Éxodo 33:14 - DIOSPA QHELQACHISQ

¹⁴ Chantá Tata Dios Moisesta nerqa: Noqa kikiy qanwan risaj, samarichisqaykitaj, nispa.

Qheshwa Biblia DC

¹⁴ Señortaj payman nerqa: Noqa kikiy qanwan risaj, noqallataj samachisqaykipis.

DIOSPA QHELQACHISQAN DEUTEROCANONICAL

¹⁴ Chantá Tata Dios Moisesta nerqa: Noqa kikiy qanwan risaj, samarichisqaykitaj, nispa.

Éxodo 33:14 Referans Kwoze

Josué 21:44

Tata Dios nisqanta junt'arqa, tukuy suyupitaj allin kawsaypi tiyakorqanku. Awqankukunapis manaña ujtawan paykunaman sayaykuyta aterqankuñachu, imaraykuchus Tata Diosqa awqankukunata atipaykuyta yanaparqa.

Josué 1:5

Kawsanaykikamaqa, mana pipis atipasonqachu, imaraykuchus noqa qanwan kasaj, imaynatachus Moiseswan karqani, ajinata. Mana jayk'ajpis saqesqaykichu, nitaj wijch'urpasqaykichu.

San Mateo 11:28

Noqaman jamuychej, tukuy sayk'usqa kajkuna, llasa q'epiyojkuna ima, noqataj samarichisqaykichej.

Isaías 63:9

Israelitakuna llakisqa kashajtinku, Tata Diospis llakisqallataj karqa. Mana pi angeltapis kachamorqachu paykunata kacharichinanpaj. Manachayqa paymin munakuyninwan, khuyakuyninwantaj pagota pagaspa, paykunata kacharicherqa. Paykunata marq'arikuspa, apaykacharqa, imaynatachus unaymantapacha ruwarqa, ajinata.

Salmos 95:11

Chayrayku sinch'i phiñakuyniypi tiluspa, nerqani: Paykuna samarinankupaj qosqay jallp'aman manapuni yaykonqankuchu, nispa.

Josué 22:4

Tata Diospis imatachus nisqanta junt'arqa, wawqeykichejkunataj sumaj kawsaypiña kashanku. Chayrayku kunanqa jap'isqaykichej jallp'aman kutipuychej, Jordán mayu chimpapi Tata Diospa kamachin Moisés qosorqachej, chayman.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

Jeremías 6:16

Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

Éxodo 13:21

Chantá ñanta rikuchinanpaj Tata Dios paykunaj ñawpaqenkuta rerqa, p'unchayqa chhoqo phuyupi, tutantaj ninapi, ajinamanta israelitakuna tuta p'unchay purinankupaj.

Josué 23:1

Tata Dios israelitakunata awqankukunawan maqanakunamanta samarichisqanqa unayña karqa. Josuetaj allin machituña kashaspa,

Deuteronomio 3:20

Qankunarí wawqeykichejkunawan khuska rinaykichej tiyan, Tata Diosniykichej Jordán mayu chimpapi, qankunaman jina paykunaman jallp'ata qonankama. Chaymantaraj qankunaqa, qoykichej kay jallp'aman kutimpunkichej, nispa.

Éxodo 3:12

Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Deuteronomio 4:37

Payqa ñawpa tataykichejkunata munakusqanrayku, mirayninkuta ajllakorqa. Paymin jatun atiyninwan Egiptomanta orqhomusorqachej.

Deuteronomio 12:10

Jordán mayuta chimpajtiykichej, Tata Dios qankunaman qosonqachej, chay jallp'api tiyakunkichej. Chaypi Tata Diosniykichej muyuyniykichejpi kaj awqaykichejmanta kacharichejtin, mana manchachikuspa tiyakunkichej.

Deuteronomio 25:19

Chayrayku Tata Diosniykichej qayllaykichejpi kaj tukuy awqaykichejmanta kacharichisojtiykichej, jinataj jallp'ata qosojtiykichejqa, amalecitakunatañataj wañuchispa chinkachinkichej. Amapuni chay jinata ruwayta qonqankichejchu.

Deuteronomio 31:8

Tata Dios pay kikinpuni ñawpaqeykita renqa, qanwantaj kanqa. Payqa mana saqerpayasonqachu, nitaj qonqarparisonqachu. Ama manchachikuychu, nitaj kharkatitiychu, nispa.

Jeremías 31:2

Tata Dios nillantaj: Pikunachus maqanakupi wañunamanta llusp'ejkunata ch'innejpi khuyakorqani, Israel ayllukuna samarikuyta mask'ashajtinku, nispa.

Job 34:29

Chaywanpis, sichus Dios ch'inlla kakun chayqa, pitaj payta juchachayta atinmanri? Sichus uyanta pakan chayqa, pitaj rikuyta atinmanri? Payqa tukuy suyuta qhawashan, jinallataj sapa uj runatapis.

Daniel (hebreo) 12:13

Qantaj, Daniel, wañunayki p'unchaykama allinta kawsakuy. Qhepanejmantaj t'inkaykita jap'ikapunaykipaj kawsarimunki, nispa.