Éxodo 33:12 - DIOSPA QHELQACHISQ

¹² Chantá Moisés Tata Diosta nerqa: Qan niwarqanki: Israelitakunata qan pusay, nispa. Chaywanpis mana niwankichu noqawan rinanpaj pitachus kachamunawaykita. Jinallataj niwarqanki noqapi sumajta atinikusqaykita, khuyarikunawaykipajtaj sonqoyki kasqanta.

Qheshwa Biblia DC

¹² Moisesqa Señorman nerqa: Qhawariy, qan niwarqanki noqaman: Kay runasta orqhoy, nispa; manataj sut'inchawankichu pitachus kachamunawaykita noqawan rinampaj. Chaywampis qan niwarqanki, noqa qanta allintapuni rejsiyki, nispa. Chanta nillawankitaj: Noqapi khuyakuyta tarinki, nispa.

DIOSPA QHELQACHISQAN DEUTEROCANONICAL

¹² Chantá Moisés Tata Diosta nerqa: Qan niwarqanki: Israelitakunata qan pusay, nispa. Chaywanpis mana niwankichu noqawan rinanpaj pitachus kachamunawaykita. Jinallataj niwarqanki noqapi sumajta atinikusqaykita, khuyarikunawaykipajtaj sonqoyki kasqanta.

Éxodo 33:12 Referans Kwoze

Éxodo 33:17

Chantá Tata Diosqa Moisesta nerqa: Kayta mañakuwasqaykitapis ruwallasajtaj, imaraykuchus noqa qanta allinpaj qhawayki, jinataj allinpi kawsakunchej, nispa.

Jeremías 1:5

Mamaykej wijsanpi manaraj kashajtiyki, ñapis qanta ajllakorqaykiña. Manaraj paqarikushajtiyki, ñapis t'aqarqaykiña, suyukunaj sut'inchajnin kanaykipajtaj churarqayki, nispa.

Éxodo 32:34

Kunanqa israelitakunata pusay, maymanchus pusanaykita nerqayki, chayman. Noqaj angelniytaj pusasonqa. Chaywanpis jasut'inay p'unchay chayamojtin, noqa paykunata juchankumanta jasut'isaj, nispa.

2 Timoteo 2:19

Chaywanpis Diospa cimiento churasqanqa sumajta sayan, chay cimientopitaj kay jina qhelqasqa kashan: Tukuyta Kamachej Diosqa paypata kajkunata rejsin, nispa. Nillantaj: Tukuy pikunachus Tukuyta Kamachej Diospata kajkunaqa millayta ruwaspa purinamanta t'aqakuchunku, nispa.

Isaías 43:1

Jacobpa miraynin Israel, pichus qanta ruwasorqa, chay Tata Dios nisunki: Ama manchachikuychu, imaraykuchus noqa pagaspa, qanta kacharicherqayki. Noqa sutiykimanta wajyarqayki, qantaj noqajta kanki.

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

Éxodo 33:1

Tata Dios Moisesta nerqa: Qanwan chantá, Egiptomanta orqhomorqanki, chaykunawan khuska kaymanta puririychej, noqa Abrahamman, Isaacman, Jacobmanwan ima tiluspa nerqani: Mirayniykichejman kay jallp'ata qosaj, nispa, chayman.

Éxodo 3:10

Chayrayku kunan qan faraonman rinki. Noqa kachashayki Israelpa mirayninta Egiptomanta orqhomunaykipaj, nispa.

Salmos 1:6

Tata Dios cheqan runakunaj puriyninkuta waqaychan. Millayta ruwaspa purejkunaj ruwasqankurí chinkayman paykunata apan.

Éxodo 33:2

Noqataj angelniyta kachamusaj qanta pusasunanpaj. Chantá cananeokunata, amorreokunata, jititakunata, ferezeokunata, heveokunata, jebuseokunata ima kay jallp'amanta qharqosaj.

Isaías 45:3

Pakasqa valorniyoj imakunata noqa qosqayki, valorniyoj pakasqa kashan, chayta. Ajinamanta yachanki Israelpa Tata Diosnin noqa kasqayta, jinallataj sutiykimanta wajyasoj kasqaytawan.

Hageo 2:5

Tata Dios nillantaj: Imaynatachus Egiptomanta llojsimushajtiykichej, qankunawan tratota ruwarqani, chayman jina Espírituy qankunawan kanqa. Ama manchachikuychejchu, nispa.

Éxodo 3:4

Chantá Tata Diosqa Moisés t'ankarman qayllashasqanta rikuspa, payta wajyarqa nina lawray ukhumanta: Moisés, Moisés, nispa. Paytaj kuticherqa: Imata ninki, tatáy? nispa.

Éxodo 34:9

Diosníy, sichus khuyarikuspa qhawarinawaykita tarini chayqa, noqaykuwan riy ari. Kay runakunaqa mana uyarikuyta munaj kanku. Chaywanpis millayta ruwaspa purisqaykuta, juchaykuta ima pampachapuwayku, jinaspataj, aylluykita jina jap'ikapuwayku, nispa.

2 Samuel 15:25

Jinapi kuraj kamachejqa Sadocta nerqa: Diospa arcanta llajtaman kutichipullay. Sichus Tata Dios khuyawanqa chayqa, pay munanqa kutimunayta arcanta rikunaypaj, jinallataj maypichus kashan, chay cheqatapis.