchus Tata Diosqa Moisesta nisqa: Israelitakunata niy: Qankunaqa uyarikunapaj joq'ara kankichej. Uj chhikantachus qankunawan riyman chayqa, usqhayllata qankunata tukurparichiykichejman. Kunanpacha jaluchuykichejta orqhokuychej. Ajinapi noqa yachasaj qankunawan imatachus ruwanayta, nispa.

Éxodo 33:5 Referans Kwoze

Números 16:21

Kay runakunaj chawpinkumanta t'aqakuychej, imajtinchus kunanpacha paykunata tukuyninta wañuchisaj, nispa.

Salmos 139:23

Diosníy, sonqoyta allinta qhaway, sonqoyta rejsispataj, tukuy yuyasqayta allinta yachay allinchus manachus kasqanta.

Lamentaciones 4:6

Suyuypa jatun llajtaj millayta ruwasqanqa Sodomaj juchanmanta nisqaqa astawan jatunraj. Sodoma llajtataj ujllapi chinkachisqa karqa, mana runaj imanasqallan.

Isaías 22:12

Chay p'unchaypi Tukuy Atiyniyoj Tata Dios wajyasorqachej mayta llakikuspa waqanaykichejpaj, llakikusqaykichejta rikuchispa umaykichejta ruthukunaykichejpaj, qhashqa p'achata churakunaykichejpaj ima, chay millay ruwasqaykichejmanta.

Salmos 73:19

Paykunaqa uj ñawi ch'irmiypi pampachasqa rikhurenqanku, manchachikuytaj paykunata tukuchenqa.

Job 34:20

Runakunaqa uj ñawi ch'irmiyllapi wañunku. Chawpi tuta kashajtin, paykuna mayta ch'ajwanku, chantá chinkapunku. Atiyniyoj runapis ni pej imanasqallan chinkachisqa rikhurin.

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

Génesis 22:12

Angeltaj nerqa: Ama wawata ñak'aychu, nitaj imanaychu. Yachaniña qanqa noqata may jatun respetowan qhawawasqaykita, imaraykuchus munasqa churiykita qonawaykipaj mana mich'akorqankichu, nispa.

Génesis 18:21

Noqa rispa yachamusaj willawasqankuman jinachus ruwasqanku ancha millaypuni kasqanta. Ajinapi yachamusaj, nispa.

Hechos 7:51

Esteban nillarqataj: Qankunarí Diosta mana kasukoj rumi sonqo, mana uyarej kankichej. Chayrayku qankunapis ñawpa tatanchejkuna jina Santo Espirituta mana uyariyta munankichejchu.

Éxodo 32:9

Chay jawa Tata Diosqa Moisesta nillarqataj: Noqa yachaniña kay runakuna rumi sonqo kasqankuta.

Éxodo 33:6

Chayrayku israelitakunaqa Horeb orqopi tukuyninku jaluchunkukunata orqhokorqanku, chaymantapachataj manaña churakorqankuchu.

Isaías 48:4

Chay ajina karqa k'ullu kasqaykichejta yachasqayrayku. Kunkaykichejqa fierro jina mana kuyurej, umaykichejpis bronce jina sinch'illataj.

Joel 2:12

Chayrayku Tata Dios nin: Noqaman tukuy sonqo kutirikamuwaychej ayunaspa, waqaspa, llakikuspa ima.