Éxodo 33:16 - DIOSPA QHELQACHISQ

¹⁶ Qan noqaykuwan mana riwajchu chayqa, noqa, jinataj aylluyki Israel imaynapitaj yachasqayku qan khuyarikuwasqaykutari? Noqaykuwan rejtiykeqa, sut'ita yachakonqa noqa, jinataj aylluyki kay pachapi runakunamanta t'aqasqa kasqayku, nispa.

Qheshwa Biblia DC

¹⁶ Imapitaj yachakonqa qampi khuyakuyniykita tarisqayri, jinallataj israelita runasniyki imari? Manachu yachakonqa qan noqaykuwan purisqaykipi, manachu chanta yachakullanqataj noqata, israelita runasniykita ima kay mundopi tukuy laya runasmanta wajllaman t'aqawasqaykupi?

DIOSPA QHELQACHISQAN DEUTEROCANONICAL

¹⁶ Qan noqaykuwan mana riwajchu chayqa, noqa, jinataj aylluyki Israel imaynapitaj yachasqayku qan khuyarikuwasqaykutari? Noqaykuwan rejtiykeqa, sut'ita yachakonqa noqa, jinataj aylluyki kay pachapi runakunamanta t'aqasqa kasqayku, nispa.

Éxodo 33:16 Referans Kwoze

Deuteronomio 4:7

Mayqen jatun suyuwantaj diosninku chay jina qayllapi kashanman, imaynatachus Tata Diosninchej yanapanawanchejta mañakojtinchej qayllanchejpi kashan, jinatari?

Números 14:14

Canaanpi tiyakojkunaman willanqanku. Paykuna yachanku qanqa israelitakunawan kashasqaykita. Yachallankutaj qan israelitakunawan uyapura parlasqaykita, phuyuykipis paykunaj patankupi kashasqanta. Yachallankutaj p'unchayqa israelitakunaj patankuta phuyupi risqaykita, tutantaj nina k'anchay ukhupi paykunata pusasqaykita.

1 Reyes 8:53

Qanqa tukuy suyu ukhumanta, chayaqeyki kananpaj Israel aylluykita ajllakorqanki. Ajinata kamachiyki Moisesnejta ñawpa tataykunata Egiptomanta orqhomuspa nerqanki, nispa. Ajinata kuraj kamachej Salomonqa Dioswan parlarqa.

San Mateo 1:23

Qharej mana chayasqan uj sipas wijsallikonqa, uj qhari wawatataj paqarichikonqa. Chay wawata Emanuel sutiwan sutichanqanku. Chay suti niyta munan: Diosqa noqanchejwan, nispa.

Éxodo 34:10

Chantá Tata Dios kuticherqa: Noqa tukuy israelitakunaj rikunankuta uj tratota qanwan ruwasaj. Rikushajtiykichej, t'ukunata ruwasaj, chay jinaqa kay pachamanta ni uj suyupi, nitaj jayk'ajpis karqachu. Maypichus kashankichej chaypi, tukuy runakuna Tata Diospa ruwasqanta rikonqanku. Qankunawan imatachus ruwasqayqa manchay t'ukuna kanqa.

2 Corintios 6:17

Chayrayku Dios nillantaj: Paykunaj chawpinkumanta llojsiychej, t'aqakuychejtaj. Ama ch'ichipaj qhawasqa kajta llankhaychejchu, noqataj qankunata jap'ikapusqaykichej.

2 Samuel 7:23

Kay pachapi Israel aylluyki jinaqa mana waj ayllu kanchu. Qan, Diosníy, aylluyki kananpaj preciota pagaspa Israelta kacharicherqanki, may uyarisqa kanantataj ruwarqanki, payrayku jatuchaj may t'ukuna k'acha imakunata ruwaspa. Egiptomanta orqhomorqanki, chay aylluykej ñawpaqenmantataj qan chay waj runakunata, diosninkutawan wijch'orqanki.

Éxodo 8:22

22 (18) Chaywanpis, Gosén cheqanejpi ch'uspi mana kanqachu, imaraykuchus chaynejpi israelitakuna tiyakushanku. Ajinata ruwasqayrayku, noqa Tata Dios kay suyupi kashasqayta yachanki.

Salmos 147:20

Chaywanpis waj suyukunawan mana ajinatachu ruwarqa. Chay suyukunaqa Diospa kamachisqanta mana jayk'aj yacharqankuchu. Tata Diosqa jatunchasqa kachun.

Deuteronomio 4:34

Uj diosllapis kanchu, uj suyuta tukuy suyoj chawpinkumanta ajllakoj, imaynatachus Tata Dios Egiptopi qankunawan ruwarqa, ajinata ruwajqa? Tata Diosmin ñawpaqeykichejpi tukuy imaymana t'ukunata ruwaspa, maqanakuspa, may jina atiyniyoj kasqanta rikuchispa, t'ukuspa mancharinapaj jina imakunata ruwarqa.

Números 23:9

Kay chhanka patamanta paykunata rikuni, kay orqo patamantataj paykunata qhawashani. Kay runakunaqa mana imatapis manchachikuspa, tiyakushanku. Tukuymanta nisqa waj jina runakuna kanku.

Levítico 20:24

Noqa niykichej, chay llajtayojkunaj jallp'ankuta jap'ikapunaykichejta. Noqataj maypichus lechewan, abeja misk'iwan yaku jina purishan, chay jallp'ata qankunajta kananpaj qosqaykichej. Noqa Tata Diosmin qankunaj Diosniykichej kani, pichus waj suyukuna ukhumanta qankunata t'aqarqaykichej, chay.

Levítico 20:26

Qankunaqa noqapaj t'aqasqa kajkuna jina puriychej, imaraykuchus noqaqa may jina llimphu llimphupuni kani. Noqamin qankunata suyukuna ukhumanta t'aqarqaykichej noqajllata kanaykichejpaj.

Éxodo 34:9

Diosníy, sichus khuyarikuspa qhawarinawaykita tarini chayqa, noqaykuwan riy ari. Kay runakunaqa mana uyarikuyta munaj kanku. Chaywanpis millayta ruwaspa purisqaykuta, juchaykuta ima pampachapuwayku, jinaspataj, aylluykita jina jap'ikapuwayku, nispa.