Éxodo 33:13 - DIOSPA QHELQACHISQ

¹³ Sichus cheqatapuni khuyarikuspa qhawarinawaykita tarini chayqa, imatachus ruwayta munasqaykita niway ari, noqa qanta munakusunaypaj, jinataj qan noqapi atinikunaykipaj. Amataj qonqaychu kay runakunaqa qanpata wawaykikuna kasqankuta, nispa.

Qheshwa Biblia DC

¹³ Kunanqa Señor, sichus qampi tarini khuyakuyta chayqa, kunan rikuchiway ari ñanniykita qanta rejsisunaypaj, qampi khuyakuyta tarisqayta. Chayrayku qhawariy, kay runasqa qampa runasniyki.

DIOSPA QHELQACHISQAN DEUTEROCANONICAL

¹³ Sichus cheqatapuni khuyarikuspa qhawarinawaykita tarini chayqa, imatachus ruwayta munasqaykita niway ari, noqa qanta munakusunaypaj, jinataj qan noqapi atinikunaykipaj. Amataj qonqaychu kay runakunaqa qanpata wawaykikuna kasqankuta, nispa.

Éxodo 33:13 Referans Kwoze

Salmos 119:33

Tata Dios, kamachisqaykita kasuspa puriyta yachachiway, noqataj kawsanaykama kamachisqaykita junt'asaj.

Salmos 25:4

Munasqaykiman jina kawsayta yachachiway, Tata Dios, cheqan ñanniykitataj pusaway.

Salmos 27:11

Tata Dios, imaynatachus kawsanayta munasqaykita niway, cheqan ñantataj pusaway, imaraykuchus awqaykunaqa ashkha kanku.

Salmos 86:11

Tata Dios, ñanniykipi puriyta yachachiway, qanta kasuspa purinaypaj. Sonqoypi kay jinata munanalla kachun: Qanllata yupaychasuyta munana.

Deuteronomio 9:29

Chaywanpis israelitakunaqa aylluyki kanku, qanpatamin. Qanmin jatun atiyniyoj kasqaykita rikuchispa, Egiptomanta paykunata orqhomorqanki, nispa.

Deuteronomio 9:26

Chantá Tata Diosmanta mañakuspa, nerqani: Tukuyta Kamachej Tata Diosníy, kay aylluykita ama chinkachiychu ari, imajtinchus qanpatamin kanku. Qanmin preciota pagaspa paykunata jatun atiyniykiwan kacharicherqanki, Egiptomantataj kallpaykiwan orqhomorqanki.

Efesios 1:17

Mañapuykichej Tukuyta Kamachejninchej Jesucristoj Diosnin, atiyniyoj Tataqa Santo Espiritunejta yachayta, yuyayta ima qosunaykichejta, ajinamanta Dios imaynachus kasqanta maychus kajta yachanaykichejpaj.

Colosenses 1:10

Ajinata mañapuyku Tukuyta Kamachej Jesuspa munasqanman jina purinaykichejpaj, chantá tukuy imapi Diosta kusichinaykichejpaj. Ajinamanta allin kajta ruwaspa kankichej, jinataj Diosta astawan astawan rejsinkichej.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

Isaías 30:21

Chantaqa lloq'eman chayrí pañaman rejtiykichejpis, kayta nishajta uyarinkichej: Kaymin cheqan ñanqa. Mana pantaykuspa chayninta riychej, nispa nejta.

Joel 2:17

Templopi altar qayllapi Tata Diospaj ruwanayoj sacerdotekunapis waqaspa kay jinata mañachunku: Tata Diosniyku, kay tukuy runaj juchankuta pampachay ari. Ama saqeychu qanpata kajkunamanta pipis alqochakunanta. Amallataj saqeychu waj suyumanta runakuna suyuykita kamachinankuta. Amallataj saqeychu qanta mana manchachikojkuna ninankuta: Maypitaj kashan israelitakunaj Diosninkuri? nispa.

2 Pedro 3:18

Manachayqa astawan astawan Tukuyta Kamachej Jesucristota rejsinaykichejpaj kallpakuychej, jinallataj Diospa qhasilla k'acha yanapayninpi astawan atinikuychej. Jesucristo may jatunchasqa kachun kunanpis, wiñaypajpis. Ajina kachun.

Éxodo 34:9

Diosníy, sichus khuyarikuspa qhawarinawaykita tarini chayqa, noqaykuwan riy ari. Kay runakunaqa mana uyarikuyta munaj kanku. Chaywanpis millayta ruwaspa purisqaykuta, juchaykuta ima pampachapuwayku, jinaspataj, aylluykita jina jap'ikapuwayku, nispa.

Romanos 11:28

Israelitakunamanta ashkha Jesucristoj sumaj willayninpa contranpi kanku, chaytajrí qankuna mana judiokunaj allinniykichejpaj. Chaywanpis paykuna Diospaj may munakusqan ayllunraj kashanku, imajtinchus payqa ñawpa tatanku Abrahamta, Isaacta, chantá Jacobta ima ajllakorqa.

Isaías 63:19

Noqayku rijch'akuyku, pikunatachus qan mana ni jayk'aj kamacherqankichu, chaykunaman, pikunachus ni jayk'aj sutiykiwan sutichasqa karqankuchu, chaykunaman.

Isaías 63:17

Imajtintaj, Tata Dios, ñanniykikunamanta pantanaykuta saqenkiri? Imaraykutaj sonqoykuta rumiyachiwaykuri, amaña qanta jatun respetowan qhawasunaykupajri? Noqayku kamachiykikunata munakusqaykirayku qhawarimuwayku. Noqayku chayaqeyki aylluykimantaj kutirikamuwayku.

Éxodo 32:7

Chantá Sinaí orqopi Tata Dios Moisesta nerqa: Kunanpacha kay orqomanta urayk'uy, imaraykuchus Egiptomanta orqhomusqayki runakunaqa millayta ruwashanku.

Éxodo 3:7

Chantá Tata Dios nillarqataj: Noqa Egipto suyupi israelitakuna sonqo nanayta ñak'arishasqankuta rikuni. Jilaqatakuna jasut'ispa, imaynatachus waqachisqankutapis uyarini. Imaynatachus llakikushasqankuta yachallanitaj.

Éxodo 3:10

Chayrayku kunan qan faraonman rinki. Noqa kachashayki Israelpa mirayninta Egiptomanta orqhomunaykipaj, nispa.

Éxodo 5:1

Chantá Moiseswan, Aaronwan ima faraonwan parlaj rispa, nerqanku: Israelpa Diosnin Tata Dios ajinata nisunki: Noqaj ajllakusqay aylluyta kachariy, ch'innejman rispa, sutiypi uj raymita ruwapunawankupaj, nispa.

Éxodo 32:12

Egipto llajtayojkunaqa ninkumanchari: Diosqa israelitakunata mana allin sonqowan kaymanta orqhon, ch'innejpi wañuchispa kay pachamanta chinkachinanpaj, nispa. Chayrayku sonqoykita tiyaykuchikuspa, aylluykita ama jasut'iychu, ari.

Éxodo 32:14

Chantá Tata Dios sonqonta tiyaykuchikorqa, manañataj Israel ayllunta chinkachiyta yuyasqanta ruwarqachu.

Salmos 51:13

13 (15) mana kasukuyta munajkunaman kamachisqaykita yachachinaypaj, juchasapakunataj qanman kutirikamusunankupaj.

Salmos 103:7

Payqa Moisesman imatachus yuyasqanta rejsicherqa, Israel ayllumantaj ruwasqanmanta yachacherqa.

2 Samuel 15:25

Jinapi kuraj kamachejqa Sadocta nerqa: Diospa arcanta llajtaman kutichipullay. Sichus Tata Dios khuyawanqa chayqa, pay munanqa kutimunayta arcanta rikunaypaj, jinallataj maypichus kashan, chay cheqatapis.